Ganesha · Traditional devotional text · Source: vignanam.org (Traditional devotional text (public-domain shlokas))
সুবর্ণ বর্ণ সুংদরং সিতৈক দংত-বংধুরং গৃহীত পাশ-মংকুশং বরপ্রদা-ঽভযপ্রধম্ । চতুর্ভুজং ত্রিলোচনং ভুজংগ-মোপবীতিনং প্রফুল্ল বারিজাসনং ভজামি সিংধুরাননম্ ॥
কিরীট হার কুংডলং প্রদীপ্ত বাহু ভূষণং প্রচংড রত্ন কংকণং প্রশোভিতাংঘ্রি-যষ্টিকম্ । প্রভাত সূর্য় সুংদরাংবর-দ্বয় প্রধারিণং সরত্ন হেমনূপুর প্রশোভিতাংঘ্রি-পংকজম্ ॥
সুবর্ণ দংড মংডিত প্রচংড চারু চামরং গৃহ প্রতীর্ণ সুংদরং যুগক্ষণ প্রমোদিতম্ । কবীংদ্র চিত্তরংজকং মহা বিপত্তি ভংজকং ষডক্ষর স্বরূপিণং ভজেদ্গজেংদ্র রূপিণম্ ॥
বিরিংচি বিষ্ণু বংদিতং বিরুপলোচন স্তুতিং গিরীশ দর্শনেচ্ছয়া সমার্পিতং পরাশায়া । নিরংতরং সুরাসুরৈঃ সুপুত্র বামলোচনৈঃ মহামখেষ্ট-মিষ্ট-কর্মনু ভজামি তুংদিলম্ ॥
মদৌঘ লুব্ধ চংচলার্ক মংজু গুংজিতা রবং প্রবুদ্ধ চিত্তরংজকং প্রমোদ কর্ণচালকম্ । অনন্য় ভক্তি মাননং প্রচংড মুক্তি দাযকং নমামি নিত্য়-মাদরেণ বক্রতুংড নাযকম্ ॥
দারিদ্র্য় বিদ্রাবণ মাশু কামদং স্তোত্রং পঠেদেত-দজস্র-মাদরাত্ । পুত্রী কলত্র স্বজনেষু মৈত্রী পুমান্-ভবে-দেকদংত বরপ্রাসাদাত্ ॥
ইতি শ্রীমচ্ছংকরাচার্য় বিরচিতং দারিদ্র্য় দহন গণপতি স্তোত্রং সংপূর্ণম্ ॥
Browse Related Categories:
Offered for worship and study, not as prediction. Non-commercial.
More devotional texts