Sri Hari Stotram (Jagajjalapalam)

jagajjālapālaṃ kanatkaṇṭhamālaṃ śarachchandraphālaṃ mahādaityakālam । nabhōnīlakāyaṃ durāvāramāyaṃ supadmāsahāyaṃ bhajē'haṃ bhajē'ham ॥ 1 ॥

sadāmbhōdhivāsaṃ galatpuṣpahāsaṃ jagatsannivāsaṃ śatādityabhāsam । gadāchakraśastraṃ lasatpītavastraṃ hasachchāruvaktraṃ bhajē'haṃ bhajē'ham ॥ 2 ॥

ramākaṇṭhahāraṃ śrutivrātasāraṃ jalāntarvihāraṃ dharābhārahāram । chidānandarūpaṃ manōjñasvarūpaṃ dhṛtānēkarūpaṃ bhajē'haṃ bhajē'ham ॥ 3 ॥

jarājanmahīnaṃ parānandapīnaṃ samādhānalīnaṃ sadaivānavīnam । jagajjanmahētuṃ surānīkakētuṃ trilōkaikasētuṃ bhajē'haṃ bhajē'ham ॥ 4 ॥

kṛtāmnāyagānaṃ khagādhīśayānaṃ vimuktērnidānaṃ harārātimānam । svabhaktānukūlaṃ jagadvṛkṣamūlaṃ nirastārtaśūlaṃ bhajē'haṃ bhajē'ham ॥ 5 ॥

samastāmarēśaṃ dvirēphābhakēśaṃ jagadbimbalēśaṃ hṛdākāśavēśam । sadā divyadēhaṃ vimuktākhilēhaṃ suvaikuṇṭhagēhaṃ bhajē'haṃ bhajē'ham ॥ 6 ॥

surālībaliṣṭhaṃ trilōkīvariṣṭhaṃ gurūṇāṃ gariṣṭhaṃ svarūpaikaniṣṭham । sadā yuddhadhīraṃ mahāvīravīraṃ bhavāmbhōdhitīraṃ bhajē'haṃ bhajē'ham ॥ 7 ॥

ramāvāmabhāgaṃ talālagnanāgaṃ kṛtādhīnayāgaṃ gatārāgarāgam । munīndraissugītaṃ suraissamparītaṃ guṇaughairatītaṃ bhajē'haṃ bhajē'ham ॥ 8 ॥