Nirvaana Dasakam

న భూమిర్న తోయం న తేజో న వాయుః న ఖం నేంద్రియం వా న తేషాం సమూహః అనేకాంతికత్వాత్సుషుప్త్యేకసిద్ధః తదేకోఽవశిష్టః శివః కేవలోఽహమ్ ॥ 1 ॥

న వర్ణా న వర్ణాశ్రమాచారధర్మా న మే ధారణాధ్యానయోగాదయోపి అనాత్మాశ్రయాహం మమాధ్యాసహానా- తదేకోఽవశిష్టః శివః కేవలోఽహమ్ ॥ 2 ॥

న మాతా పితా వా న దేవా న లోకా న వేదా న యజ్ఞా న తీర్థ బ్రువంతి సుషుప్తౌ నిరస్తాతిశూన్యాత్మకత్వా- తదేకోఽవశిష్టః శివః కేవలోఽహమ్ ॥ 3 ॥

న సాంఖ్యం న శైవం న తత్పాంచరాత్రం న జైనం న మీమాంసకాదేర్మతం వా విశిష్టానుభూత్యా విశుద్ధాత్మకత్వా- తదేకోఽవశిష్టః శివః కేవలోఽహమ్ ॥ 4 ॥

న చోర్ధ్వం న చాధో న చాంతర్న బాహ్యం న మధ్యం న తిర్యన్న పూర్వాఽపరా దిక్ వియద్వ్యాపకత్వాదఖండైకరూపః తదేకోఽవశిష్టః శివః కేవలోఽహమ్ ॥ 5 ॥

న శుక్లం న కృష్ణం న రక్తం న పీతం న కుబ్జం న పీనం న హ్రస్వం న దీర్ఘం అరూపం తథా జ్యోతిరాకారకత్వా- తదేకోఽవశిష్టః శివః కేవలోఽహమ్ ॥ 6 ॥

న శాస్తా న శాస్త్రం న శిష్యో న శిక్షా న చ త్వం న చాహం న చాయం ప్రపంచః స్వరూపావబోధీ వికల్పాసహిష్ణుః తదేకోఽవశిష్టః శివః కేవలోఽహమ్ ॥ 7 ॥

న జాగ్రన్న మే స్వప్నకో వా సుషుప్తిః న విశ్వో న వా తైజసః పాజ్ఞకో వా అవిద్యాత్మకత్వాత్త్రయాణం తురీయః తదేకోఽవశిష్టః శివః కేవలోఽహమ్ ॥ 8 ॥