Daily prayers · Traditional devotional text · Source: Nitya Parayana Slokas (traditional daily recitations, via vignanam.org) (Traditional devotional text (public-domain shlokas))
kārya prārambha stōtraṃ
śuklā-mbaradharaṃ viṣṇuṃ śaśivarṇa-ñchaturbhujam । prasannavadana-ndhyāyē-thsarva vighnōpaśāntayē ॥
gaṇēśa stōtraṃ
vakratuṇḍa mahākāya sūryakōṭi samaprabhaḥ । nirvighna-ṅkuru mē dēva sarva kāryēṣu sarvadā ॥
agajānana padmārka-ṅgajānana maharniśam । anēkadan-ta-mbhaktānām-ēkadanta-mupāsmahē ॥
sarasvatī stōtraṃ
sarasvatī namastubhyaṃ varadē kāmarūpiṇī । vidyārambha-ṅkariṣyāmi siddhirbhavatu mē sadā ॥
yā kundēndu tuṣāra hāra dhavaḻā, yā śubhra vastrāvṛtā [vastrānvitā] । yā vīṇā varadaṇḍa maṇḍita karā, yā śvēta padmāsanā । yā brahmāchyuta śaṅkara prabhṛtibhir-dēvai-ssadā pūjitā । sā mā-mpātu sarasvatī bhagavatī niśśēṣajāḍyāpahā ॥
guru ślōkaḥ
gururbrahma gururviṣṇuḥ gururdēvō mahēśvaraḥ । guru-ssākṣā-tparabrahma tasmai śrī guravē namaḥ ॥
guravē sarvalōkānā-mbhiṣajē bhavarōgiṇām । nidhayē sarva vidyānāṃ śrī dakṣiṇāmūrtayē nama ॥
Offered for worship and study, not as prediction. Non-commercial.
viṣṇu stōtraṃ
śāntākāra-mbhujagaśayana-mpadmanābhaṃ surēśaṃ viśvādhāra-ṅgagana sadṛśa-mmēghavarṇaṃ śubhāṅgam । lakṣmīkānta-ṅkamalanayanaṃ yōgihṛddhyānagamyaṃ vandē viṣṇu-mbhavabhayaharaṃ sarvalōkaikanātham ॥
śrī rāma stōtraṃ
śrī rāma rāma rāmēti ramē rāmē manōramē sahasranāma tattulyaṃ rāma nāma varānanē
rāmāya rāmabhadrāya rāmachandrāya vēdhasē । raghunāthāya nāthāya sītāyāḥ patayē namaḥ ॥ 27 ॥
śrī kṛṣṇa stōtraṃ
mandāramūlē madanābhirāmaṃ bimbādharāpūrita vēṇunādam । gōgōpa gōpījana madhyasaṃsthaṃ gōpa-mbhajē gōkula pūrṇachandram ॥
vasudēva sutaṃ dēvaṃ kaṃsa chāṇūra mardanam । dēvakī paramānandaṃ kṛṣṇaṃ vandē jagadgurum ॥
mūkaṃ karōti vāchālaṃ paṅguṃ laṅghayatē girim । yatkṛpā tamahaṃ vandē paramānandamādhavam ॥
hanumān stōtraṃ
manōjava-mmāruta tulyavēga-ñjitēndriya-mbuddhimatāṃ variṣṭam । vātātmajaṃ vānarayūdha mukhyaṃ śrīrāmadūtaṃ śirasā namāmi ॥
buddhirbalaṃ yaśōdhairya-nnirbhayatvamarōgatā । ajāḍyaṃ vākpaṭutva-ñcha hanumassmaraṇā-dbhavēt ॥
rāmadūtaṃ mahāvīraṃ rudrabījasamudbhavam । aṃjanāgarbhasaṃbhūtaṃ vāyuputra namō'stu tē ॥
śiva stōtraṃ
trya̍mbakaṃ yajāmahē suga̠ndhi-mpu̍ṣṭi̠vardha̍nam । u̠rvā̠ru̠kami̍va̠ bandha̍nā-nmṛtyō̍r-mukṣīya̠ mā-'mṛtā̎t ॥
vandē śambhumumāpatiṃ suraguruṃ vandē jagatkāraṇaṃ vandē pannagabhūṣaṇaṃ śaśidharaṃ vandē paśūnā-mpatim । vandē sūryaśaśāṅka vahninayanaṃ vandē mukundapriyaṃ vandē bhaktajanāśraya-ñcha varadaṃ vandē śivaṃ śaṅkaram ॥
mṛtyuṃjayāya rudrāya nīlakaṃṭhāya śaṃbhavē । amṛtēśāya śarvāya mahādēvāya tē namaḥ ॥
vēṅkaṭēśvara stōtraṃ
śriyaḥ kāntāya kaḻyāṇanidhayē nidhayē-'rthinām । śrī vēṅkaṭa nivāsāya śrīnivāsāya maṅgaḻam ॥
kalyāṇādbhutagātrāya kāmitārthapradāyinē । śrīmadvēṃkaṭanāthāya śrīnivāsāya maṃgalaṃ ॥
lakṣmī stōtraṃ
lakṣmī-ṅkṣīrasamudra rāja tanayāṃ śrīraṅga dhāmēśvarīm । dāsībhūta samasta dēva vanitāṃ lōkaika dīpāṅkurām । śrīmanmandha kaṭākṣa labdha vibhava brahmēndra gaṅgādharām । tvā-ntrailōkyakuṭumbinīṃ sarasijāṃ vandē mukundapriyām ॥
dēvī stōtraṃ
sarva svarūpē sarvēśē sarva śakti samanvitē । bhayēbhyastrāhi nō dēvi durgēdēvi namōstutē ॥
sarva maṅgala māṅgalyē śivē sarvārtha sādhikē । śaraṇyē tryambakē dēvi nārāyaṇi namōstutē ॥
prabhāta ślōkaḥ
karāgrē vasatē lakṣmīḥ karamadhyē sarasvatī । karamūlē sthitā gaurī prabhātē karadarśanam ॥ [pāṭhabhēdaḥ - karamūlē tu gōvindaḥ prabhātē karadarśanam ॥]
snāna ślōkaḥ
gaṅgē cha yamunē chaiva gōdāvarī sarasvatī narmadē sindhu kāvērī jalēsmin sannidhi-ṅkuru ॥
namaskāra ślōkaḥ
tvamēva mātā cha pitā tvamēva, tvamēva bandhuścha sakhā tvamēva । tvamēva vidyā draviṇa-ntvamēva, tvamēva sarva-mmama dēvadēva ॥
bhōjana ślōkaḥ
brahmārpaṇa-mbrahma haviḥ brahmāgnau brahmaṇāhutam । brahmaiva tēna gantavya-mbrahma karma samādhinaḥ ॥
annapūrṇē sadā pūrṇē śaṅkaraprāṇavallabhē । jñānavairāgya siddhyartha-mbhikṣā-ndēhi cha pārvati ॥
śayana ślōkaḥ
rāmaṃ skandaṃ hanumantaṃ vainatēyaṃ vṛkōdaram । śayanē ya-ssmarēnnitya-ndusvapna-stasyanaśyati ॥
śānti mantraṃ
asatōmā sadgamayā । tamasōmā jyōtirgamayā । mṛtyōrmā amṛtaṅgamayā । ōṃ śānti-śśānti-śśāntiḥ
sarvē bhavantu sukhina-ssarvē santu nirāmayāḥ । sarvē bhadrāṇi paśyantu mā kaśchidduḥkha bhāgbhavēt ॥ ōṃ śānti-śśānti-śśāntiḥ
ōṃ sa̠ha nā̍vavatu । sa̠ha nau̍ bhunaktu । sa̠ha vī̠rya̍-ṅkaravāvahai । tē̠ja̠svinā̠vadhī̍tamastu̠ mā vi̍dviṣā̠vahai̎ । ōṃ śānti̠-śśānti̠-śśānti̍ḥ ॥