Chanakya Neethi · Traditional devotional text · Source: vignanam.org (Traditional devotional text (public-domain shlokas))
kasya dōṣaḥ kulē nāsti vyādhinā kō na pīḍitaḥ । vyasanaṃ kēna na prāptaṃ kasya saukhyaṃ nirantaram ॥ 01 ॥
āchāraḥ kulamākhyāti dēśamākhyāti bhāṣaṇam । sambhramaḥ snēhamākhyāti vapurākhyāti bhōjanam ॥ 02 ॥
sukulē yōjayētkanyāṃ putraṃ vidyāsu yōjayēt । vyasanē yōjayēchChatruṃ mitraṃ dharmēṇa yōjayēt ॥ 03 ॥
durjanasya cha sarpasya varaṃ sarpō na durjanaḥ । sarpō daṃśati kālē tu durjanastu padē padē ॥ 04 ॥
ētadarthē kulīnānāṃ nṛpāḥ kurvanti saṅgraham । ādimadhyāvasānēṣu na tē gachChanti vikriyām ॥ 05 ॥
pralayē bhinnamaryādā bhavanti kila sāgarāḥ । sāgarā bhēdamichChanti pralayē'pi na sādhavaḥ ॥ 06 ॥
mūrkhastu prahartavyaḥ pratyakṣō dvipadaḥ paśuḥ । bhidyatē vākya-śalyēna adṛśaṃ kaṇṭakaṃ yathā ॥ 07 ॥
rūpayauvanasampannā viśālakulasambhavāḥ । vidyāhīnā na śōbhantē nirgandhāḥ kiṃśukā yathā ॥ 08 ॥
Offered for worship and study, not as prediction. Non-commercial.
More devotional texts
kōkilānāṃ svarō rūpaṃ strīṇāṃ rūpaṃ pativratam । vidyā rūpaṃ kurūpāṇāṃ kṣamā rūpaṃ tapasvinām ॥ 09 ॥
tyajēdēkaṃ kulasyārthē grāmasyārthē kulaṃ tyajēt । grāmaṃ janapadasyārthē ātmārthē pṛthivīṃ tyajēt ॥ 10 ॥
udyōgē nāsti dāridryaṃ japatō nāsti pātakam । maunēna kalahō nāsti nāsti jāgaritē bhayam ॥ 11 ॥
atirūpēṇa vā sītā atigarvēṇa rāvaṇaḥ । atidānādbalirbaddhō hyatisarvatra varjayēt ॥ 12 ॥
kō hi bhāraḥ samarthānāṃ kiṃ dūraṃ vyavasāyinām । kō vidēśaḥ suvidyānāṃ kaḥ paraḥ priyavādinām ॥ 13 ॥
ēkēnāpi suvṛkṣēṇa puṣpitēna sugandhinā । vāsitaṃ tadvanaṃ sarvaṃ suputrēṇa kulaṃ yathā ॥ 14 ॥
ēkēna śuṣkavṛkṣēṇa dahyamānēna vahninā । dahyatē tadvanaṃ sarvaṃ kuputrēṇa kulaṃ yathā ॥ 15 ॥
ēkēnāpi suputrēṇa vidyāyuktēna sādhunā । āhlāditaṃ kulaṃ sarvaṃ yathā chandrēṇa śarvarī ॥ 16 ॥
kiṃ jātairbahubhiḥ putraiḥ śōkasantāpakārakaiḥ । varamēkaḥ kulālambī yatra viśrāmyatē kulam ॥ 17 ॥
lālayētpañchavarṣāṇi daśavarṣāṇi tāḍayēt । prāptē tu ṣōḍaśē varṣē putrē mitravadācharēt ॥ 18 ॥
upasargē'nyachakrē cha durbhikṣē cha bhayāvahē । asādhujanasamparkē yaḥ palāyētsa jīvati ॥ 19 ॥
dharmārthakāmamōkṣāṇāṃ yasyaikō'pi na vidyatē । ajāgalastanasyēva tasya janma nirarthakam ॥ 20 ॥
mūrkhā yatra na pūjyantē dhānyaṃ yatra susañchitam । dāmpatyē kalahō nāsti tatra śrīḥ svayamāgatā ॥ 21 ॥
Browse Related Categories: