Sri Gayatri Sahasra Nama Stotram

dhyānam raktaśvētahiraṇyanīladhavalairyuktāṃ trinītrōjjvalāṃ raktāṃ raktanavasrajaṃ maṇigaṇairyuktāṃ kumārīmimām । gāyatrīṃ kamalāsanāṃ karatalavyānaddhakuṇḍāmbujāṃ padmākṣīṃ cha varasrajaṃ cha dadhatīṃ haṃsādhirūḍhāṃ bhajē ॥ 9 ॥

achintyalakṣaṇāvyaktāpyarthamātṛmahēśvarī । amṛtārṇavamadhyasthāpyajitā chāparājitā ॥ 10 ॥

aṇimādiguṇādhārāpyarkamaṇḍalasaṃsthitā । ajarājāparādharmā akṣasūtradharādharā ॥ 11 ॥

akārādikṣakārāntāpyariṣaḍvargabhēdinī । añjanādripratīkāśāpyañjanādrinivāsinī ॥ 12 ॥

aditiśchājapāvidyāpyaravindanibhēkṣaṇā । antarbahiḥsthitāvidyādhvaṃsinī chāntarātmikā ॥ 13 ॥

ajā chājamukhāvāsāpyaravindanibhānanā । ardhamātrārthadānajñāpyarimaṇḍalamardinī ॥ 14 ॥

asuraghnī hyamāvāsyāpyalakṣmīghnyantyajārchitā । ādilakṣmīśchādiśaktirākṛtiśchāyatānanā ॥ 15 ॥

ādityapadavīchārāpyādityaparisēvitā । āchāryāvartanāchārāpyādimūrtinivāsinī ॥ 16 ॥

āgnēyī chāmarī chādyā chārādhyā chāsanasthitā । ādhāranilayādhārā chākāśāntanivāsinī ॥ 17 ॥

ādyākṣarasamāyuktā chāntarākāśarūpiṇī । ādityamaṇḍalagatā chāntaradhvāntanāśinī ॥ 18 ॥

indirā chēṣṭadā chēṣṭā chēndīvaranibhēkṣaṇā । irāvatī chēndrapadā chēndrāṇī chēndurūpiṇī ॥ 19 ॥

ikṣukōdaṇḍasaṃyuktā chēṣusandhānakāriṇī । indranīlasamākārā chēḍāpiṅgalarūpiṇī ॥ 20 ॥

indrākṣīchēśvarī dēvī chēhātrayavivarjitā । umā chōṣā hyuḍunibhā urvārukaphalānanā ॥ 21 ॥

uḍuprabhā chōḍumatī hyuḍupā hyuḍumadhyagā । ūrdhvā chāpyūrdhvakēśī chāpyūrdhvādhōgatibhēdinī ॥ 22 ॥

ūrdhvabāhupriyā chōrmimālāvāggranthadāyinī । ṛtaṃ charṣirṛtumatī ṛṣidēvanamaskṛtā ॥ 23 ॥

ṛgvēdā ṛṇahartrī cha ṛṣimaṇḍalachāriṇī । ṛddhidā ṛjumārgasthā ṛjudharmā ṛjupradā ॥ 24 ॥

ṛgvēdanilayā ṛjvī luptadharmapravartinī । lūtārivarasambhūtā lūtādiviṣahāriṇī ॥ 25 ॥

ēkākṣarā chaikamātrā chaikā chaikaikaniṣṭhitā । aindrī hyairāvatārūḍhā chaihikāmuṣmikapradā ॥ 26 ॥

ōṅkārā hyōṣadhī chōtā chōtaprōtanivāsinī । aurvā hyauṣadhasampannā aupāsanaphalapradā ॥ 27 ॥

aṇḍamadhyasthitā dēvī chāḥkāramanurūpiṇī । kātyāyanī kālarātriḥ kāmākṣī kāmasundarī ॥ 28 ॥

kamalā kāminī kāntā kāmadā kālakaṇṭhinī । karikumbhastanabharā karavīrasuvāsinī ॥ 29 ॥

kalyāṇī kuṇḍalavatī kurukṣētranivāsinī । kuruvindadalākārā kuṇḍalī kumudālayā ॥ 30 ॥

kālajihvā karālāsyā kālikā kālarūpiṇī । kamanīyaguṇā kāntiḥ kalādhārā kumudvatī ॥ 31 ॥

kauśikī kamalākārā kāmachāraprabhañjinī । kaumārī karuṇāpāṅgī kakuvantā karipriyā ॥ 32 ॥

kēsarī kēśavanutā kadambakusumapriyā । kālindī kālikā kāñchī kalaśōdbhavasaṃstutā ॥ 33 ॥

kāmamātā kratumatī kāmarūpā kṛpāvatī । kumārī kuṇḍanilayā kirātī kīravāhanā ॥ 34 ॥

kaikēyī kōkilālāpā kētakī kusumapriyā । kamaṇḍaludharā kālī karmanirmūlakāriṇī ॥ 35 ॥

kalahaṃsagatiḥ kakṣā kṛtakautukamaṅgalā । kastūrītilakā kamprā karīndragamanā kuhūḥ ॥ 36 ॥

karpūralēpanā kṛṣṇā kapilā kuharāśrayā । kūṭasthā kudharā kamrā kukṣisthākhilaviṣṭapā ॥ 37 ॥

khaḍgakhēṭadharā kharvā khēcharī khagavāhanā । khaṭvāṅgadhāriṇī khyātā khagarājōparisthitā ॥ 38 ॥

khalaghnī khaṇḍitajarā khaṇḍākhyānapradāyinī । khaṇḍēndutilakā gaṅgā gaṇēśaguhapūjitā ॥ 39 ॥

gāyatrī gōmatī gītā gāndhārī gānalōlupā । gautamī gāminī gādhā gandharvāpsarasēvitā ॥ 40 ॥

gōvindacharaṇākrāntā guṇatrayavibhāvitā । gandharvī gahvarī gōtrā girīśā gahanā gamī ॥ 41 ॥

guhāvāsā guṇavatī gurupāpapraṇāśinī । gurvī guṇavatī guhyā gōptavyā guṇadāyinī ॥ 42 ॥

girijā guhyamātaṅgī garuḍadhvajavallabhā । garvāpahāriṇī gōdā gōkulasthā gadādharā ॥ 43 ॥

gōkarṇanilayāsaktā guhyamaṇḍalavartinī । gharmadā ghanadā ghaṇṭā ghōradānavamardinī ॥ 44 ॥

ghṛṇimantramayī ghōṣā ghanasampātadāyinī । ghaṇṭāravapriyā ghrāṇā ghṛṇisantuṣṭakāriṇī ॥ 45 ॥

ghanārimaṇḍalā ghūrṇā ghṛtāchī ghanavēginī । jñānadhātumayī charchā charchitā chāruhāsinī ॥ 46 ॥

chaṭulā chaṇḍikā chitrā chitramālyavibhūṣitā । chaturbhujā chārudantā chāturī charitapradā ॥ 47 ॥

chūlikā chitravastrāntā chandramaḥkarṇakuṇḍalā । chandrahāsā chārudātrī chakōrī chandrahāsinī ॥ 48 ॥

chandrikā chandradhātrī cha chaurī chaurā cha chaṇḍikā । chañchadvāgvādinī chandrachūḍā chōravināśinī ॥ 49 ॥

chāruchandanaliptāṅgī chañchachchāmaravījitā । chārumadhyā chārugatiśchandilā chandrarūpiṇī ॥ 50 ॥

chāruhōmapriyā chārvācharitā chakrabāhukā । chandramaṇḍalamadhyasthā chandramaṇḍaladarpaṇā ॥ 51 ॥

chakravākastanī chēṣṭā chitrā chāruvilāsinī । chitsvarūpā chandravatī chandramāśchandanapriyā ॥ 52 ॥

chōdayitrī chiraprajñā chātakā chāruhētukī । Chatrayātā Chatradharā Chāyā ChandaḥparichChadā ॥ 53 ॥

Chāyādēvī Chidranakhā Channēndriyavisarpiṇī । Chandō'nuṣṭuppratiṣṭhāntā Chidrōpadravabhēdinī ॥ 54 ॥

Chēdā Chatrēśvarī Chinnā Churikā Chēdanapriyā । jananī janmarahitā jātavēdā jaganmayī ॥ 55 ॥

jāhnavī jaṭilā jētrī jarāmaraṇavarjitā । jambūdvīpavatī jvālā jayantī jalaśālinī ॥ 56 ॥

jitēndriyā jitakrōdhā jitāmitrā jagatpriyā । jātarūpamayī jihvā jānakī jagatī jarā ॥ 57 ॥

janitrī jahnutanayā jagattrayahitaiṣiṇī । jvālāmukhī japavatī jvaraghnī jitaviṣṭapā ॥ 58 ॥

jitākrāntamayī jvālā jāgratī jvaradēvatā । jvalantī jaladā jyēṣṭhā jyāghōṣāsphōṭadiṅmukhī ॥ 59 ॥

jambhinī jṛmbhaṇā jṛmbhā jvalanmāṇikyakuṇḍalā । jhiñjhikā jhaṇanirghōṣā jhañjhāmārutavēginī ॥ 60 ॥

jhallarīvādyakuśalā ñarūpā ñabhujā smṛtā । ṭaṅkabāṇasamāyuktā ṭaṅkinī ṭaṅkabhēdinī ॥ 61 ॥

ṭaṅkīgaṇakṛtāghōṣā ṭaṅkanīyamahōrasā । ṭaṅkārakāriṇī dēvī ṭhaṭhaśabdaninādinī ॥ 62 ॥

ḍāmarī ḍākinī ḍimbhā ḍuṇḍumāraikanirjitā । ḍāmarītantramārgasthā ḍamaḍḍamarunādinī ॥ 63 ॥

ḍiṇḍīravasahā ḍimbhalasatkrīḍāparāyaṇā । ḍhuṇḍhivighnēśajananī ḍhakkāhastā ḍhilivrajā ॥ 64 ॥

nityajñānā nirupamā nirguṇā narmadā nadī । triguṇā tripadā tantrī tulasī taruṇā taruḥ ॥ 65 ॥

trivikramapadākrāntā turīyapadagāminī । taruṇādityasaṅkāśā tāmasī tuhinā turā ॥ 66 ॥

trikālajñānasampannā trivēṇī cha trilōchanā । triśaktistripurā tuṅgā turaṅgavadanā tathā ॥ 67 ॥

timiṅgilagilā tīvrā trisrōtā tāmasādinī । tantramantraviśēṣajñā tanumadhyā triviṣṭapā ॥ 68 ॥

trisandhyā tristanī tōṣāsaṃsthā tālapratāpinī । tāṭaṅkinī tuṣārābhā tuhināchalavāsinī ॥ 69 ॥

tantujālasamāyuktā tārahārāvalipriyā । tilahōmapriyā tīrthā tamālakusumākṛtiḥ ॥ 70 ॥

tārakā triyutā tanvī triśaṅkuparivāritā । talōdarī tilābhūṣā tāṭaṅkapriyavādinī ॥ 71 ॥

trijaṭā tittirī tṛṣṇā trividhā taruṇākṛtiḥ । taptakāñchanasaṅkāśā taptakāñchanabhūṣaṇā ॥ 72 ॥

traiyambakā trivargā cha trikālajñānadāyinī । tarpaṇā tṛptidā tṛptā tāmasī tumburustutā ॥ 73 ॥

tārkṣyasthā triguṇākārā tribhaṅgī tanuvallariḥ । thātkārī thāravā thāntā dōhinī dīnavatsalā ॥ 74 ॥

dānavāntakarī durgā durgāsuranibarhiṇī । dēvarītirdivārātrirdraupadī dundubhisvanā ॥ 75 ॥

dēvayānī durāvāsā dāridryōdbhēdinī divā । dāmōdarapriyā dīptā digvāsā digvimōhinī ॥ 76 ॥

daṇḍakāraṇyanilayā daṇḍinī dēvapūjitā । dēvavandyā diviṣadā dvēṣiṇī dānavākṛtiḥ ॥ 77 ॥

dīnānāthastutā dīkṣā daivatādisvarūpiṇī । dhātrī dhanurdharā dhēnurdhāriṇī dharmachāriṇī ॥ 78 ॥

dhurandharā dharādhārā dhanadā dhānyadōhinī । dharmaśīlā dhanādhyakṣā dhanurvēdaviśāradā ॥ 79 ॥

dhṛtirdhanyā dhṛtapadā dharmarājapriyā dhruvā । dhūmāvatī dhūmakēśī dharmaśāstraprakāśinī ॥ 80 ॥

nandā nandapriyā nidrā nṛnutā nandanātmikā । narmadā nalinī nīlā nīlakaṇṭhasamāśrayā ॥ 81 ॥

nārāyaṇapriyā nityā nirmalā nirguṇā nidhiḥ । nirādhārā nirupamā nityaśuddhā nirañjanā ॥ 82 ॥

nādabindukalātītā nādabindukalātmikā । nṛsiṃhinī nagadharā nṛpanāgavibhūṣitā ॥ 83 ॥

narakaklēśaśamanī nārāyaṇapadōdbhavā । niravadyā nirākārā nāradapriyakāriṇī ॥ 84 ॥

nānājyōtiḥ samākhyātā nidhidā nirmalātmikā । navasūtradharā nītirnirupadravakāriṇī ॥ 85 ॥

nandajā navaratnāḍhyā naimiṣāraṇyavāsinī । navanītapriyā nārī nīlajīmūtanisvanā ॥ 86 ॥

nimēṣiṇī nadīrūpā nīlagrīvā niśīśvarī । nāmāvalirniśumbhaghnī nāgalōkanivāsinī ॥ 87 ॥

navajāmbūnadaprakhyā nāgalōkādhidēvatā । nūpurākrāntacharaṇā narachittapramōdinī ॥ 88 ॥

nimagnāraktanayanā nirghātasamanisvanā । nandanōdyānanilayā nirvyūhōparichāriṇī ॥ 89 ॥

pārvatī paramōdārā parabrahmātmikā parā । pañchakōśavinirmuktā pañchapātakanāśinī ॥ 90 ॥

parachittavidhānajñā pañchikā pañcharūpiṇī । pūrṇimā paramā prītiḥ paratējaḥ prakāśinī ॥ 91 ॥

purāṇī pauruṣī puṇyā puṇḍarīkanibhēkṣaṇā । pātālatalanirmagnā prītā prītivivardhinī ॥ 92 ॥

pāvanī pādasahitā pēśalā pavanāśinī । prajāpatiḥ pariśrāntā parvatastanamaṇḍalā ॥ 93 ॥

padmapriyā padmasaṃsthā padmākṣī padmasambhavā । padmapatrā padmapadā padminī priyabhāṣiṇī ॥ 94 ॥

paśupāśavinirmuktā purandhrī puravāsinī । puṣkalā puruṣā parvā pārijātasumapriyā ॥ 95 ॥

pativratā pavitrāṅgī puṣpahāsaparāyaṇā । prajñāvatīsutā pautrī putrapūjyā payasvinī ॥ 96 ॥

paṭṭipāśadharā paṅktiḥ pitṛlōkapradāyinī । purāṇī puṇyaśīlā cha praṇatārtivināśinī ॥ 97 ॥

pradyumnajananī puṣṭā pitāmahaparigrahā । puṇḍarīkapurāvāsā puṇḍarīkasamānanā ॥ 98 ॥

pṛthujaṅghā pṛthubhujā pṛthupādā pṛthūdarī । pravālaśōbhā piṅgākṣī pītavāsāḥ prachāpalā ॥ 99 ॥

prasavā puṣṭidā puṇyā pratiṣṭhā praṇavāgatiḥ । pañchavarṇā pañchavāṇī pañchikā pañjarasthitā ॥ 100 ॥

paramāyā parajyōtiḥ paraprītiḥ parāgatiḥ । parākāṣṭhā parēśānī pāvanī pāvakadyutiḥ ॥ 101 ॥

puṇyabhadrā parichChēdyā puṣpahāsā pṛthūdarī । pītāṅgī pītavasanā pītaśayyā piśāchinī ॥ 102 ॥

pītakriyā piśāchaghnī pāṭalākṣī paṭukriyā । pañchabhakṣapriyāchārā pūtanāprāṇaghātinī ॥ 103 ॥

punnāgavanamadhyasthā puṇyatīrthaniṣēvitā । pañchāṅgī cha parāśaktiḥ paramāhlādakāriṇī ॥ 104 ॥

puṣpakāṇḍasthitā pūṣā pōṣitākhilaviṣṭapā । prāṇapriyā pañchaśikhā pannagōpariśāyinī ॥ 105 ॥

pañchamātrātmikā pṛthvī pathikā pṛthudōhinī । purāṇanyāyamīmāṃsā pāṭalī puṣpagandhinī ॥ 106 ॥

puṇyaprajā pāradātrī paramārgaikagōcharā । pravālaśōbhā pūrṇāśā praṇavā pallavōdarī ॥ 107 ॥

phalinī phaladā phalguḥ phūtkārī phalakākṛtiḥ । phaṇīndrabhōgaśayanā phaṇimaṇḍalamaṇḍitā ॥ 108 ॥

bālabālā bahumatā bālātapanibhāṃśukā । balabhadrapriyā vandyā baḍavā buddhisaṃstutā ॥ 109 ॥

bandīdēvī bilavatī baḍiśaghnī balipriyā । bāndhavī bōdhitā buddhirbandhūkakusumapriyā ॥ 110 ॥

bālabhānuprabhākārā brāhmī brāhmaṇadēvatā । bṛhaspatistutā bṛndā bṛndāvanavihāriṇī ॥ 111 ॥

bālākinī bilāhārā bilavāsā bahūdakā । bahunētrā bahupadā bahukarṇāvataṃsikā ॥ 112 ॥

bahubāhuyutā bījarūpiṇī bahurūpiṇī । bindunādakalātītā bindunādasvarūpiṇī ॥ 113 ॥

baddhagōdhāṅgulitrāṇā badaryāśramavāsinī । bṛndārakā bṛhatskandhā bṛhatī bāṇapātinī ॥ 114 ॥

bṛndādhyakṣā bahunutā vanitā bahuvikramā । baddhapadmāsanāsīnā bilvapatratalasthitā ॥ 115 ॥

bōdhidrumanijāvāsā baḍisthā bindudarpaṇā । bālā bāṇāsanavatī baḍabānalavēginī ॥ 116 ॥

brahmāṇḍabahirantaḥsthā brahmakaṅkaṇasūtriṇī । bhavānī bhīṣaṇavatī bhāvinī bhayahāriṇī ॥ 117 ॥

bhadrakālī bhujaṅgākṣī bhāratī bhāratāśayā । bhairavī bhīṣaṇākārā bhūtidā bhūtimālinī ॥ 118 ॥

bhāminī bhōganiratā bhadradā bhūrivikramā । bhūtavāsā bhṛgulatā bhārgavī bhūsurārchitā ॥ 119 ॥

bhāgīrathī bhōgavatī bhavanasthā bhiṣagvarā । bhāminī bhōginī bhāṣā bhavānī bhūridakṣiṇā ॥ 120 ॥

bhargātmikā bhīmavatī bhavabandhavimōchinī । bhajanīyā bhūtadhātrīrañjitā bhuvanēśvarī ॥ 121 ॥

bhujaṅgavalayā bhīmā bhēruṇḍā bhāgadhēyinī । mātā māyā madhumatī madhujihvā madhupriyā ॥ 122 ॥

mahādēvī mahābhāgā mālinī mīnalōchanā । māyātītā madhumatī madhumāṃsā madhudravā ॥ 123 ॥

mānavī madhusambhūtā mithilāpuravāsinī । madhukaiṭabhasaṃhartrī mēdinī mēghamālinī ॥ 124 ॥

mandōdarī mahāmāyā maithilī masṛṇapriyā । mahālakṣmīrmahākālī mahākanyā mahēśvarī ॥ 125 ॥

māhēndrī mērutanayā mandārakusumārchitā । mañjumañjīracharaṇā mōkṣadā mañjubhāṣiṇī ॥ 126 ॥

madhuradrāviṇī mudrā malayā malayānvitā । mēdhā marakataśyāmā māgadhī mēnakātmajā ॥ 127 ॥

mahāmārī mahāvīrā mahāśyāmā manustutā । mātṛkā mihirābhāsā mukundapadavikramā ॥ 128 ॥

mūlādhārasthitā mugdhā maṇipūrakavāsinī । mṛgākṣī mahiṣārūḍhā mahiṣāsuramardinī ॥ 129 ॥

yōgāsanā yōgagamyā yōgā yauvanakāśrayā । yauvanī yuddhamadhyasthā yamunā yugadhāriṇī ॥ 130 ॥

yakṣiṇī yōgayuktā cha yakṣarājaprasūtinī । yātrā yānavidhānajñā yaduvaṃśasamudbhavā ॥ 131 ॥

yakārādihakārāntā yājuṣī yajñarūpiṇī । yāminī yōganiratā yātudhānabhayaṅkarī ॥ 132 ॥

rukmiṇī ramaṇī rāmā rēvatī rēṇukā ratiḥ । raudrī raudrapriyākārā rāmamātā ratipriyā ॥ 133 ॥

rōhiṇī rājyadā rēvā ramā rājīvalōchanā । rākēśī rūpasampannā ratnasiṃhāsanasthitā ॥ 134 ॥

raktamālyāmbaradharā raktagandhānulēpanā । rājahaṃsasamārūḍhā rambhā raktabalipriyā ॥ 135 ॥

ramaṇīyayugādhārā rājitākhilabhūtalā । rurucharmaparīdhānā rathinī ratnamālikā ॥ 136 ॥

rōgēśī rōgaśamanī rāviṇī rōmaharṣiṇī । rāmachandrapadākrāntā rāvaṇachChēdakāriṇī ॥ 137 ॥

ratnavastraparichChannā rathasthā rukmabhūṣaṇā । lajjādhidēvatā lōlā lalitā liṅgadhāriṇī ॥ 138 ॥

lakṣmīrlōlā luptaviṣā lōkinī lōkaviśrutā । lajjā lambōdarī dēvī lalanā lōkadhāriṇī ॥ 139 ॥

varadā vanditā vidyā vaiṣṇavī vimalākṛtiḥ । vārāhī virajā varṣā varalakṣmīrvilāsinī ॥ 140 ॥

vinatā vyōmamadhyasthā vārijāsanasaṃsthitā । vāruṇī vēṇusambhūtā vītihōtrā virūpiṇī ॥ 141 ॥

vāyumaṇḍalamadhyasthā viṣṇurūpā vidhipriyā । viṣṇupatnī viṣṇumatī viśālākṣī vasundharā ॥ 142 ॥

vāmadēvapriyā vēlā vajriṇī vasudōhinī । vēdākṣaraparītāṅgī vājapēyaphalapradā ॥ 143 ॥

vāsavī vāmajananī vaikuṇṭhanilayā varā । vyāsapriyā varmadharā vālmīkiparisēvitā ॥ 144 ॥

śākambharī śivā śāntā śāradā śaraṇāgatiḥ । śātōdarī śubhāchārā śumbhāsuravimardinī ॥ 145 ॥

śōbhāvatī śivākārā śaṅkarārdhaśarīriṇī । śōṇā śubhāśayā śubhrā śiraḥsandhānakāriṇī ॥ 146 ॥

śarāvatī śarānandā śarajjyōtsnā śubhānanā । śarabhā śūlinī śuddhā śabarī śukavāhanā ॥ 147 ॥

śrīmatī śrīdharānandā śravaṇānandadāyinī । śarvāṇī śarvarīvandyā ṣaḍbhāṣā ṣaḍṛtupriyā ॥ 148 ॥

ṣaḍādhārasthitā dēvī ṣaṇmukhapriyakāriṇī । ṣaḍaṅgarūpasumatī surāsuranamaskṛtā ॥ 149 ॥

sarasvatī sadādhārā sarvamaṅgalakāriṇī । sāmagānapriyā sūkṣmā sāvitrī sāmasambhavā ॥ 150 ॥

sarvāvāsā sadānandā sustanī sāgarāmbarā । sarvaiśvaryapriyā siddhiḥ sādhubandhuparākramā ॥ 151 ॥

saptarṣimaṇḍalagatā sōmamaṇḍalavāsinī । sarvajñā sāndrakaruṇā samānādhikavarjitā ॥ 152 ॥

sarvōttuṅgā saṅgahīnā sadguṇā sakalēṣṭadā । saradhā sūryatanayā sukēśī sōmasaṃhatiḥ ॥ 153 ॥

hiraṇyavarṇā hariṇī hrīṅkārī haṃsavāhinī । kṣaumavastraparītāṅgī kṣīrābdhitanayā kṣamā ॥ 154 ॥

gāyatrī chaiva sāvitrī pārvatī cha sarasvatī । vēdagarbhā varārōhā śrīgāyatrī parāmbikā ॥ 155 ॥

iti sāhasrakaṃ nāmnāṃ gāyatryāśchaiva nārada । puṇyadaṃ sarvapāpaghnaṃ mahāsampattidāyakam ॥ 156 ॥

ēvaṃ nāmāni gāyatryāstōṣōtpattikarāṇi hi । aṣṭamyāṃ cha viśēṣēṇa paṭhitavyaṃ dvijaiḥ saha ॥ 157 ॥

japaṃ kṛtvā hōma pūjā dhyānaṃ kṛtvā viśēṣataḥ । yasmai kasmai na dātavyaṃ gāyatryāstu viśēṣataḥ ॥ 158 ॥

subhaktāya suśiṣyāya vaktavyaṃ bhūsurāya vai । bhraṣṭēbhyaḥ sādhakēbhyaścha bāndhavēbhyō na darśayēt ॥ 159 ॥

yadgṛhē likhitaṃ śāstraṃ bhayaṃ tasya na kasyachit । chañchalāpisthirā bhūtvā kamalā tatra tiṣṭhati ॥ 160 ॥

idaṃ rahasyaṃ paramaṃ guhyādguhyataraṃ mahat । puṇyapradaṃ manuṣyāṇāṃ daridrāṇāṃ nidhipradam ॥ 161 ॥

mōkṣapradaṃ mumukṣūṇāṃ kāmināṃ sarvakāmadam । rōgādvai muchyatē rōgī baddhō muchyēta bandhanāt ॥ 162 ॥

brahmahatyā surāpānaṃ suvarṇastēyinō narāḥ । gurutalpagatō vāpi pātakānmuchyatē sakṛt ॥ 163 ॥

asatpratigrahāchchaivā'bhakṣyabhakṣādviśēṣataḥ । pākhaṇḍānṛtamukhyēbhyaḥ paṭhanādēva muchyatē ॥ 164 ॥

idaṃ rahasyamamalaṃ mayōktaṃ padmajōdbhava । brahmasāyujyadaṃ nṝṇāṃ satyaṃ satyaṃ na saṃśayaḥ ॥ 165 ॥

iti śrīdēvībhāgavatē mahāpurāṇē dvādaśaskandhē gāyatrīsahasranāma stōtra kathanaṃ nāma ṣaṣṭhō'dhyāyaḥ ॥

Browse Related Categories: