Sri Panchayudha Stotram

sphuratsahasrāraśikhātitīvraṃ sudarśanaṃ bhāskarakōṭitulyam । suradviṣāṃ prāṇavināśi viṣṇōḥ chakraṃ sadā'haṃ śaraṇaṃ prapadyē ॥ 1 ॥

viṣṇōrmukhōtthānilapūritasya yasya dhvanirdānavadarpahantā । taṃ pāñchajanyaṃ śaśikōṭiśubhraṃ śaṅkhaṃ sadā'haṃ śaraṇaṃ prapadyē ॥ 2 ॥

hiraṇmayīṃ mērusamānasārāṃ kaumōdakīṃ daityakulaikahantrīm । vaikuṇṭhavāmāgrakarāgramṛṣṭāṃ gadāṃ sadā'haṃ śaraṇaṃ prapadyē ॥ 3 ॥

yajjyāninādaśravaṇātsurāṇāṃ chētāṃsi nirmuktabhayāni sadyaḥ । bhavanti daityāśanibāṇavarṣaiḥ śārṅgaṃ sadā'haṃ śaraṇaṃ prapadyē ॥ 4 ॥

rakṣō'surāṇāṃ kaṭhinōgrakaṇṭha- -chChēdakṣarat‍kṣōṇita digdhasāram । taṃ nandakaṃ nāma harēḥ pradīptaṃ khaḍgaṃ sadā'haṃ śaraṇaṃ prapadyē ॥ 5 ॥

imaṃ harēḥ pañchamahāyudhānāṃ stavaṃ paṭhēdyō'nudinaṃ prabhātē । samasta duḥkhāni bhayāni sadyaḥ pāpāni naśyanti sukhāni santi ॥ 6 ॥

vanē raṇē śatru jalāgnimadhyē yadṛchChayāpatsu mahābhayēṣu । paṭhētvidaṃ stōtramanākulātmā sukhībhavēttatkṛta sarvarakṣaḥ ॥ 7 ॥

sachakraśaṅkhaṃ sagadāsiśārṅgaṃ [yachchakraśaṅkhaṃ gadakhaḍgaśārṅgiṇaṃ] pītāmbaraṃ kaustubha-vatsa-chihnam । [kaustubha-vatsa-lāñChitam] śriyā samētōjjvala śōbhitāṅgaṃ viṣṇuṃ sadā'haṃ śaraṇaṃ prapadyē ॥