ಪ್ರಶ್ನೋಪನಿಷದ್ - ಪಂಚ ಪ್ರಶ್ನಃ

pañchamaḥ praśnaḥ

atha hainaṃ saibya-ssatyakāmaḥ paprachCha। sa yō ha vai tad vagavanmanuṣyēṣu prāyaṇāntamōṅkāramabhidhyāyīta katamaṃ vāva sa tēna lōka-ñjayatīti ॥1॥

tasmai sa hōvācha ētad vai satyakāma para-ñchāpara-ñcha brahma yadōṅkāraḥ। tasmād vidvānētēnaivāyatanēnaikataramanvēti ॥2॥

sa yadhyēkamātramabhidhyāyīta sa tēnaiva saṃvēditastūrṇamēva jagatyābhisampadhyatē। tamṛchō manuṣyalōkamupanayantē sa tatra tapasā brahmacharyēṇa śraddhayā sampannō mahimānamanubhavati ॥3॥

atha yadi dvimātrēṇa manasi sampadyatē sō-'ntarikṣaṃ yajurbhirunnīyatē sōmalōkam। sa sōmalōkē vibhutimanubhūya punarāvartatē ॥4॥

yaḥ punarēta-ntrimātrēṇōmityētēnaivākṣarēṇa para-mpuruṣamabhidhyāyīta sa tējasi sūryē sampannaḥ। yathā pādōdarastvachā vinirbhuchyata ēvaṃ ha vai sa pāpmanā vinirbhukta-ssa sāmabhirunnīyatē brahmalōkaṃ sa ētasmājjīvaghanātparātpara-mpuriśaya-mpuruṣamīkṣatē tadētau ślōkau bhavataḥ ॥5॥

tisrō mātrā mṛtyumatyaḥ prayuktā anyōnyasaktāḥ anaviprayuktāḥ। kriyāsu bāhyāntaramadhyamāsu samyakprayuktāsu na kampatē jñaḥ ॥6॥

ṛgbhirētaṃ yajurbhirantarikṣaṃ sāmabhiryattatkavayō vēdayantē। tamōṅkārēṇaivāyatanēnānvēti vidvān yattachChāntamajaramamṛtamabhaya-mpara-ñchēti ॥7॥