Hanuma · Traditional devotional text · Source: vignanam.org (Traditional devotional text (public-domain shlokas))
প্রসন্নাংগরাগং প্রভাকাংচনাংগং জগদ্ভীতশৌর্য়ং তুষারাদ্রিধৈর্যম্ । তৃণীভূতহেতিং রণোদ্যদ্বিভূতিং ভজে বায়ুপুত্রং পবিত্রাপ্তমিত্রম্ ॥ 1 ॥
ভজে পাবনং ভাবনা নিত্যবাসং ভজে বালভানু প্রভা চারুভাসম্ । ভজে চংদ্রিকা কুংদ মংদার হাসং ভজে সংততং রামভূপাল দাসম্ ॥ 2 ॥
ভজে লক্ষ্মণপ্রাণরক্ষাতিদক্ষং ভজে তোষিতানেক গীর্বাণপক্ষম্ । ভজে ঘোর সংগ্রাম সীমাহতাক্ষং ভজে রামনামাতি সংপ্রাপ্তরক্ষম্ ॥ 3 ॥
কৃতাভীলনাধক্ষিতক্ষিপ্তপাদং ঘনক্রাংত ভৃংগং কটিস্থোরু জংঘম্ । বিযদ্ব্য়াপ্তকেশং ভুজাশ্লেষিতাশ্মং জযশ্রী সমেতং ভজে রামদূতম্ ॥ 4 ॥
চলদ্বালঘাতং ভ্রমচ্চক্রবালং কঠোরাট্টহাসং প্রভিন্নাব্জজাংডম্ । মহাসিংহনাদা দ্বিশীর্ণত্রিলোকং ভজে চাংজনেয়ং প্রভুং বজ্রকাযম্ ॥ 5 ॥
রণে ভীষণে মেঘনাদে সনাদে সরোষে সমারোপণামিত্র মুখ্য়ে । খগানাং ঘনানাং সুরাণাং চ মার্গে নটংতং সমংতং হনূমংতমীডে ॥ 6 ॥
ঘনদ্রত্ন জংভারি দংভোলি ভারং ঘনদ্দংত নির্ধূত কালোগ্রদংতম্ । পদাঘাত ভীতাব্ধি ভূতাদিবাসং রণক্ষোণিদক্ষং ভজে পিংগলাক্ষম্ ॥ 7 ॥
মহাগ্রাহপীডাং মহোত্পাতপীডাং মহারোগপীডাং মহাতীব্রপীডাম্ । হরত্যস্তু তে পাদপদ্মানুরক্তো নমস্তে কপিশ্রেষ্ঠ রামপ্রিয়ায় ॥ 8 ॥
Offered for worship and study, not as prediction. Non-commercial.
More devotional texts
জরাভারতো ভূরি পীডাং শরীরে নিরাধারণারূঢ গাঢ প্রতাপী । ভবত্পাদভক্তিং ভবদ্ভক্তিরক্তিং কুরু শ্রীহনূমত্প্রভো মে দয়ালো ॥ 9 ॥
মহায়োগিনো ব্রহ্মরুদ্রাদয়ো বা ন জানংতি তত্ত্বং নিজং রাঘবস্য় । কথং জ্ঞাযতে মাদৃশে নিত্যমেব প্রসীদ প্রভো বানরেংদ্রো নমস্তে ॥ 10 ॥
নমস্তে মহাসত্ত্ববাহায় তুভ্য়ং নমস্তে মহাবজ্রদেহায় তুভ্যম্ । নমস্তে পরীভূত সূর্য়ায় তুভ্য়ং নমস্তে কৃতামর্ত্য় কার্য়ায় তুভ্যম্ ॥ 11 ॥
নমস্তে সদা ব্রহ্মচর্য়ায় তুভ্য়ং নমস্তে সদা বায়ুপুত্রায় তুভ্যম্ । নমস্তে সদা পিংগলাক্ষায় তুভ্য়ং নমস্তে সদা রামভক্তায় তুভ্যম্ ॥ 12 ॥
হনূমদ্ভুজংগপ্রয়াতং প্রভাতে প্রদোষেঽপি বা চার্ধরাত্রেঽপি মর্ত্য়ঃ । পঠন্নশ্নতোঽপি প্রমুক্তোঘজালো সদা সর্বদা রামভক্তিং প্রয়াতি ॥ 13 ॥
ইতি শ্রীমদাংজনেয় ভুজংগপ্রয়াত স্তোত্রম্ ।
Browse Related Categories: