Ashtakams · Traditional devotional text · Source: vignanam.org (Traditional devotional text (public-domain shlokas))
രാമാനുജായ മുനയേ നമ ഉക്തി മാത്രം കാമാതുരോഽപി കുമതിഃ കലയന്നഭീക്ഷമ് । യാമാമനംതി യമിനാം ഭഗവജ്ജനാനാം താമേവ വിംദതി ഗതിം തമസഃ പരസ്താത് ॥ 1 ॥
സോമാവചൂഡസുരശേഖരദുഷ്കരേണ കാമാതിഗോഽപി തപസാ ക്ഷപയന്നഘാനി । രാമാനുജായ മുനയേ നമ ഇത്യനുക്ത്വാ കോവാ മഹീസഹചരേ കുരുതേഽനുരാഗമ് ॥ 2 ॥
രാമാനുജായ നമ ഇത്യസകൃദ്ഗൃണീതേ യോ മാന മാത്സര മദസ്മര ദൂഷിതോഽപി । പ്രേമാതുരഃ പ്രിയതമാമപഹായ പദ്മാം ഭൂമാ ഭുജംഗശയനസ്തമനുപ്രയാതി ॥ 3 ॥
വാമാലകാനയനവാഗുരികാഗൃഹീതം ക്ഷേമായ കിംചിദപി കര്തുമനീഹമാനമ് । രാമാനുജോ യതിപതിര്യദി നേക്ഷതേ മാം മാ മാമകോഽയമിതി മുംചതി മാധവോഽപി ॥ 4 ॥
രാമാനുജേതി യദിതം വിദിതം ജഗത്യാം നാമീപി ന ശ്രുതിസമീപമുപൈതി യേഷാമ് । മാ മാ മദീയ ഇതി സദ്ഭിരുപേക്ഷിതാസ്തേ കാമാനുവിദ്ധമനസോ നിപതംത്യധോഽധഃ ॥ 5 ॥
നാമാനുകീര്ത്യ നരകാര്തിഹരം യദീയം വ്യോമാധിരോഹതി പദം സകലോഽപി ലോകഃ । രാമാനുജോ യതിപതിര്യദി നാവിരാസീത് കോ മാദൃശഃ പ്രഭവിതാ ഭവമുത്തരീതുമ് ॥ 6 ॥
സീമാമഹീധ്രപരിധിം പൃഥിവീമവാപ്തും വൈമാനികേശ്വരപുരീമധിവാസിതും വാ । വ്യോമാധിരോഢുമപി ന സ്പൃഹയംതി നിത്യം രാമാനുജാംഘ്രിയുഗളം ശരണം പ്രപന്നാഃ ॥ 7 ॥
മാ മാ ധുനോതി മനസോഽപി ന ഗോചരം യത് ഭൂമാസഖേന പുരുഷേണ സഹാനുഭൂയ । പ്രേമാനുവിദ്ധഹൃദയപ്രിയഭക്തലഭ്യേ രാമാനുജാംഘ്രികമലേ രമതാം മനോ മേ ॥ 8 ॥
Offered for worship and study, not as prediction. Non-commercial.
ശ്ലോകാഷ്ടകമിദം പുണ്യം യോ ഭക്ത്യാ പ്രത്യഹം പഠേത് । ആകാരത്രയസംപന്നഃ ശോകാബ്ധിം തരതി ദ്രുതമ് ॥
Browse Related Categories: