Vishnu · Traditional devotional text · Source: vignanam.org (Traditional devotional text (public-domain shlokas))
aṣṭōttaraśataṃ nāmnāṃ viṣṇōratulatējasaḥ । yasya śravaṇamātrēṇa narō nārāyaṇō bhavēt ॥ 1 ॥
viṣṇurjiṣṇurvaṣaṭkārō dēvadēvō vṛṣākapiḥ । [vṛṣāpatiḥ] dāmōdarō dīnabandhurādidēvō'ditēstutaḥ ॥ 2 ॥
Offered for worship and study, not as prediction. Non-commercial.
More devotional texts
puṇḍarīkaḥ parānandaḥ paramātmā parātparaḥ । paraśudhārī viśvātmā kṛṣṇaḥ kalimalāpahā ॥ 3 ॥
kaustubhōdbhāsitōraskō narō nārāyaṇō hariḥ । harō harapriyaḥ svāmī vaikuṇṭhō viśvatōmukhaḥ ॥ 4 ॥
hṛṣīkēśō'pramēyātmā varāhō dharaṇīdharaḥ । vāmanō vēdavaktā cha vāsudēvaḥ sanātanaḥ ॥ 5 ॥
rāmō virāmō virajō rāvaṇārī ramāpatiḥ । vaikuṇṭhavāsī vasumān dhanadō dharaṇīdharaḥ ॥ 6 ॥
dharmēśō dharaṇīnāthō dhyēyō dharmabhṛtāṃvaraḥ । sahasraśīrṣā puruṣaḥ sahasrākṣaḥ sahasrapāt ॥ 7 ॥
sarvagaḥ sarvavitsarvaḥ śaraṇyaḥ sādhuvallabhaḥ । [sarvadaḥ] kausalyānandanaḥ śrīmān rākṣasaḥkulanāśakaḥ ॥ 8 ॥
jagatkartā jagaddhartā jagajjētā janārtihā । jānakīvallabhō dēvō jayarūpō jalēśvaraḥ ॥ 9 ॥
kṣīrābdhivāsī kṣīrābdhitanayāvallabhastathā । śēṣaśāyī pannagārivāhanō viṣṭaraśravaḥ ॥ 10 ॥
mādhavō mathurānāthō mukundō mōhanāśanaḥ । daityāriḥ puṇḍarīkākṣō hyachyutō madhusūdanaḥ ॥ 11 ॥
sōmasūryāgninayanō nṛsiṃhō bhaktavatsalaḥ । nityō nirāmayaśśuddhō varadēvō jagatprabhuḥ ॥ 12 ॥ [naradēvō]
hayagrīvō jitaripurupēndrō rukmiṇīpatiḥ । sarvadēvamayaḥ śrīśaḥ sarvādhāraḥ sanātanaḥ ॥ 13 ॥
saumyaḥ saumyapradaḥ sraṣṭā viṣvaksēnō janārdanaḥ । yaśōdātanayō yōgī yōgaśāstraparāyaṇaḥ ॥ 14 ॥
rudrātmakō rudramūrtiḥ rāghavō madhusūdhanaḥ । [rudrasūdanaḥ] iti tē kathitaṃ divyaṃ nāmnāmaṣṭōttaraṃ śatam ॥ 15 ॥
sarvapāpaharaṃ puṇyaṃ divyōratulatējasaḥ । duḥkhadāridryadaurbhāgyanāśanaṃ sukhavardhanam ॥ 16 ॥
sarvasampatkaraṃ saumyaṃ mahāpātakanāśanam । prātarutthāya vipēndra paṭhēdēkāgramānasaḥ ॥ 17 ॥
tasya naśyanti vipadāṃ rāśayaḥ siddhimāpnuyāt ॥ 18 ॥
iti śrī viṣṇōḥ aṣṭōttaraśatanāma stōtram ॥
Browse Related Categories: