Devi · Traditional devotional text · Source: vignanam.org (Traditional devotional text (public-domain shlokas))
śrīdēvyuvācha
kailāsavāsin bhagavan prāṇēśvara kṛpānidhē । bhaktavatsala bhairavyā nāmnāmaṣṭōttaraṃ śatam ॥ 1
Offered for worship and study, not as prediction. Non-commercial.
na śrutaṃ dēvadēvēśa vada māṃ dīnavatsala ।
śrīśiva uvācha
śṛṇu priyē mahāgōpyaṃ nāmnāmaṣṭōttaraṃ śatam ॥ 2
bhairavyāśśubhadaṃ sēvyaṃ sarvasampatpradāyakam । yasyānuṣṭhānamātrēṇa kiṃ na siddhyati bhūtalē ॥ 3 ॥
ōṃ bhairavī bhairavārādhyā bhūtidā bhūtabhāvanā । āryā brāhmī kāmadhēnussarvasampatpradāyinī ॥ 4 ॥
trailōkyavanditā dēvī mahiṣāsuramardinī । mōhaghnī mālatī mālā mahāpātakanāśinī ॥ 5 ॥
krōdhinī krōdhanilayā krōdharaktēkṣaṇā kuhūḥ । tripurā tripurādhārā trinētrā bhīmabhairavī ॥ 6 ॥
dēvakī dēvamātā cha dēvaduṣṭavināśinī । dāmōdarapriyā dīrghā durgā durgatināśinī ॥ 7 ॥
lambōdarī lambakarṇā pralambitapayōdharā । pratyaṅgirā pratipadā praṇataklēśanāśinī ॥ 8 ॥
prabhāvatī guṇavatī gaṇamātā guhēśvarī । kṣīrābdhitanayā kṣēmyā jagattrāṇavidhāyinī ॥ 9 ॥
mahāmārī mahāmōhā mahākrōdhā mahānadī । mahāpātakasaṃhartrī mahāmōhapradāyinī ॥ 10 ॥
vikarāḻā mahākālā kālarūpā kaḻāvatī । kapālakhaṭvāṅgadharā khaḍgakharparadhāriṇī ॥ 11 ॥
kumārī kuṅkumaprītā kuṅkumāruṇarañjitā । kaumōdakī kumudinī kīrtyā kīrtipradāyinī ॥ 12 ॥
navīnā nīradā nityā nandikēśvarapālinī । ghargharā ghargharārāvā ghōrā ghōrasvarūpiṇī ॥ 13 ॥
kalighnī kalidharmaghnī kalikautukanāśinī । kiśōrī kēśavaprītā klēśasaṅghanivāriṇī ॥ 14 ॥
mahōnmattā mahāmattā mahāvidyā mahīmayī । mahāyajñā mahāvāṇī mahāmandaradhāriṇī ॥ 15 ॥
mōkṣadā mōhadā mōhā bhuktimuktipradāyinī । aṭṭāṭṭahāsaniratā kvaṇannūpuradhāriṇī ॥ 16 ॥
dīrghadaṃṣṭrā dīrghamukhī dīrghaghōṇā cha dīrghikā । danujāntakarī duṣṭā duḥkhadāridryabhañjinī ॥ 17 ॥
durāchārā cha dōṣaghnī damapatnī dayāparā । manōbhavā manumayī manuvaṃśapravardhinī ॥ 18 ॥
śyāmā śyāmatanuśśōbhā saumyā śambhuvilāsinī । iti tē kathitaṃ divyaṃ nāmnāmaṣṭōttaraṃ śatam ॥ 19 ॥
bhairavyā dēvadēvēśyāstava prītyai surēśvari । aprakāśyamidaṃ gōpyaṃ paṭhanīyaṃ prayatnataḥ ॥ 20 ॥
dēvīṃ dhyātvā surāṃ pītvā makāraiḥ pañchakaiḥ priyē । pūjayētsatataṃ bhaktyā paṭhēt stōtramidaṃ śubham ॥ 21 ॥
ṣaṇmāsābhyantarē sō'pi gaṇanāthasamō bhavēt । kimatra bahunōktēna tvadagrē prāṇavallabhē ॥ 22 ॥
sarvaṃ jānāsi sarvajñē punarmāṃ paripṛchChasi । na dēyaṃ paraśiṣyēbhyō nindakēbhyō viśēṣataḥ ॥ 23 ॥
iti śrītripurabhairavī aṣṭōttaraśatanāmastōtram ।
Browse Related Categories: