Navagraha · Traditional devotional text · Source: vignanam.org (Traditional devotional text (public-domain shlokas))
ധ്യാനം കേതും കരാലവദനം ചിത്രവര്ണം കിരീടിനമ് । പ്രണമാമി സദാ കേതും ധ്വജാകാരം ഗ്രഹേശ്വരമ് ॥ 1 ॥
। അഥ കേതു കവചമ് ।
ചിത്രവര്ണഃ ശിരഃ പാതു ഭാലം ധൂമ്രസമദ്യുതിഃ । പാതു നേത്രേ പിംഗലാക്ഷഃ ശ്രുതീ മേ രക്തലോചനഃ ॥ 2 ॥
ഘ്രാണം പാതു സുവര്ണാഭശ്ചിബുകം സിംഹികാസുതഃ । പാതു കംഠം ച മേ കേതുഃ സ്കംധൌ പാതു ഗ്രഹാധിപഃ ॥ 3 ॥
ഹസ്തൌ പാതു സുരശ്രേഷ്ഠഃ കുക്ഷിം പാതു മഹാഗ്രഹഃ । സിംഹാസനഃ കടിം പാതു മധ്യം പാതു മഹാസുരഃ ॥ 4 ॥
ഊരൂ പാതു മഹാശീര്ഷോ ജാനുനീ മേഽതികോപനഃ । പാതു പാദൌ ച മേ ക്രൂരഃ സർവാംഗം നരപിംഗലഃ ॥ 5 ॥
ഫലശ്രുതിഃ യ ഇദം കവചം ദിവ്യം സർവരോഗവിനാശനമ് । സർവശത്രുവിനാശം ച ധാരണാദ്വിജയീ ഭവേത് ॥ 6 ॥
॥ ഇതി ശ്രീബ്രഹ്മാംഡപുരാണേ കേതുകവചം സംപൂര്ണമ് ॥
Browse Related Categories:
Offered for worship and study, not as prediction. Non-commercial.
More devotional texts