Devi · Traditional devotional text · Source: vignanam.org (Traditional devotional text (public-domain shlokas))
মহেংদ্র উবাচ
নমঃ কমলবাসিন্য়ৈ নারাযণ্য়ৈ নমো নমঃ । কৃষ্ণপ্রিয়ায়ৈ সারায়ৈ পদ্মায়ৈ চ নমো নমঃ ॥ 1
পদ্মপত্রেক্ষণায়ৈ চ পদ্মাস্য়ায়ৈ নমো নমঃ । পদ্মাসনায়ৈ পদ্মিন্য়ৈ বৈষ্ণব্য়ৈ চ নমো নমঃ ॥ 2 ॥
সর্বসংপত্স্বরূপায়ৈ সর্বদাত্র্য়ৈ নমো নমঃ । সুখদায়ৈ মোক্ষদায়ৈ সিদ্ধিদায়ৈ নমো নমঃ ॥ 3 ॥
হরিভক্তিপ্রদাত্র্য়ৈ চ হর্ষদাত্র্য়ৈ নমো নমঃ । কৃষ্ণবক্ষঃস্থিতায়ৈ চ কৃষ্ণেশায়ৈ নমো নমঃ ॥ 4 ॥
কৃষ্ণশোভাস্বরূপায়ৈ রত্নাঢ্য়ায়ৈ নমো নমঃ । সংপত্যধিষ্ঠাতৃদেব্য়ৈ মহাদেব্য়ৈ নমো নমঃ ॥ 5 ॥
সস্য়াধিষ্ঠাতৃদেব্য়ৈ চ সস্যলক্ষ্ম্য়ৈ নমো নমঃ । নমো বুদ্ধিস্বরূপায়ৈ বুদ্ধিদায়ৈ নমো নমঃ ॥ 6 ॥
বৈকুংঠে চ মহালক্ষ্মীর্লক্ষ্মীঃ ক্ষীরোদসাগরে । স্বর্গলক্ষ্মীরিংদ্রগেহে রাজলক্ষ্মীর্নৃপালয়ে ॥ 7 ॥
গৃহলক্ষ্মীশ্চ গৃহিণাং গেহে চ গৃহদেবতা । সুরভিঃ সা গবাং মাতা দক্ষিণা যজ্ঞকামিনী ॥ 8 ॥
Offered for worship and study, not as prediction. Non-commercial.
অদিতির্দেবমাতা ত্বং কমলা কমলালয়ে । স্বাহা ত্বং চ হবির্দানে কব্যদানে স্বধা স্মৃতা ॥ 9 ॥
ত্বং হি বিষ্ণুস্বরূপা চ সর্বাধারা বসুংধরা । শুদ্ধসত্ত্বস্বরূপা ত্বং নারাযণপরায়াণা ॥ 10 ॥
ক্রোধহিংসাবর্জিতা চ বরদা চ শুভাননা । পরমার্থপ্রদা ত্বং চ হরিদাস্যপ্রদা পরা ॥ 11 ॥
যয়া বিনা জগত্সর্বং ভস্মীভূতমসারকম্ । জীবন্মৃতং চ বিশ্বং চ শবতুল্য়ং যয়া বিনা ॥ 12 ॥
সর্বেষাং চ পরা ত্বং হি সর্ববাংধবরূপিণী । যয়া বিনা ন সংভাষ্য়ো বাংধবৈর্বাংধবঃ সদা ॥ 13 ॥
ত্বয়া হীনো বংধুহীনস্ত্বয়া যুক্তঃ সবাংধবঃ । ধর্মার্থকামমোক্ষাণাং ত্বং চ কারণরূপিণী ॥ 14 ॥
স্তনংধয়ানাং ত্বং মাতা শিশূনাং শৈশবে যথা । তথা ত্বং সর্বদা মাতা সর্বেষাং সর্ববিশ্বতঃ ॥ 15 ॥
ত্যক্তস্তনো মাতৃহীনঃ স চেজ্জীবতি দৈবতঃ । ত্বয়া হীনো জনঃ কোঽপি ন জীবত্য়েব নিশ্চিতম্ ॥ 16 ॥
সুপ্রসন্নস্বরূপা ত্বং মে প্রসন্না ভবাংবিকে । বৈরিগ্রস্তং চ বিষয়ং দেহি মহ্য়ং সনাতনি ॥ 17 ॥
বয়ং যাবত্ত্বয়া হীনা বংধুহীনাশ্চ ভিক্ষুকাঃ । সর্বসংপদ্বিহীনাশ্চ তাবদেব হরিপ্রিয়ে ॥ 18 ॥
রাজ্য়ং দেহি শ্রিয়ং দেহি বলং দেহি সুরেশ্বরি । কীর্তিং দেহি ধনং দেহি পুত্রান্মহ্য়ং চ দেহি বৈ ॥ 19 ॥
কামং দেহি মতিং দেহি ভোগান্ দেহি হরিপ্রিয়ে । জ্ঞানং দেহি চ ধর্মং চ সর্বসৌভাগ্যমীপ্সিতম্ ॥ 20 ॥
সর্বাধিকারমেবং বৈ প্রভাবাং চ প্রতাপকম্ । জয়ং পরাক্রমং যুদ্ধে পরমৈশ্বর্যমৈব চ ॥ 21 ॥
ইত্য়ুক্ত্বা তু মহেংদ্রশ্চ সর্বৈঃ সুরগণৈঃ সহ । ননাম সাশ্রুনেত্রোঽয়ং মূর্ধ্না চৈব পুনঃ পুনঃ ॥ 22 ॥
ব্রহ্মা চ শংকরশ্চৈব শেষো ধর্মশ্চ কেশবঃ । সর্বে চক্রুঃ পরীহারং সুরার্থে চ পুনঃ পুনঃ ॥ 23 ॥
দেবেভ্যশ্চ বরং দত্ত্বা পুষ্পমালাং মনোহরাম্ । কেশবায় দদৌ লক্ষ্মীঃ সংতুষ্টা সুরসংসদি ॥ 24 ॥
যয়ুর্দৈবাশ্চ সংতুষ্টাঃ স্বং স্বং স্থানং চ নারদ । দেবী যয়ৌ হরেঃ ক্রোডং হৃষ্টা ক্ষীরোদশায়িনঃ ॥ 25 ॥
যযতুস্তৌ স্বস্বগৃহং ব্রহ্মেশানৌ চ নারদ । দত্ত্বা শুভাশিষং তৌ চ দেবেভ্য়ঃ প্রীতিপূর্বকম্ ॥ 26 ॥
ইদং স্তোত্রং মহাপুণ্য়ং ত্রিসংধ্য়ং যঃ পঠেন্নরঃ । কুবেরতুল্য়ঃ স ভবেদ্রাজরাজেশ্বরো মহান্ ॥ 27 ॥
সিদ্ধস্তোত্রং যদি পঠেত্ সোঽপি কল্পতরুর্নরঃ । পংচলক্ষজপেনৈব স্তোত্রসিদ্ধির্ভবেন্নৃণাম্ ॥ 28 ॥
সিদ্ধস্তোত্রং যদি পঠেন্মাসমেকং চ সংযতঃ । মহাসুখী চ রাজেংদ্রো ভবিষ্যতি ন সংশয়ঃ ॥ 29 ॥
ইতি শ্রীব্রহ্মবৈবর্তে মহাপুরাণে দ্বিতীয়ে প্রকৃতিখংডে নারদনারাযণসংবাদে একোনচত্বারিংশত্তমোঽধ্য়ায়ে মহেংদ্র কৃত শ্রী মহালক্ষ্মী স্তোত্রম্ ।
Browse Related Categories: