Shiva Namavalyashtakam (Namavali Ashtakam)

hē chandrachūḍa madanāntaka śūlapāṇē sthāṇō girīśa girijēśa mahēśa śambhō । bhūtēśa bhītabhayasūdana māmanāthaṃ saṃsāraduḥkhagahanājjagadīśa rakṣa ॥ 1 ॥

hē pārvatīhṛdayavallabha chandramauḻē bhūtādhipa pramathanātha girīśachāpa । hē vāmadēva bhava rudra pinākapāṇē saṃsāraduḥkhagahanājjagadīśa rakṣa ॥ 2 ॥

hē nīlakaṇṭha vṛṣabhadhvaja pañchavaktra lōkēśa śēṣavalaya pramathēśa śarva । hē dhūrjaṭē paśupatē girijāpatē māṃ saṃsāraduḥkhagahanājjagadīśa rakṣa ॥ 3 ॥

hē viśvanātha śiva śaṅkara dēvadēva gaṅgādhara pramathanāyaka nandikēśa । bāṇēśvarāndhakaripō hara lōkanātha saṃsāraduḥkhagahanājjagadīśa rakṣa ॥ 4 ॥

vārāṇasīpurapatē maṇikarṇikēśa vīrēśa dakṣamakhakāla vibhō gaṇēśa । sarvajña sarvahṛdayaikanivāsa nātha saṃsāraduḥkhagahanājjagadīśa rakṣa ॥ 5 ॥

śrīmanmahēśvara kṛpāmaya hē dayāḻō hē vyōmakēśa śitikaṇṭha gaṇādhinātha । bhasmāṅgarāga nṛkapālakalāpamāla saṃsāraduḥkhagahanājjagadīśa rakṣa ॥ 6 ॥

kailāsaśailavinivāsa vṛṣākapē hē mṛtyuñjaya trinayana trijagannivāsa । nārāyaṇapriya madāpaha śaktinātha saṃsāraduḥkhagahanājjagadīśa rakṣa ॥ 7 ॥

viśvēśa viśvabhavanāśaka viśvarūpa viśvātmaka tribhuvanaikaguṇādhikēśa । hē viśvanātha karuṇāmaya dīnabandhō saṃsāraduḥkhagahanājjagadīśa rakṣa ॥ 8 ॥