Raghavendra Swamy · Traditional devotional text · Source: vignanam.org (Traditional devotional text (public-domain shlokas))
ശ്രീമദ്രാമപാദാരവിംദമധുപഃ ശ്രീമധ്വവംശാധിപഃ സച്ചിഷ്യോഡുഗണോഡുപഃ ശ്രിതജഗദ്ഗീർവാണസത്പാദപഃ । അത്യര്ഥം മനസാ കൃതാച്യുതജപഃ പാപാംധകാരാതപഃ ശ്രീമത്സദ്ഗുരുരാഘവേംദ്രയതിരാട് കുര്യാദ്ധ്രുവം മംഗളമ് ॥ 1 ॥
കര്മംദീംദ്രസുധീംദ്രസദ്ഗുരുകരാംഭോജോദ്ഭവഃ സംതതം പ്രാജ്യധ്യാനവശീകൃതാഖിലജഗദ്വാസ്തവ്യലക്ഷ്മീധവഃ । സച്ഛാസ്ത്രാദി വിദൂഷകാഖിലമൃഷാവാദീഭകംഠീരവഃ ശ്രീമത്സദ്ഗുരുരാഘവേംദ്രയതിരാട് കുര്യാദ്ധ്രുവം മംഗളമ് ॥ 2 ॥
Offered for worship and study, not as prediction. Non-commercial.
More devotional texts
സാലംകാരകകാവ്യനാടകകലാകാണാദപാതംജല- ത്രയ്യര്ഥസ്മൃതിജൈമിനീയകവിതാസംകീതപാരംഗതഃ । വിപ്രക്ഷത്രവിഡംഘ്രിജാതമുഖരാനേകപ്രജാസേവിതഃ ശ്രീമത്സദ്ഗുരുരാഘവേംദ്രയതിരാട് കുര്യാദ്ധ്രുവം മംഗളമ് ॥ 3 ॥
രംഗോത്തുംഗതരംഗമംഗലകര ശ്രീതുംഗഭദ്രാതട- പ്രത്യക്സ്ഥദ്വിജപുംഗവാലയ ലസന്മംത്രാലയാഖ്യേ പുരേ । നവ്യേംദ്രോപലനീലഭവ്യകരസദ്വൃംദാവനാംതര്ഗതഃ ശ്രീമത്സദ്ഗുരുരാഘവേംദ്രയതിരാട് കുര്യാദ്ധ്രുവം മംഗളമ് ॥ 4 ॥
വിദ്വദ്രാജശിരഃകിരീടഖചിതാനര്ഘ്യോരുരത്നപ്രഭാ രാഗാഘൌഘഹപാദുകാദ്വയചരഃ പദ്മാക്ഷമാലാധരഃ । ഭാസ്വദ്ദംടകമംഡലൂജ്ജ്വലകരോ രക്താംബരാഡംബരഃ ശ്രീമത്സദ്ഗുരുരാഘവേംദ്രയതിരാട് കുര്യാദ്ധ്രുവം മംഗളമ് ॥ 5 ॥
യദ്വൃംദാവനസത്പ്രദക്ഷിണനമസ്കാരാഭിഷേകസ്തുതി- ധ്യാനാരാധനമൃദ്വിലേപനമുഖാനേകോപചാരാന് സദാ । കാരം കാരമഭിപ്രയാംതി ചതുരോ ലോകാഃ പുമര്ഥാന് സദാ ശ്രീമത്സദ്ഗുരുരാഘവേംദ്രയതിരാട് കുര്യാദ്ധ്രുവം മംഗളമ് ॥ 6 ॥
വേദവ്യാസമുനീശമധ്വയതിരാട് ടീകാര്യവാക്യാമൃതം ജ്ഞാത്വാഽദ്വൈതമതം ഹലാഹലസമം ത്യക്ത്വാ സമാഖ്യാപ്തയേ । സംഖ്യാവത്സുഖദാം ദശോപനിഷദാം വ്യാഖ്യാം സമാഖ്യന്മുദാ ശ്രീമത്സദ്ഗുരുരാഘവേംദ്രയതിരാട് കുര്യാദ്ധ്രുവം മംഗളമ് ॥ 7 ॥
ശ്രീമദ്വൈഷ്ണവലോകജാലകഗുരുഃ ശ്രീമത്പരിവ്രാഡ്ഗുരുഃ ശാസ്ത്രേ ദേവഗുരുഃ ശ്രിതാമരതരുഃ പ്രത്യൂഹഗോത്രസ്വരുഃ । ചേതോഽതീതശിരുസ്തഥാ ജിതവരുസ്സത്സൌഖ്യസംപത്കരുഃ ശ്രീമത്സദ്ഗുരുരാഘവേംദ്രയതിരാട് കുര്യാദ്ധ്രുവം മംഗളമ് ॥ 8 ॥
യസ്സംധ്യാസ്വനിശം ഗുരോര്യതിപതേഃ സന്മംഗലസ്യാഷ്ടകം സദ്യഃ പാപഹരം സ്വസേവി വിദുഷാം ഭക്ത്യൈതദാഭാഷിതമ് । ഭക്ത്യാ വക്തി സുസംപദം ശുഭപദം ദീര്ഘായുരാരോഗ്യകം കീര്തിം പുത്രകലത്രബാംധവസുഹൃന്മൂര്തിഃ പ്രയാതി ധ്രുവമ് ॥
ഇതി ശ്രീമദപ്പണാചാര്യകൃതം രാഘവേംദ്രമംഗളാഷ്ടകം സംപൂര്ണമ് ।
Browse Related Categories: