ಬುಧ ಅಷ್ಟೋತ್ತರ ಶತ ನಾಮ ಸ್ತೋತ್ರಂ

बुधो बुधार्चितः सौम्यः सौम्यचित्तः शुभप्रदः । दृढव्रतो दृढफलः श्रुतिजालप्रबोधकः ॥ 1 ॥

सत्यवासः सत्यवचाः श्रेयसां पतिरव्ययः । सोमजः सुखदः श्रीमान् सोमवंशप्रदीपकः ॥ 2 ॥

वेदविद्वेदतत्त्वज्ञो वेदांतज्ञानभास्वरः । विद्याविचक्षण विभुर्विद्वत्प्रीतिकरो ऋजः ॥ 3 ॥

विश्वानुकूलसंचारो विशेषविनयान्वितः । विविधागमसारज्ञो वीर्यवान् विगतज्वरः ॥ 4 ॥

त्रिवर्गफलदोऽनंतः त्रिदशाधिपपूजितः । बुद्धिमान् बहुशास्त्रज्ञो बली बंधविमोचकः ॥ 5 ॥

वक्रातिवक्रगमनो वासवो वसुधाधिपः । प्रसन्नवदनो वंद्यो वरेण्यो वाग्विलक्षणः ॥ 6 ॥

सत्यवान् सत्यसंकल्पः सत्यबंधुः सदादरः । सर्वरोगप्रशमनः सर्वमृत्युनिवारकः ॥ 7 ॥

वाणिज्यनिपुणो वश्यो वातांगो वातरोगहृत् । स्थूलः स्थैर्यगुणाध्यक्षः स्थूलसूक्ष्मादिकारणः ॥ 8 ॥

अप्रकाशः प्रकाशात्मा घनो गगनभूषणः । विधिस्तुत्यो विशालाक्षो विद्वज्जनमनोहरः ॥ 9 ॥