Vishnu · Traditional devotional text · Source: vignanam.org (Traditional devotional text (public-domain shlokas))
pratibhaṭaśrēṇibhīṣaṇa varaguṇastōmabhūṣaṇa janibhayasthānatāraṇa jagadavasthānakāraṇa । nikhiladuṣkarmakarśana nigamasaddharmadarśana jaya jaya śrīsudarśana jaya jaya śrīsudarśana ॥ 1 ॥
śubhajagadrūpamaṇḍana surajanatrāsakhaṇḍana śatamakhabrahmavandita śatapathabrahmanandita । prathitavidvatsapakṣita bhajadahirbudhnyalakṣita jaya jaya śrīsudarśana jaya jaya śrīsudarśana ॥ 2 ॥
Offered for worship and study, not as prediction. Non-commercial.
More devotional texts
nijapadaprītasadgaṇa nirupathisphītaṣaḍguṇa nigamanirvyūḍhavaibhava nijaparavyūhavaibhava । harihayadvēṣidāraṇa harapuraplōṣakāraṇa jaya jaya śrīsudarśana jaya jaya śrīsudarśana ॥ 3 ॥
sphuṭataṭijjālapiñjara pṛthutarajvālapañjara parigatapratnavigraha parimitaprajñadurgraha । praharaṇagrāmamaṇḍita parijanatrāṇapaṇḍita jaya jaya śrīsudarśana jaya jaya śrīsudarśana ॥ 4 ॥
bhuvananētastrayīmaya savanatējastrayīmaya niravadhisvāduchinmaya nikhilaśaktējaganmaya । amitaviśvakriyāmaya śamitaviśvagbhayāmaya jaya jaya śrīsudarśana jaya jaya śrīsudarśana ॥ 5 ॥
mahitasampatsadakṣara vihitasampatṣaḍakṣara ṣaḍarachakrapratiṣṭhita sakalatattvapratiṣṭhita । vividhasaṅkalpakalpaka vibudhasaṅkalpakalpaka jaya jaya śrīsudarśana jaya jaya śrīsudarśana ॥ 6 ॥
pratimukhālīḍhabandhura pṛthumahāhētidantura vikaṭamālāpariṣkṛta vividhamāyābahiṣkṛta । sthiramahāyantrayantrita dṛḍhadayātantrayantrita jaya jaya śrīsudarśana jaya jaya śrīsudarśana ॥ 7 ॥
danujavistārakartana danujavidyāvikartana janitamisrāvikartana bhajadavidyānikartana । amaradṛṣṭasvavikrama samarajuṣṭabhramikrama jaya jaya śrīsudarśana jaya jaya śrīsudarśana ॥ 8 ॥
dvichatuṣkamidaṃ prabhūtasāraṃ paṭhatāṃ vēṅkaṭanāyakapraṇītam । viṣamē'pi manōrathaḥ pradhāvan na vihanyēta rathāṅgadhuryaguptaḥ ॥ 9 ॥
iti śrī vēdāntāchāryasya kṛtiṣu sudarśanāṣṭakam ।
Browse Related Categories: