Vishnu · Traditional devotional text · Source: vignanam.org (Traditional devotional text (public-domain shlokas))
ആനംദരൂപേ നിജബോധരൂപേ ബ്രഹ്മസ്വരൂപേ ശ്രുതിമൂര്തിരൂപേ । ശശാംകരൂപേ രമണീയരൂപേ ശ്രീരംഗരൂപേ രമതാം മനോ മേ ॥ 1 ॥
കാവേരിതീരേ കരുണാവിലോലേ മംദാരമൂലേ ധൃതചാരുകേലേ । ദൈത്യാംതകാലേഽഖിലലോകലീലേ ശ്രീരംഗലീലേ രമതാം മനോ മേ ॥ 2 ॥
ലക്ഷ്മീനിവാസേ ജഗതാം നിവാസേ ഹൃത്പദ്മവാസേ രവിബിംബവാസേ । കൃപാനിവാസേ ഗുണബൃംദവാസേ ശ്രീരംഗവാസേ രമതാം മനോ മേ ॥ 3 ॥
ബ്രഹ്മാദിവംദ്യേ ജഗദേകവംദ്യേ മുകുംദവംദ്യേ സുരനാഥവംദ്യേ । വ്യാസാദിവംദ്യേ സനകാദിവംദ്യേ ശ്രീരംഗവംദ്യേ രമതാം മനോ മേ ॥ 4 ॥
ബ്രഹ്മാധിരാജേ ഗരുഡാധിരാജേ വൈകുംഠരാജേ സുരരാജരാജേ । ത്രൈലോക്യരാജേഽഖിലലോകരാജേ ശ്രീരംഗരാജേ രമതാം മനോ മേ ॥ 5 ॥
അമോഘമുദ്രേ പരിപൂര്ണനിദ്രേ ശ്രീയോഗനിദ്രേ സസമുദ്രനിദ്രേ । ശ്രിതൈകഭദ്രേ ജഗദേകനിദ്രേ ശ്രീരംഗഭദ്രേ രമതാം മനോ മേ ॥ 6 ॥
സചിത്രശായീ ഭുജഗേംദ്രശായീ നംദാംകശായീ കമലാംകശായീ । ക്ഷീരാബ്ധിശായീ വടപത്രശായീ ശ്രീരംഗശായീ രമതാം മനോ മേ ॥ 7 ॥
ഇദം ഹി രംഗം ത്യജതാമിഹാംഗം പുനര്ന ചാംഗം യദി ചാംഗമേതി । പാണൌ രഥാംഗം ചരണേഽംബു ഗാംഗം യാനേ വിഹംഗം ശയനേ ഭുജംഗമ് ॥ 8 ॥
Offered for worship and study, not as prediction. Non-commercial.
More devotional texts
രംഗനാഥാഷ്ടകം പുണ്യം പ്രാതരുത്ഥായ യഃ പഠേത് । സർവാന്കാമാനവാപ്നോതി രംഗിസായുജ്യമാപ്നുയാത് ॥ 9 ॥
ഇതി ശ്രീ രംഗനാഥാഷ്ടകമ് ।
Browse Related Categories: