Shiva · Traditional devotional text · Source: vignanam.org (Traditional devotional text (public-domain shlokas))
পূর্বাংগ পূজা শুচিঃ অপবিত্রঃ পবিত্রো বা সর্বাবস্থাং গতোঽপি বা । যঃ স্মরেত্ পুংডরীকাক্ষং স বাহ্য়াভ্য়ংতরঃ শুচিঃ ॥ পুংডরীকাক্ষ পুংডরীকাক্ষ পুংডরীকাক্ষায় নমঃ ॥
প্রার্থনা শুক্লাংবরধরং-বিঁষ্ণুং শশিবর্ণং চতুর্ভুজম্ । প্রসন্নবদনং ধ্য়ায়েত্ সর্ববিঘ্নোপশাংতয়ে ॥ অগজানন পদ্মার্কং গজাননমহর্নিশম্ । অনেকদং তং ভক্তানাং একদংতমুপাস্মহে ॥
দে॒বীং-বাঁচ॑মজনয়ংত দে॒বাস্তাং-বিঁ॒শ্বরূ॑পাঃ প॒শবো॑ বদংতি । সা নো॑ মং॒দ্রেষ॒মূর্জং॒ দুহা॑না ধে॒নুর্বাগ॒স্মানুপ॒ সুষ্টু॒তৈতু॑ ॥
যঃ শিবো নাম রূপাভ্য়াং-য়াঁ দেবী সর্বমংগলা । তয়োঃ সংস্মরণান্নিত্য়ং সর্বদা জয় মংগলম্ ॥
তদেব লগ্নং সুদিনং তদেব তারাবলং চংদ্রবলং তদেব । বিদ্য়াবলং দৈববলং তদেব লক্ষ্মীপতে তেঽংঘ্রিয়ুগং স্মরামি ॥
গুরুর্ব্রহ্মা গুরুর্বিষ্ণুঃ গুরুর্দেবো মহেশ্বরঃ । গুরুঃ সাক্ষাত্ পরব্রহ্ম তস্মৈ শ্রীগুরবে নমঃ ॥
লাভস্তেষাং জযস্তেষাং কুতস্তেষাং পরাভবঃ । এষামিংদীবরশ্য়ামো হৃদযস্থো জনার্দনঃ ॥
সর্বমংগল মাংগল্য়ে শিবে সর্বার্থসাধিকে । শরণ্য়ে ত্র্য়ংবকে গৌরী নারাযণি নমোঽস্তু তে ॥
Offered for worship and study, not as prediction. Non-commercial.
শ্রীলক্ষ্মীনারাযণাভ্য়াং নমঃ । উমামহেশ্বরাভ্য়াং নমঃ । বাণীহিরণ্যগর্ভাভ্য়াং নমঃ । শচীপুরংদরাভ্য়াং নমঃ । অরুংধতীবসিষ্ঠাভ্য়াং নমঃ । শ্রীসীতারামাভ্য়াং নমঃ । মাতাপিতৃভ্য়ো নমঃ । সর্বেভ্য়ো মহাজনেভ্য়ো নমঃ ।
কর্পূর গৌরং করুণাবতারং সংসারসারং ভুজগেংদ্র হারম্ । সদা রমংতং হৃদয়ারবিংদে ভবং ভবানী সহিতং নমামি ॥
বাগর্থাবিব সংপৃক্তৌ বাগর্থ প্রতিপত্তয়ে । জগতঃ পিতরৌ বংদে পার্বতী পরমেশ্বরৌ ॥
বংদে মহেশং সুরসিদ্ধসেবিতং দেবাংগনা গীত সুনৃত্য় তুষ্টম্ । পর্য়ংকগং শৈলসুতাসমেতং কল্পদ্রুমারণ্যগতং প্রসন্নম্ ॥
আপাতাল-নভঃস্থলাংত-ভুবন-ব্রহ্মাংড-মাবিস্ফুরত্- জ্য়োতিঃ স্ফাটিক-লিংগ-মৌলি-বিলসত্-পূর্ণেংদু-বাংতামৃতৈঃ । অস্তোকাপ্লুত-মেক-মীশ-মনিশং রুদ্রানু-বাকাংজপন্ ধ্য়ায়ে-দীপ্সিত-সিদ্ধয়ে ধ্রুবপদং-বিঁপ্রোঽভিষিংচে-চ্চিবম্ ॥
ব্রহ্মাংড ব্য়াপ্তদেহা ভসিত হিমরুচা ভাসমানা ভুজংগৈঃ কংঠে কালাঃ কপর্দাঃ কলিত-শশিকলা-শ্চংড কোদংড হস্তাঃ । ত্র্যক্ষা রুদ্রাক্ষমালাঃ প্রকটিতবিভবাঃ শাংভবা মূর্তিভেদাঃ রুদ্রাঃ শ্রীরুদ্রসূক্ত-প্রকটিতবিভবা নঃ প্রযচ্চংতু সৌখ্যম্ ॥
দীপারাধনম্ দীপস্ত্বং ব্রহ্মরূপোঽসি জ্য়োতিষাং প্রভুরব্যয়ঃ । সৌভাগ্য়ং দেহি পুত্রাংশ্চ সর্বান্কামাংশ্চ দেহি মে ॥ ভো দীপ দেবি রূপস্ত্বং কর্মসাক্ষী হ্যবিঘ্নকৃত্ । যাবত্পূজাং করিষ্য়ামি তাবত্ত্বং সুস্থিরো ভব ॥ দীপারাধন মুহূর্তঃ সুমুহূর্তোঽস্তু ॥ পূজার্থে হরিদ্রা কুংকুম বিলেপনং করিষ্য়ে ॥
আচম্য় ওং কেশবায় স্বাহা । ওং নারাযণায় স্বাহা । ওং মাধবায় স্বাহা । ওং গোবিংদায় নমঃ । ওং-বিঁষ্ণবে নমঃ । ওং মধুসূদনায় নমঃ । ওং ত্রিবিক্রমায় নমঃ । ওং-বাঁমনায় নমঃ । ওং শ্রীধরায় নমঃ । ওং হৃষীকেশায় নমঃ । ওং পদ্মনাভায় নমঃ । ওং দামোদরায় নমঃ । ওং সংকর্ষণায় নমঃ । ওং-বাঁসুদেবায় নমঃ । ওং প্রদ্য়ুম্নায় নমঃ । ওং অনিরুদ্ধায় নমঃ । ওং পুরুষোত্তমায় নমঃ । ওং অধোক্ষজায় নমঃ । ওং নারসিংহায় নমঃ । ওং অচ্য়ুতায় নমঃ । ওং জনার্দনায় নমঃ । ওং উপেংদ্রায় নমঃ । ওং হরয়ে নমঃ । ওং শ্রীকৃষ্ণায় নমঃ ।
ভূতোচ্চাটনম্ উত্তিষ্ঠংতু ভূতপিশাচাঃ য এতে ভূমি ভারকাঃ । এতেষামবিরোধেন ব্রহ্মকর্ম সমারভে ॥ অপসর্পংতু তে ভূতা যে ভূতা ভূমিসংস্থিতাঃ । যে ভূতা বিঘ্নকর্তারস্তে গচ্ছংতু শিবাঽজ্ঞয়া ॥
প্রাণায়ামম্ ওং ভূঃ ওং ভুবঃ॑ ওগ্ং সুবঃ॑ ওং মহঃ॑ ওং জনঃ॑ ওং তপঃ॑ ওগ্ং সত্যম্ । ওং তত্স॑বি॒তুর্বরে᳚ণ্য়ং॒ ভর্গো॑ দে॒বস্য়॑ ধীমহি । ধিয়ো॒ যো নঃ॑ প্রচো॒দয়া᳚ত্ ॥ ওমাপো॒ জ্য়োতী॒ রসো॒ঽমৃতং॒ ব্রহ্ম॒ ভূর্ভুব॒স্সুব॒রোম্ ॥
সংকল্পম্ মমোপাত্ত সমস্ত দুরিতক্ষযদ্বারা শ্রী পরমেশ্বর প্রীত্যর্থং, শুভে শোভনে মুহূর্তে আদ্যব্রহ্মণঃ দ্বিতীয় পরার্ধে শ্বেতবরাহ কল্পে বৈবস্বত মন্বংতরে অষ্টাবিংশতি তমে কলিয়ুগে প্রথমে পাদে জংবূদ্বীপে ভারতবর্ষে ভরতখংডে মেরোঃ দক্ষিণে পার্শ্বে শকাব্দে অস্মিন্ বর্তমানে ব্যবহারিকে প্রভবাদি ষষ্ঠ্য়াঃ সংবঁথ্সরাণাং মদ্ধ্য়ে ......... নামসংবঁথ্সরে ......ঽযনে .......... ঋতৌ ........ মাসে ............পক্ষে .......... শুভতিথৌ. .............. বাসরয়ুক্তায়াং ............. নক্ষত্রয়ুক্তায়াং, শুভয়োগ শুভকরণ এবং গুণ সকল বিশেষণ বিশিষ্টায়াং অস্য়াং ...........শুভতিথৌ মমোপাত্ত সমস্ত দুরিতক্ষযদ্বারা শ্রী পরমেশ্বর প্রীত্যর্থং .......... নক্ষত্রে .......রাশৌ জাতস্য় ..........শর্মণঃ মম .......... নক্ষত্রে ...............রাশৌ .............জাতয়াঃ মম ধর্মপত্ন্য়াশ্চ আবয়োঃ সকুটুংবয়োঃ ............... সপুত্রকয়োঃ সবংধুবর্গয়োঃ সাশ্রিত-জনয়োশ্চ ক্ষেম-স্থৈর্য়-বীর্য়-বিজয়, আয়ুরারোগ্য়-ঐশ্বর্য়াণাং অভিবৃদ্ধ্যর্থং, ধর্মার্থ-কাম-মোক্ষ-চতুর্বিধ ফলপুরুষার্থ সিদ্ধ্যর্থং, সর্বারিষ্ট শাংত্যর্থং, সর্বাভীষ্ট সিদ্ধ্যর্থং, সপরিবার সোমাস্কংদ পরমেশ্বর চরণারবিংদয়োঃ অচংচল-নিষ্কপট-ভক্তি সিদ্ধ্যর্থং, যাবচ্ছক্তি পরিবার সহিত রুদ্রবিধানেন ধ্য়ান-আবাহনাদি-ষোডশোপচার-পূজা পুরস্সরং মহান্য়াসজপ (লঘুন্য়াসজপ) রুদ্রাভিষেক-অর্চ্চনাদি সহিত সাংবশিব পূজাং করিষ্য়ে । তদংগং কলশ-শংখ-আত্ম-পীঠ-পূজাং চ করিষ্য়ে । (দ্বি)
(নির্বিঘ্ন পূজা পরিসমাপ্ত্যর্থং আদৌ শ্রীমহাগণপতি পূজাং করিষ্য়ে ।) শ্রী মহাগণপতি পূজা ॥
তদংগ কলশারাধনং করিষ্য়ে ।
কলশারাধনম্ কলশে গংধ পুষ্পাক্ষতৈরভ্যর্চ্য় । কলশে উদকং পূরয়িত্বা । কলশস্য়োপরি হস্তং নিধায় ।
কলশস্য় মুখে বিষ্ণুঃ কংঠে রুদ্রঃ সমাশ্রিতঃ । মূলে ত্বস্য় স্থিতো ব্রহ্মা মধ্য়ে মাতৃগণাঃ স্মৃতা ॥
কুক্ষৌ তু সাগরাঃ সর্বে সপ্তদ্বীপা বসুংধরা । ঋগ্বেদোঽথ যজুর্বেদো সামবেদো হ্যথর্বণঃ ॥ অংগৈশ্চ সহিতাঃ সর্বে কলশাংবু সমাশ্রিতাঃ ।
ওং আক॒লশে᳚ষু ধাবতি প॒বিত্রে॒ পরি॑ষিচ্যতে । উ॒ক্থৈর্য়॒জ্ঞেষু॑ বর্ধতে ।
আপো॒ বা ই॒দগ্ং সর্বং॒-বিঁশ্বা॑ ভূ॒তান্য়াপঃ॑ প্রা॒ণা বা আপঃ॑ প॒শব॒ আপোঽন্ন॒মাপোঽমৃ॑ত॒মাপঃ॑ স॒ম্রাডাপো॑ বি॒রাডাপঃ॑ স্ব॒রাডাপ॒শ্ছংদা॒গ্॒স্য়াপো॒ জ্য়োতী॒গ্॒ষ্য়াপো॒ যজূ॒গ্॒ষ্য়াপঃ॑ স॒ত্যমাপঃ॒ সর্বা॑ দে॒বতা॒ আপো॒ ভূর্ভুবঃ॒ সুব॒রাপ॒ ওম্ ॥
গংগে চ যমুনে চৈব গোদাবরী সরস্বতী । নর্মদে সিংধু কাবেরী জলেঽস্মিন্ সন্নিধিং কুরু ॥ কাবেরী তুংগভদ্রা চ কৃষ্ণবেণী চ গৌতমী । ভাগীরথীতি বিখ্য়াতাঃ পংচগংগাঃ প্রকীর্তিতাঃ ॥
আয়াংতু শ্রী শিবপূজার্থং মম দুরিতক্ষযকারকাঃ । ওং ভূর্ভুবস্সুবো ভূর্ভুবস্সুবো ভূর্ভুবস্সুবঃ ॥ ওং ওং ওং কলশোদকেন পূজা দ্রব্য়াণি সংপ্রোক্ষ্য়, দেবং সংপ্রোক্ষ্য়, আত্মানং চ সংপ্রোক্ষ্য় ॥
পংচকলশ স্থাপনং পশ্চিমং স॒দ্য়ো জা॒তং প্র॑পদ্য়া॒মি॒ স॒দ্য়ো জা॒তায়॒ বৈ নমো॒ নমঃ॑ । ভ॒বে ভ॑বে॒ নাতি॑ভবে ভবস্ব॒ মাম্ । ভ॒বোদ্ভ॑বায়॒ নমঃ॑ ॥ ওং ভূর্ভুব॒স্সুব॒রোম্ । অস্মিন্ পশ্চিমকলশে সদ্য়োজাতং ধ্য়ায়ামি । আবাহয়ামি ।
উত্তরং বা॒ম॒দে॒বায়॒ নমো᳚ জ্য়ে॒ষ্ঠায়॒ নমঃ॑ শ্রে॒ষ্ঠায়॒ নমো॑ রু॒দ্রায়॒ নমঃ॒ কালা॑য়॒ নমঃ॒ কল॑বিকরণায় নমো॒ বল॑বিকরণায়॒ নমো॒ বলা॑য়॒ নমো॒ বল॑প্রমথনায়॒ নমঃ॒ সর্ব॑ভূতদমনায়॒ নমো॑ ম॒নোন্ম॑নায়॒ নমঃ॑ । ওং ভূর্ভুব॒স্সুব॒রোম্ । অস্মিন্ উত্তরকলশে বামদেবং ধ্য়ায়ামি । আবাহয়ামি ।
দক্ষিণং অ॒ঘোরে᳚ভ্য়ো ঽথ॒ঘোরে᳚ভ্য়ো॒ ঘোর॒ঘোর॑তরেভ্য়ঃ । সর্বে᳚ভ্য়ঃ সর্ব॒শর্বে᳚ভ্য়ো॒ নম॑স্তে অস্তু রু॒দ্ররূ॑পেভ্য়ঃ ॥ ওং ভূর্ভুব॒স্সুব॒রোম্ । অস্মিন্ দক্ষিণকলশে অঘোরং ধ্য়ায়ামি । আবাহয়ামি ।
পূর্বং ওং তত্পুরু॑ষায় বি॒দ্মহে॑ মহাদে॒বায়॑ ধীমহি । তন্নো॑ রুদ্রঃ প্রচো॒দয়া᳚ত্ ॥ ওং ভূর্ভুব॒স্সুব॒রোম্ । অস্মিন্ পূর্বকলশে তত্পুরুষং ধ্য়ায়ামি । আবাহয়ামি ।
মদ্ধ্যমং ঈশানঃ সর্ব॑বিদ্য়া॒না॒-মীশ্বরঃ সর্ব॑ভূতা॒নাং॒ ব্রহ্মাধি॑পতি॒ র্ব্রহ্ম॒ণোঽধি॑পতি॒ র্ব্রহ্মা॑ শি॒বো মে॑ অস্তু সদাশিবোম্ ॥ ওং ভূর্ভুব॒স্সুব॒রোম্ । অস্মিন্ মদ্ধ্যম কলশে ঈশানং ধ্য়ায়ামি । আবাহয়ামি ।
প্রাণপ্রতিষ্ঠা ওং অসু॑নীতে॒ পুন॑র॒স্মাসু॒ চক্ষুঃ॒ পুনঃ॑ প্রা॒ণমি॒হ নো᳚ ধেহি॒ ভোগ᳚ম্ । জ্য়োক্প॑শ্য়েম॒ সূর্য়॑মু॒চ্চরং᳚ত॒ মনু॑মতে মৃ॒ডয়া᳚ নঃ স্ব॒স্তি ॥ অ॒মৃতং॒-বৈঁ প্রা॒ণা অ॒মৃত॒মাপঃ॑ প্রা॒ণানে॒ব য॑থাস্থা॒নমুপ॑হ্বযতে ॥
স্বামিন্ সর্বজগন্নাথ যাবত্ পূজাবসানকম্ । তাবত্ ত্বং প্রীতিভাবেন লিংগেঽস্মিন্ সংন্নিধিং কুরু ॥
ওং ত্র্য়ং॑বকং-য়ঁজামহে সুগং॒ধিং পু॑ষ্টি॒ বর্ধ॑নম্ । উ॒র্বা॒রু॒কমি॑ব॒ বংধ॑নান্মৃ॒ত্য়োর্মু॑ক্ষীয়॒ মাঽমৃতা᳚ত্ ॥
আবাহিতো ভব । স্থাপিতো ভব । সন্নিহিতো ভব । সন্নিরুদ্ধো ভব । অবকুংঠিতো ভব । সুপ্রীতো ভব । সুপ্রসন্নো ভব । বরদো ভব । স্বাগতং অস্তু । প্রসীদ প্রসীদ ।
লঘুন্য়াসং / মহান্য়াসম্ ॥
ধ্য়ানং কৈলাসে কমনীয় রত্ন খচিতে কল্পদ্রুমূলে স্থিতং কর্পূর স্ফটিকেংদু সুংদর তনুং কাত্য়াযনী সেবিতম্ । গংগোত্তুংগ তরংগ রংজিত জটা ভারং কৃপাসাগরং কংঠালংকৃত শেষভূষণমহং মৃত্য়ুংজয়ং ভাবয়ে ॥ ওং শ্রী উমামহেশ্বর স্বামিনে নমঃ ধ্য়ায়ামি ।
আবাহনং (ওং স॒দ্য়োজা॒তং প্র॑পদ্য়া॒মি) ওংকারায় নমস্তুভ্য়ং ওংকারপ্রিয় শংকর । আবাহনং গৃহাণেদং পার্বতীপ্রিয় বল্লভ ॥ ওং শ্রী উমামহেশ্বর স্বামিনে নমঃ আবাহয়ামি ।
আসনং (ওং স॒দ্য়োজা॒তায়॒বৈ নমো॒ নমঃ॑) নমস্তে গিরিজানাথ কৈলাসগিরি মংদির । সিংহাসনং ময়া দত্তং স্বীকুরুষ্ব উমাপতে ॥ শ্রী উমামহেশ্বর স্বামিনে নমঃ নবরত্ন খচিত হেম সিংহাসনং সমর্পয়ামি ।
পাদ্য়ং (ওং ভবে ভ॑বে॒ন) মহাদেব জগন্নাথ ভক্তানামভযপ্রদ । পাদ্য়ং গৃহাণ দেবেশ মম সৌখ্য়ং-বিঁবর্ধয় ॥ শ্রী উমামহেশ্বর স্বামিনে নমঃ পাদয়োঃ পাদ্য়ং সমর্পয়ামি ।
অর্ঘ্য়ং (ওং অতি॑ ভবে ভবস্ব॒মাং) শিবাপ্রিয় নমস্তেস্তু পাবনং জলপূরিতম্ । অর্ঘ্য়ং গৃহাণ ভগবন্ গাংগেয় কলশস্থিতম্ ॥ শ্রী উমামহেশ্বর স্বামিনে নমঃ হস্তয়োঃ অর্ঘ্য়ং সমর্পয়ামি ।
আচমনং (ওং ভ॒বোদ্ভ॑বায়॒ নমঃ) বামদেব সুরাধীশ বংদিতাংঘ্রি সরোরুহ । গৃহাণাচমনং দেব করুণা বরুণালয় ॥ শ্রী উমামহেশ্বর স্বামিনে নমঃ মুখে আচমনীয়ং সমর্পয়ামি ।
মধুপর্কং যমাংতকায় উগ্রায় ভীমায় চ নমো নমঃ । মধুপর্কং প্রদাস্য়ামি গৃহাণ ত্বমুমাপতে ॥ শ্রী উমামহেশ্বর স্বামিনে নমঃ মধুপর্কং সমর্পয়ামি ।
পংচামৃত স্নানং 1. আপ্য়াযস্য়েতি ক্ষীরং (milk) – ওং আপ্য়া॑যস্ব॒ সমে॑তু তে বি॒শ্বত॑স্সোম॒ বৃষ্ণি॑যম্ । ভবা॒ বাজ॑স্য় সংগ॒থে ॥ শ্রী ভবানীশংকরাস্বামিনে নমঃ ক্ষীরেণ স্নপয়ামি ।
আপো॒ হিষ্ঠা ম॑য়ো॒ভুব॒স্তা ন॑ ঊ॒র্জে দ॑ধাতন । ম॒হেরণা॑য়॒ চক্ষ॑সে । যো বঃ॑ শি॒বত॑মো রস॒স্তস্য়॑ ভাজযতে॒ হ নঃ॑ । উ॒শ॒তীরি॑ব মা॒ত॑রঃ । তস্মা॒ অরং॑গমামবো॒ যস্য়॒ ক্ষয়া॑য়॒ জিন্ব॑থ । আপো॑ জ॒নয়॑থা চ নঃ । শ্রী ভবানীশংকরাস্বামিনে নমঃ । ক্ষীরস্নানানংতরং শুদ্ধোদক স্নানং সমর্পয়ামি ।
2. দধিক্রাব্ণো ইতি দধি (yogurt) – ওং দ॒ধি॒ক্রাব্ণো॑ অকারিষং জি॒ষ্ণোরশ্ব॑স্য় বা॒জিনঃ॑ । সু॒রভি নো॒ মুখা॑ কর॒ত্প্রণ॒ আয়ূগ্ম্॑ষি তারিষত্ ॥ শ্রী ভবানীশংকরাস্বামিনে নমঃ । দধ্না স্নপয়ামি ।
আপো॒ হিষ্ঠা ম॑য়ো॒ভুব॒স্তা ন॑ ঊ॒র্জে দ॑ধাতন । ম॒হেরণা॑য়॒ চক্ষ॑সে । যো বঃ॑ শি॒বত॑মো রস॒স্তস্য়॑ ভাজযতে॒ হ নঃ॑ । উ॒শ॒তীরি॑ব মা॒ত॑রঃ । তস্মা॒ অরং॑গমামবো॒ যস্য়॒ ক্ষয়া॑য়॒ জিন্ব॑থ । আপো॑ জ॒নয়॑থা চ নঃ । শ্রী ভবানীশংকরাস্বামিনে নমঃ । দধিস্নানানংতরং শুদ্ধোদক স্নানং সমর্পয়ামি ।
3. শুক্রমসীতি আজ্য়ং (ghee) – ওং শু॒ক্রম॑সি॒ জ্য়োতি॑রসি॒ তেজো॑সি দে॒বোব॑স্সবি॒তোত্পু॑না॒তু অচ্ছি॑দ্রেণ প॒বিত্রে॑ণ॒ বসো॒স্সূর্য়॑স্য় র॒শ্মিভিঃ॑ । শ্রী ভবানীশংকরাস্বামিনে নমঃ । আজ্য়েন স্নপয়ামি ।
আপো॒ হিষ্ঠা ম॑য়ো॒ভুব॒স্তা ন॑ ঊ॒র্জে দ॑ধাতন । ম॒হেরণা॑য়॒ চক্ষ॑সে । যো বঃ॑ শি॒বত॑মো রস॒স্তস্য়॑ ভাজযতে॒ হ নঃ॑ । উ॒শ॒তীরি॑ব মা॒ত॑রঃ । তস্মা॒ অরং॑গমামবো॒ যস্য়॒ ক্ষয়া॑য়॒ জিন্ব॑থ । আপো॑ জ॒নয়॑থা চ নঃ । শ্রী ভবানীশংকরাস্বামিনে নমঃ । আজ্য় স্নানানংতরং শুদ্ধোদক স্নানং সমর্পয়ামি ।
4. মধুবাতা ঋতাযতে ইতি মধু (honey) – ওং মধু॒বাতা॑ ঋতায়॒তে মধু॑ক্ষরংতি॒ সিংধ॑বঃ । মাধ্বী᳚র্নঃ সং॒ত্বৌষ॑ধীঃ । মধু॒নক্ত॑মু॒তোষ॑সি॒ মধু॑ম॒ত্পার্থি॑ব॒গ্ম্॒ রজঃ॑ । মধু॒দ্য়ৌর॑স্তু নঃ পি॒তা । মধু॑মান্নো॒ বন॒স্পতি॒র্মধু॑মাগ্ং অস্তু॒ সূর্য়ঃ॑ । মাধ্বী॒র্গাবো॑ ভবংতু নঃ । শ্রী ভবানীশংকরাস্বামিনে নমঃ । মধুনা স্নপয়ামি ।
আপো॒ হিষ্ঠা ম॑য়ো॒ভুব॒স্তা ন॑ ঊ॒র্জে দ॑ধাতন । ম॒হেরণা॑য়॒ চক্ষ॑সে । যো বঃ॑ শি॒বত॑মো রস॒স্তস্য়॑ ভাজযতে॒ হ নঃ॑ । উ॒শ॒তীরি॑ব মা॒ত॑রঃ । তস্মা॒ অরং॑গমামবো॒ যস্য়॒ ক্ষয়া॑য়॒ জিন্ব॑থ । আপো॑ জ॒নয়॑থা চ নঃ । শ্রী ভবানীশংকরাস্বামিনে নমঃ । মধুস্নানানংতরং শুদ্ধোদক স্নানং সমর্পয়ামি ।
5. স্বাদুঃ পবস্য়েতি শর্করা (sugar) – ওং স্বা॒দুঃ প॑বস্ব দি॒ব্য়ায়॒ জন্ম॑নে । স্বা॒দুরিংদ্রা᳚য় সু॒হবী᳚তু নাম্নে᳚ । স্বা॒দুর্মি॒ত্রায়॒ বরু॑ণায় বা॒যবে॒ । বৃহ॒স্পত॑য়ে॒ মধু॑মাং॒ অদা᳚ভ্য়ঃ । শ্রী ভবানীশংকরাস্বামিনে নমঃ । শর্করয়া স্নপয়ামি ।
আপো॒ হিষ্ঠা ম॑য়ো॒ভুব॒স্তা ন॑ ঊ॒র্জে দ॑ধাতন । ম॒হেরণা॑য়॒ চক্ষ॑সে । যো বঃ॑ শি॒বত॑মো রস॒স্তস্য়॑ ভাজযতে॒ হ নঃ॑ । উ॒শ॒তীরি॑ব মা॒ত॑রঃ । তস্মা॒ অরং॑গমামবো॒ যস্য়॒ ক্ষয়া॑য়॒ জিন্ব॑থ । আপো॑ জ॒নয়॑থা চ নঃ । শ্রী ভবানীশংকরাস্বামিনে নমঃ । শর্কর স্নানানংতরং শুদ্ধোদক স্নানং সমর্পয়ামি ।
শংখোদকং আপো॒ হিষ্ঠা ম॑য়ো॒ভুব॒স্তা ন॑ ঊ॒র্জে দ॑ধাতন । ম॒হেরণা॑য়॒ চক্ষ॑সে । যো বঃ॑ শি॒বত॑মো রস॒স্তস্য়॑ ভাজযতে॒ হ নঃ॑ । উ॒শ॒তীরি॑ব মা॒ত॑রঃ । তস্মা॒ অরং॑গমামবো॒ যস্য়॒ ক্ষয়া॑য়॒ জিন্ব॑থ । আপো॑ জ॒নয়॑থা চ নঃ । শ্রী ভবানীশংকরাস্বামিনে নমঃ । শংখোদকেন স্নপয়ামি ॥
ফলোদকং যাঃ ফ॒লিনী॒র্য়া অ॑ফ॒লা অ॑পু॒ষ্পায়াশ্চ॑ পু॒ষ্পিণীঃ᳚ । বৃহ॒স্পতি॑ প্রসূতা॒স্তানো॑ মুংচং॒ত্বগ্ং হ॑সঃ ॥ শ্রী ভবানীশংকরাস্বামিনে নমঃ । ফলোদকেন স্নপয়ামি ।
গংধোদকং গং॒ধ॒দ্বা॒রাং দু॑রাধ॒র্ষাং॒ নি॒ত্যপু॑ষ্টাং করী॒ষিণী᳚ম্ । ঈ॒শ্বরী॑গ্ম্ সর্ব॑ভূতা॒নাং॒ তামি॒হোপ॑হ্বয়ে॒ শ্রিযম্ ॥ শ্রী ভবানীশংকরাস্বামিনে নমঃ । গংধোদকেন স্নপয়ামি ।
পুষ্পোদকং যো॑ঽপাং পুষ্পং॒-বেঁদ॑ । পুষ্প॑বান্ প্র॒জাবা᳚ন্ পশু॒মান্ ভ॑বতি । চং॒দ্রমা॒ বা অ॒পাং পুষ্পম্᳚ । পুষ্প॑বান্ প্র॒জাবা᳚ন্ পশু॒মান্ ভ॑বতি । শ্রী ভবানীশংকরাস্বামিনে নমঃ । পুষ্পোদকেন স্নপয়ামি ।
অক্ষতোদকং আয়॑নে তে প॒রায়॑ণে॒ দূর্বা॑ রোহংতু পু॒ষ্পিণীঃ᳚ । হ্র॒দাশ্চ॑ পুং॒ডরী॑কাণি সমু॒দ্রস্য়॑ গৃ॒হা ই॒মে । শ্রী ভবানীশংকরাস্বামিনে নমঃ । অক্ষতোদকেন স্নপয়ামি ।
সুবর্ণোদকং তথ্সু॒বর্ণ॒গ্ম্॒ হির॑ণ্যমভবত্ । তথ্সু॒বর্ণ॑স্য়॒ হির॑ণ্যস্য়॒ জন্ম॑ । য এ॒বগ্ম্ সু॒বর্ণ॑স্য়॒ হির॑ণ্যস্য়॒ জন্ম॒বে॑দ । সু॒বর্ণ॑ আ॒ত্মনা॑ ভবতি । শ্রী ভবানীশংকরাস্বামিনে নমঃ । সুবর্ণোদকেন স্নপয়ামি ।
রুদ্রাক্ষোদকং ত্র্য়ং॑বকং-য়ঁজামহে সুগং॒ধিং পু॑ষ্টি॒ বর্ধ॑নম্ । উ॒র্বা॒রু॒কমি॑ব॒ বংধ॑নান্মৃ॒ত্য়োর্মু॑ক্ষীয়॒ মাঽমৃতা᳚ত্ ॥ শ্রী ভবানীশংকরাস্বামিনে নমঃ । রুদ্রাক্ষোদকেন স্নপয়ামি ।
ভস্মোদকং মা নো॑ ম॒হাংত॑মু॒ত মা নো॑ অর্ভ॒কং মা ন॒ উক্ষং॑তমু॒ত মা ন॑ উক্ষি॒তম্ । মা নো॑ঽবধীঃ পি॒তরং॒ মোত মা॒তরং॑ প্রি॒য়া মা ন॑স্ত॒নুবো॑ রুদ্র রীরিষঃ । শ্রী ভবানীশংকরাস্বামিনে নমঃ । ভস্মোদকেন স্নপয়ামি ।
বিল্বোদকং মা ন॑স্তো॒কে তন॑য়ে॒ মা ন॒ আয়ু॑ষি॒ মা নো॒ গোষু॒ মা নো॒ অশ্বে॑ষু রীরিষঃ । বী॒রান্মা নো॑ রুদ্র ভামি॒তোঽব॑ধীর্হ॒বিষ্মং॑তো॒ নম॑সা বিধেম তে । শ্রী ভবানীশংকরাস্বামিনে নমঃ । বিল্বোদকেন স্নপয়ামি ।
দূর্বোদকং কাংডা᳚ত্কাংডাত্প্র॒রোহং॑তি পরু॑ষঃ পরুষঃ॒ পরি॑ । এ॒বানো॑ দূর্বে॒ প্রত॑নু স॒হস্রে॑ণ শ॒তেন॑ চ ॥ শ্রী ভবানীশংকরাস্বামিনে নমঃ । দূর্বোদকেন স্নপয়ামি ।
অথ মলাপকর্ষণ স্নানম্ হির॑ণ্যবর্ণা॒শ্শুচ॑য়ঃ পাব॒কা যাসু॑ জা॒তঃ ক॒শ্যপো॒ যাস্বিংদ্রঃ॑ । অ॒গ্নিং-য়াঁ গর্ভং॑ দধি॒রে বিরূ॑পা॒স্তা ন॒ আপ॒শ্শগ্গ্ স্য়ো॒না ভ॑বংতু ॥
যাসা॒গ্ম্॒ রাজা॒ বরু॑ণো॒ যাতি॒ মধ্য়ে॑ সত্য়ানৃ॒তে অ॑ব॒পশ্য়ং॒জনা॑নাম্ । ম॒ধু॒শ্চুত॒শ্শুচ॑য়ো॒ যাঃ পা॑ব॒কাস্তা ন॒ আপ॒শ্শগ্গ্ স্য়ো॒না ভ॑বংতু ॥
যাসাং॑ দে॒বা দি॒বি কৃ॒ণ্বংতি॑ ভ॒ক্ষং যা অং॒তরি॑ক্ষে বহু॒ধা ভবং॑তি । যাঃ পৃ॑থি॒বীং পয়॑সোং॒দংতি॑ শু॒ক্রাস্তা ন॒ আপ॒শ্শগ্গ্ স্য়ো॒না ভ॑বংতু ॥
শি॒বেন॑ মা॒ চক্ষু॑ষা পশ্যতাপশ্শি॒বয়া॑ ত॒নুবোপ॑ স্পৃশত॒ ত্বচং॑ মে । সর্বাগ্ম্॑ অ॒গ্নীগ্ম্ র॑ফ্সু॒ষদো॑ হুবে বো॒ ময়ি॒ বর্চো॒ বল॒মোজো॒ নিধ॑ত্ত ॥
(অ.বে., কাংড-3, সূক্তং-13) যদ॒দঃ সং॑প্রয়॒তী-রহা॒-বন॑দতা হ॒তে । তস্মা॒দা ন॒দ্য়ো॑ নাম॑ স্থ॒ তা বো॒ নামা॑নি সিংধবঃ ॥ 1 যত্প্রেষি॑তা॒ বরু॑ণে॒নতাশ্শীভ॑গ্ম্ স॒মব॑ল্গত । তদা॑প্নো॒দিংদ্রো॑ বো য॒তীস্তস্মা॒দাপো॒ অনু॑স্থন ॥ 2 আ॒প॒কা॒মগ্গ্ম্ স্য়ংদ॑মানা॒ অবী॑বরত বো॒ হি ক॑ম্ । ইংদ্রো॑ ব॒শ্শক্তি॑ভির্দেবী॒স্তস্মা॒দ্বার্ণাম॑ বো হি॒তম্ ॥ 3 একো॑ বো দে॒বো অপ্য়॑তিষ্ঠ॒থ্স্য়ংদ॑মানা যথাব॒শম্ । উদা॑নিষুর্ম॒হীরিতি॒ তস্মা॑দুদ॒কমু॑চ্যতে ॥ 4 আপো॑ ভ॒দ্রা ঘৃ॒তমিদাপ॑ আনুর॒গ্নীষোমৌ॑ বিভ্র॒ত্য়াপ॒ ইত্তাঃ । তী॒ব্রো রসো॑ মধু॒পৃচাং॑ অ॒রং॒গ॒ম আ মা॑ প্রা॒ণেন॑ স॒হ বর্চ॑সাগন্ন্ ॥ 5 আদিত্প॑শ্য়াম্য়ু॒ত বা॑ শৃণো॒ম্য়া মা॒ ঘোষো॑ গচ্ছতি॒ বাঙ্ম॑ আসাম্ । মন্য়ে॑ ভেজা॒নো অ॒মৃত॑স্য়॒ তর্হি॒ হির॑ণ্যবর্ণা॒ অতৃ॑পং-য়ঁ॒দা বঃ॑ ॥ 6
আপো॒ হিষ্ঠা ম॑য়ো॒ভুব॒স্তা ন॑ ঊ॒র্জে দ॑ধাতন । ম॒হেরণা॑য়॒ চক্ষ॑সে । যো বঃ॑ শি॒বত॑মো রস॒স্তস্য়॑ ভাজযতে॒ হ নঃ॑ । উ॒শ॒তীরি॑ব মা॒ত॑রঃ । তস্মা॒ অরং॑গমামবো॒ যস্য়॒ ক্ষয়া॑য়॒ জিন্ব॑থ । আপো॑ জ॒নয়॑থা চ নঃ । শ্রী ভবানীশংকরাস্বামিনে নমঃ । শুদ্ধোদকেন স্নপয়ামি ।
আপো॒ বা ই॒দগ্ম্ সর্বং॒-বিঁশ্বা॑ ভূ॒তান্য়াপঃ॑ প্রা॒ণা বা আপঃ॑ প॒শব॒ আপোঽন্ন॒মাপোঽমৃ॑ত॒মাপঃ॑ স॒ম্রাডাপো॑ বি॒রাডাপঃ॑ স্ব॒রাডাপ॒শ্ছংদা॒গ্ম্॒স্য়াপো॒ জ্য়োতী॒গ্ম্॒ষ্য়াপো॒ যজূ॒গ্ম্॒ষ্য়াপ॑স্স॒ত্যমাপ॒স্সর্বা॑ দে॒বতা॒ আপো॒ ভূর্ভুব॒স্সুব॒রাপ॒ ওম্ ॥
অ॒পঃ প্রণ॑যতি । শ্র॒দ্ধাবা আপঃ॑ । শ্র॒দ্ধামে॒বারভ্য়॑ প্র॒ণীয়॒ প্রচ॑রতি । অ॒পঃ প্রণ॑যতি । য॒জ্ঞো বা আপঃ॑ । য॒জ্ঞমে॒বারভ্য়॑ প্র॒ণীয়॒ প্রচ॑রতি অ॒পঃ প্রণ॑যতি । ব॒জ্রো বা আপঃ॑ । বজ্র॑মে॒ব ভ্রাতৃ॑ব্য়েভ্য়ঃ প্রহৃত্য়॑ প্র॒ণীয়॒ প্রচ॑রতি । অ॒পঃ প্রণ॑যতি । আপো॒ বৈ র॑ক্ষো॒ঘ্নীঃ । রক্ষ॑সা॒মপ॑হত্য়ৈ । অ॒পঃ প্রণ॑যতি । আপো॒ বৈ দে॒বানাং॑ প্রি॒য়ংধাম॑ । দে॒বানা॑মে॒ব প্রি॒য়ংধাম॑ প্র॒ণীয়॒ প্রচ॑রতি । অ॒পঃ প্রণ॑যতি । আপো॒ বৈ সর্বা॑ দে॒বতাঃ॑ । দে॒বতা॑ এ॒বারভ্য়॑ প্র॒ণীয়॒ প্রচ॑রতি । (আপো॒ বৈ শাং॒তাঃ । শাং॒তাভি॑রে॒বাস্য়॑ শুচগ্ম্॑ শমযতি ॥) শ্রী ভবানীশংকরাস্বামিনে নমঃ । মলাপকর্ষণস্নানং সমর্পয়ামি ।
শ্রীরুদ্রপ্রশ্নঃ – নমকম্ ॥ শ্রীরুদ্রপ্রশ্নঃ – চমকম্ ॥ পুরুষ সূক্তম্ ॥ শ্রী সূক্তম্ ॥
ওং শ্রী উমামহেশ্বর স্বামিনে নমঃ শুদ্ধোদক স্নানং সমর্পয়ামি । স্নানানংতরং আচমনীয়ং সমর্পয়ামি ।
বস্ত্রং – (ওং জ্য়ে॒ষ্ঠায়॒ নমঃ) নমো নাগবিভূষায় নারদাদি স্তুতায় চ । বস্ত্রয়ুগ্মং প্রদাস্য়ামি পার্থিবেশ্বর স্বীকুরু ॥ ওং শ্রী উমামহেশ্বর স্বামিনে নমঃ বস্ত্রয়ুগ্মং সমর্পয়ামি । (বস্ত্রার্থং অক্ষতান্ সমর্পয়ামি)
যজ্ঞোপবীতং – (ওং শ্রে॒ষ্ঠায়॒ নমঃ) যজ্ঞেশ যজ্ঞবিধ্বংস সর্বদেব নমস্কৃত । যজ্ঞসূত্রং প্রদাস্য়ামি শোভনং চোত্তরীযকম্ ॥ ওং শ্রী উমামহেশ্বর স্বামিনে নমঃ যজ্ঞোপবীতং সমর্পয়ামি । (উপবীতার্থং অক্ষতান্ সমর্পয়ামি)
আভরণং – (ওং রু॒দ্রায়॒ নমঃ) নাগাভরণ বিশ্বেশ চংদ্রার্ধকৃতমস্তক । পার্থিবেশ্বর মদ্দত্তং গৃহাণাভরণং-বিঁভো ॥ ওং শ্রী উমামহেশ্বর স্বামিনে নমঃ আভরণং সমর্পয়ামি ।
গংধং – (ওং কালা॑য়॒ নমঃ॑) শ্রী গংধং তে প্রযচ্ছামি গৃহাণ পরমেশ্বর । কস্তূরি কুংকুমোপেতং শিবাশ্লিষ্ট ভুজদ্বয় ॥ ওং শ্রী উমামহেশ্বর স্বামিনে নমঃ শ্রীগংধাদি পরিমল দ্রব্য়ং সমর্পয়ামি ।
অক্ষতান্ – (ওং কল॑বিকরণায়॒ নমঃ) অক্ষতান্ ধবলান্ দিব্য়ান্ শালি তুংডুল মিশ্রিতান্ । অক্ষতোসি স্বভাবেন স্বীকুরুষ্ব মহেশ্বর ॥ ওং শ্রী উমামহেশ্বর স্বামিনে নমঃ ধবলাক্ষতান্ সমর্পয়ামি ।
পুষ্পং – (ওং বল॑ বিকরণায়॒ নমঃ) সুগংধীনি সুপুষ্পাণি জাজীবিল্বার্ক চংপকৈঃ । নির্মিতং পুষ্পমালংচ নীলকংঠ গৃহাণ ভো ॥ ওং শ্রী উমামহেশ্বর স্বামিনে নমঃ পুষ্প বিল্বদলানি সমর্পয়ামি ।
অথাংগ পূজা ওং মহেশ্বরায় নমঃ – পাদৌ পূজয়ামি । ওং ঈশ্বরায় নমঃ – জংঘৌ পূজয়ামি । ওং কামরূপায় নমঃ – জানুনী পূজয়ামি । ওং হরায় নমঃ – ঊরূ পূজয়ামি । ওং ত্রিপুরাংতকায় নমঃ – গুহ্য়ং পূজয়ামি । ওং ভবায় নমঃ – কটিং পূজয়ামি । ওং-ব্য়াঁঘ্রচর্মাংবরধরায় নমঃ – নাভিং পূজয়ামি । ওং কুক্ষিস্থ ব্রহাংডায় নমঃ – উদরং পূজয়ামি । ওং গৌরী মনঃ প্রিয়ায় নমঃ – হৃদয়ং পূজয়ামি । ওং পিনাকিনে নমঃ – হস্তৌ পূজয়ামি । ওং নাগাবৃতভুজদংডায় নমঃ – ভুজৌ পূজয়ামি । ওং শ্রীকংঠায় নমঃ – কংঠং পূজয়ামি । ওং-বিঁরূপাক্ষায় নমঃ – মুখং পূজয়ামি । ওং ত্রিনেত্রায় নমঃ – নেত্রাণি পূজয়ামি । ওং রুদ্রায় নমঃ – ললাটং পূজয়ামি । ওং শর্বায় নমঃ – শিরঃ পূজয়ামি । ওং চংদ্রমৌলয়ে নমঃ – মৌলিং পূজয়ামি । ওং অর্ধনারীশ্বরায় নমঃ – তনুং পূজয়ামি । ওং শ্রী উমামহেশ্বরায় নমঃ – সর্বাণ্য়ংগানি পূজয়ামি ।
অষ্টোত্তরশতনাম পূজা ওং শিবায় নমঃ ওং মহেশ্বরায় নমঃ ওং শংভবে নমঃ ওং পিনাকিনে নমঃ ওং শশিশেখরায় নমঃ ওং-বাঁমদেবায় নমঃ ওং-বিঁরূপাক্ষায় নমঃ ওং কপর্দিনে নমঃ ওং নীললোহিতায় নমঃ ওং শংকরায় নমঃ (10)
ওং শূলপাণয়ে নমঃ ওং খট্বাংগিনে নমঃ ওং-বিঁষ্ণুবল্লভায় নমঃ ওং শিপিবিষ্টায় নমঃ ওং অংবিকানাথায় নমঃ ওং শ্রীকংঠায় নমঃ ওং ভক্তবত্সলায় নমঃ ওং ভবায় নমঃ ওং শর্বায় নমঃ ওং ত্রিলোকেশায় নমঃ (20)
ওং শিতিকংঠায় নমঃ ওং শিবাপ্রিয়ায় নমঃ ওং উগ্রায় নমঃ ওং কপালিনে নমঃ ওং কামারয়ে নমঃ ওং অংধকাসুর সূদনায় নমঃ ওং গংগাধরায় নমঃ ওং-লঁলাটাক্ষায় নমঃ ওং কালকালায় নমঃ ওং কৃপানিধয়ে নমঃ (30)
ওং ভীমায় নমঃ ওং পরশুহস্তায় নমঃ ওং মৃগপাণয়ে নমঃ ওং জটাধরায় নমঃ ওং কৈলাসবাসিনে নমঃ ওং কবচিনে নমঃ ওং কঠোরায় নমঃ ওং ত্রিপুরাংতকায় নমঃ ওং-বৃঁষাংকায় নমঃ ওং-বৃঁষভারূঢায় নমঃ (40)
ওং ভস্মোদ্ধূলিত বিগ্রহায় নমঃ ওং সামপ্রিয়ায় নমঃ ওং স্বরময়ায় নমঃ ওং ত্রয়ীমূর্তয়ে নমঃ ওং অনীশ্বরায় নমঃ ওং সর্বজ্ঞায় নমঃ ওং পরমাত্মনে নমঃ ওং সোমসূর্য়াগ্নি লোচনায় নমঃ ওং হবিষে নমঃ ওং-য়ঁজ্ঞময়ায় নমঃ (50)
ওং সোমায় নমঃ ওং পংচবক্ত্রায় নমঃ ওং সদাশিবায় নমঃ ওং-বিঁশ্বেশ্বরায় নমঃ ওং-বীঁরভদ্রায় নমঃ ওং গণনাথায় নমঃ ওং প্রজাপতয়ে নমঃ ওং হিরণ্যরেতসে নমঃ ওং দুর্ধর্ষায় নমঃ ওং গিরীশায় নমঃ (60)
ওং গিরিশায় নমঃ ওং অনঘায় নমঃ ওং ভুজংগ ভূষণায় নমঃ ওং ভর্গায় নমঃ ওং গিরিধন্বনে নমঃ ওং গিরিপ্রিয়ায় নমঃ ওং কৃত্তিবাসসে নমঃ ওং পুরারাতয়ে নমঃ ওং ভগবতে নমঃ ওং প্রমথাধিপায় নমঃ (70)
ওং মৃত্য়ুংজয়ায় নমঃ ওং সূক্ষ্মতনবে নমঃ ওং জগদ্ব্য়াপিনে নমঃ ওং জগদ্গুরবে নমঃ ওং-ব্য়োঁমকেশায় নমঃ ওং মহাসেন জনকায় নমঃ ওং চারুবিক্রমায় নমঃ ওং রুদ্রায় নমঃ ওং ভূতপতয়ে নমঃ ওং স্থাণবে নমঃ (80)
ওং অহির্বুধ্ন্য়ায় নমঃ ওং দিগংবরায় নমঃ ওং অষ্টমূর্তয়ে নমঃ ওং অনেকাত্মনে নমঃ ওং সাত্ত্বিকায় নমঃ ওং শুদ্ধবিগ্রহায় নমঃ ওং শাশ্বতায় নমঃ ওং খংডপরশবে নমঃ ওং অজায় নমঃ ওং পাশবিমোচকায় নমঃ (90)
ওং মৃডায় নমঃ ওং পশুপতয়ে নমঃ ওং দেবায় নমঃ ওং মহাদেবায় নমঃ ওং অব্যয়ায় নমঃ ওং হরয়ে নমঃ ওং পূষদংতভিদে নমঃ ওং অব্যগ্রায় নমঃ ওং দক্ষাধ্বরহরায় নমঃ ওং হরায় নমঃ (100)
ওং ভগনেত্রভিদে নমঃ ওং অব্যক্তায় নমঃ ওং সহস্রাক্ষায় নমঃ ওং সহস্রপাদে নমঃ ওং অপবর্গপ্রদায় নমঃ ওং অনংতায় নমঃ ওং তারকায় নমঃ ওং পরমেশ্বরায় নমঃ (108)
ওং নিধ॑নপতয়ে॒ নমঃ । ওং নিধ॑নপতাংতিকায়॒ নমঃ । ওং ঊর্ধ্বায়॒ নমঃ । ওং ঊর্ধ্বলিংগায়॒ নমঃ । ওং হিরণ্য়ায়॒ নমঃ । ওং হিরণ্যলিংগায়॒ নমঃ । ওং সুবর্ণায়॒ নমঃ । ওং সুবর্ণলিংগায়॒ নমঃ । ওং দিব্য়ায়॒ নমঃ । ওং দিব্যলিংগায়॒ নমঃ । ওং ভবায়॒ নমঃ । ওং ভবলিংগায়॒ নমঃ । ওং শর্বায়॒ নমঃ । ওং শর্বলিংগায়॒ নমঃ । ওং শিবায়॒ নমঃ । ওং শিবলিংগায়॒ নমঃ । ওং জ্বলায়॒ নমঃ । ওং জ্বললিংগায়॒ নমঃ । ওং আত্মায়॒ নমঃ । ওং আত্মলিংগায়॒ নমঃ । ওং পরমায়॒ নমঃ । ওং পরমলিংগায়॒ নমঃ ।
ওং ভ॒বায়॑ দে॒বায়॒ নমঃ – ওং ভ॒বস্য়॑ দে॒বস্য়॒ পত্ন্য়ৈ॒ নমঃ॑ । ওং শ॒র্বায়॑ দে॒বায়॒ নমঃ – ওং শ॒র্বস্য়॑ দে॒বস্য়॒ পত্ন্য়ৈ॒ নমঃ॑ । ওং ঈশা॑নায় দে॒বায়॒ নমঃ – ওং ঈশা॑নস্য় দে॒বস্য়॒ পত্ন্য়ৈ॒ নমঃ॑ । ওং পশু॒পত॑য়ে দে॒বায়॒ নমঃ – ওং পশু॒পতে᳚র্দে॒বস্য় পত্ন্য়ৈ॒ নমঃ॑ । ওং রু॒দ্রায়॑ দে॒বায়॒ নমঃ – ওং রু॒দ্রস্য়॑ দে॒বস্য়॒ পত্ন্য়ৈ॒ নমঃ॑ । ওং উ॒গ্রায়॑ দে॒বায়॒ নমঃ – ওং উ॒গ্রস্য়॑ দে॒বস্য়॒ পত্ন্য়ৈ॒ নমঃ॑ । ওং ভী॒মায়॑ দে॒বায়॒ নমঃ – ওং ভী॒মস্য়॑ দে॒বস্য়॒ পত্ন্য়ৈ॒ নমঃ॑ । ওং মহ॑তে দে॒বায়॒ নমঃ – ওং মহ॑তো দে॒বস্য়॒ পত্ন্য়ৈ॒ নমঃ॑ ।
ওং শ্রী উমামহেশ্বর স্বামিনে নমঃ নানা বিধ পরিমল পত্র পুষ্পাক্ষতান্ সমর্পয়ামি ।
ধূপং – (ওং বলা॑য়॒ নমঃ) ধূর॑সি॒ ধূর্ব॒ ধূর্বং॑তং॒ ধূর্ব॒তং-য়োঁ᳚ঽস্মান্ ধূর্ব॑তি॒ তং ধূ᳚র্ব॒য়ং-বঁ॒য়ং ধূর্বা॑ম॒স্ত্বং দে॒বানা॑মসি॒ সস্নি॑তমং॒ পপ্রি॑তমং॒ জুষ্ট॑তমং॒-বঁহ্নি॑তমং দেব॒হূত॑ম॒-মহ্রু॑তমসি হবি॒র্ধানং॒ দৃগ্ম্ হ॑স্ব॒ মাহ্বা᳚ র্মি॒ত্রস্য়॑ ত্বা॒ চক্ষু॑ষা॒ প্রেক্ষে॒ মা ভের্মা সংবিঁ॑ক্তা॒ মা ত্বা॑ হিগ্ম্সিষম্ । আবাহিতাভ্য়ঃ সর্বাভ্য়ো দেবতাভ্য়ো নমঃ । ধূপমাঘ্রাপয়ামি ।
দীপং – (ওং বল॑ প্রমথনায়॒ নমঃ) উদ্দী᳚প্যস্ব জাতবেদোঽপ॒ঘ্নন্ নিঋ॑তিং॒ মম॑ । প॒শুগ্গ্শ্চ॒ মহ্য়॒মাব॑হ॒ জীব॑নং চ॒ দিশো॑ দিশ । মানো॑ হিগ্ম্সী-জ্জাতবেদো॒ গামশ্বং॒ পুরু॑ষং॒ জগ॑ত্ । অবি॑ভ্র॒দগ্ন॒ আগ॑হি শ্রি॒য়া মা॒ পরি॑পাতয় । আবাহিতাভ্য়ঃ সর্বাভ্য়ো দেবতাভ্য়ো নমঃ । ধূপমাঘ্রাপয়ামি । ধূপ দীপানংতরং শুদ্ধাচমনীয়ং সমর্পয়ামি ।
নৈবেদ্য়ং – (ওং সর্ব॑ ভূত দমনায়॒ নমঃ) ওং ভূর্ভুব॒স্সুবঃ॒ । তত্স॑বি॒তুর্বরে᳚ণ্য়ং॒ ভর্গো॑ দে॒বস্য়॑ ধীমহি । ধি॒য়ো যো নঃ॑ প্রচো॒দয়া᳚ত্ । দেব সবিতঃ প্রসুবঃ । সত্য়ং ত্বর্তেন পরিষিংচামি । (সায়ংকালে – ঋতং ত্বা সত্য়েন পরিষিংচামি)
অমৃতং অস্তু । অমৃতোপস্তরণমসি । ওং প্রাণায় স্বাহাঃ । ওং অপানায় স্বাহাঃ । ওং-ব্য়াঁনায় স্বাহাঃ । ওং উদানায় স্বাহাঃ । ওং সমানায় স্বাহাঃ । ওং ব্রহ্মণে স্বাহাঃ । মধু॒বাতা॑ ঋতায়॒তে মধু॑ক্ষরংতি॒ সিংধ॑বঃ । মাদ্ধ্বী᳚র্নঃ সং॒ত্বোষ॑ধীঃ । মধু॒নক্ত॑ মু॒তোষসি॒ মধু॑ম॒ত্ পার্থি॑ব॒গ্ম্॒ রজঃ॑ । মধু॒দ্য়ৌর॑স্তু নঃ পি॒তা । মধু॑মান্নো॒ বন॒স্পতি॒ র্মধু॑মাগ্ম্ অস্তু॒ সূর্য়ঃ॑ । মাধ্বী॒র্গাবো॑ ভবংতু নঃ ॥ মধু মধু মধু ॥ আবাহিতাভ্য়ঃ সর্বাভ্য়ো দেবতাভ্য়ো নমঃ । (দিব্য়ান্নং, ঘৃতগুলপাযসং, নালিকেরখংডদ্বয়ং, কদলীফলং ...) ওং শ্রী উমামহেশ্বর স্বামিনে নমঃ । মহানৈবেদ্য়ং নিবেদয়ামি ।
মধ্য়ে মধ্য়ে পানীয়ং সমর্পয়ামি । অ॒মৃ॒তা॒পি॒ধা॒নম॑সি । উত্তরাপোশনং সমর্পয়ামি । হস্তৌ প্রক্ষালয়ামি । পাদৌ প্রক্ষালয়ামি । শুদ্ধাচমনীয়ং সমর্পয়ামি ।
তাংবূলং – (ওং ম॒নোন্ম॑নায়॒ নমঃ) পূগীফলসমায়ুক্তং নাগবল্লীদলৈর্য়ুতম্ । কর্পূরচূর্ণ সংয়ুঁক্তং তাংবূলং প্রতিগৃহ্যতাম্ । আবাহিতাভ্য়ঃ সর্বাভ্য়ো দেবতাভ্য়ো নমঃ । তাংবূলং নিবেদয়ামি । তাংবূল চর্বণানংতরং শুদ্ধ আচমনীয়ং সমর্পয়ামি ।
নীরাজনং সোমো॒ বা এ॒তস্য়॑ রা॒জ্যমাদ॑ত্তে । যো রাজা॒সন্ রা॒জ্য়ো বা॒ সোমে॑ন॒ যজ॑তে । দে॒ব॒ সু॒বামে॒তানি॑ হ॒বিগ্ম্ষি॑ ভবংতি । এ॒তাবং॑তো॒ বৈ দে॒বানাগ্ম্॑ স॒বাঃ । ত এ॒বাস্মৈ॑ স॒বান্ প্র॑যচ্ছংতি । ত এ॑নং পু॒নঃ সুবং॑তে রা॒জ্য়ায়॑ । দে॒ব॒সূ রাজা॑ ভবতি ।
রা॒জা॒ধি॒রা॒জায়॑ প্রসহ্য় সা॒হিনে᳚ । নমো॑ ব॒য়ং-বৈঁ᳚শ্রব॒ণায়॑ কুর্মহে । স মে॒ কামা॒ন্ কাম॒কামা॑য়॒ মহ্য়᳚ম্ । কা॒মে॒শ্ব॒রো বৈ᳚শ্রব॒ণো দ॑দাতু । কু॒বে॒রায়॑ বৈশ্রব॒ণায়॑ । ম॒হা॒রা॒জায়॒ নমঃ॑ ।
অ॒ঘোরে᳚ভ্য়ো ঽথ॒ঘোরে᳚ভ্য়ো॒ ঘোর॒ঘোর॑তরেভ্য়ঃ । সর্বে᳚ভ্য়ঃ সর্ব॒শর্বে᳚ভ্য়ো॒ নম॑স্তে অস্তু রু॒দ্ররূ॑পেভ্য়ঃ ॥
তত্পুরু॑ষায় বি॒দ্মহে॑ মহাদে॒বায়॑ ধীমহি । তন্নো॑ রুদ্রঃ প্রচো॒দয়া᳚ত্ ॥
ঈশানঃ সর্ব॑বিদ্য়া॒না॒-মীশ্বরঃ সর্ব॑ভূতা॒নাং॒ ব্রহ্মাধি॑পতি॒ র্ব্রহ্ম॒ণোঽধি॑পতি॒ র্ব্রহ্মা॑ শি॒বো মে॑ অস্তু সদাশিবোম্ ॥
নীরাজনমিদং দেব কর্পূরামোদ সংয়ুঁতম্ । গৃহাণ পরমানংদ হেরংব বরদাযক ॥
আবাহিতাভ্য়ঃ সর্বাভ্য়ো দেবতাভ্য়ো নমঃ । কর্পূর নীরাজনং দর্শয়ামি । নীরাজনানংতরং শুদ্ধ আচমনীয়ং সমর্পয়ামি ।
মংত্রপুষ্পং
আত্মরক্ষা ব্রহ্মা᳚ত্ম॒ন্ বদ॑সৃজত । তদ॑কামযত । সমা॒ত্মনা॑ পদ্য়ে॒য়েতি॑ । আত্ম॒ন্না-ত্ম॒ন্নিত্য়া-মং॑ত্রযত । তস্মৈ॑ দশ॒মগ্ম্ হূ॒তঃ প্রত্য়॑শৃণোত্ । স দশ॑হূতোঽভবত্ । দশ॑হূতো হ॒বৈ নামৈ॒ষঃ । তং-বাঁ এ॒তং দশ॑হূত॒গ্ম্॒ সংত᳚ম্ । দশ॑হো॒তেত্য়া চ॑ক্ষতে প॒রোক্ষে॑ণ । প॒রোক্ষ॑প্রিয়া ইব॒ হি দে॒বাঃ ॥ 1
আত্ম॒ন্না-ত্ম॒ন্নিত্য়া-মং॑ত্রযত । তস্মৈ॑ সপ্ত॒মগ্ম্ হূ॒তঃ প্রত্য়॑শৃণোত্ । স স॒প্তহূ॑তোঽভবত্ । স॒প্তহূ॑তো হ॒বৈ নামৈ॒ষঃ । তং-বাঁ এ॒তগ্ম্ স॒প্তহূ॑ত॒গ্ম্॒ সংত᳚ম্ । স॒প্তহো॒তেত্য়া চ॑ক্ষতে প॒রোক্ষে॑ণ । প॒রোক্ষ॑প্রিয়া ইব॒ হি দে॒বাঃ ॥ 2
আত্ম॒ন্না-ত্ম॒ন্নিত্য়া-মং॑ত্রযত । তস্মৈ॑ ষ॒ষ্ঠগ্ম্ হূ॒তঃ প্রত্য়॑শৃণোত্ । স ষড্ঢূ॑তোঽভবত্ । ষড্ঢূ॑তো হ॒বৈ নামৈ॒ষঃ । তং-বাঁ এ॒তগ্ম্ ষড্ঢূ॑ত॒গ্ম্॒ সংত᳚ম্ । ষড্ঢো॒তেত্য়া চ॑ক্ষতে প॒রোক্ষে॑ণ । প॒রোক্ষ॑প্রিয়া ইব॒ হি দে॒বাঃ ॥ 3
আত্ম॒ন্না-ত্ম॒ন্নিত্য়া-মং॑ত্রযত । তস্মৈ॑ পংচ॒মগ্ম্ হূ॒তঃ প্রত্য়॑শৃণোত্ । স পংচ॑হূতোঽভবত্ । পংচ॑হূতো হ॒বৈ নামৈ॒ষঃ । তং-বাঁ এ॒তং পংচ॑হূত॒গ্ম্॒ সংত᳚ম্ । পংচ॑হো॒তেত্য়া চ॑ক্ষতে প॒রোক্ষে॑ণ । প॒রোক্ষ॑প্রিয়া ইব॒ হি দে॒বাঃ ॥ 4
আত্ম॒ন্না-ত্ম॒ন্নিত্য়া-মং॑ত্রযত । তস্মৈ॑ চতু॒র্থগ্ম্ হূ॒তঃ প্রত্য়॑শৃণোত্ । স চতু॑র্হূতোঽভবত্ । চতু॑র্হূতো হ॒বৈ নামৈ॒ষঃ । তং-বাঁ এ॒তং চতু॑র্হূত॒গ্ম্॒ সংত᳚ম্ । চতু॑র্হো॒তেত্য়া চ॑ক্ষতে প॒রোক্ষে॑ণ । প॒রোক্ষ॑প্রিয়া ইব॒ হি দে॒বাঃ ॥ 5
তম॑ব্রবীত্ । ত্বং-বৈঁ মে॒ নেদি॑ষ্ঠগ্ম্ হূ॒তঃ প্রত্য়॑শ্রৌষীঃ । ত্বয়ৈ॑ নানাখ্য়া॒তার॒ ইতি॑ । তস্মা॒ন্নুহৈ॑না॒গ্গ্॒-শ্চ॑তু র্হোতার॒ ইত্য়াচ॑ক্ষতে । তস্মা᳚চ্ছুশ্রূ॒ষুঃ পু॒ত্রাণা॒গ্ম্॒ হৃদ্য়॑তমঃ । নেদি॑ষ্ঠো॒ হৃদ্য়॑তমঃ । নেদি॑ষ্ঠো॒ ব্রহ্ম॑ণো ভবতি । য এ॒বং-বেঁদ॑ ॥ 6 (আত্মনে॒ নমঃ॑)
ওং তত্পুরু॑ষায় বি॒দ্মহে॑ মহাদে॒বায়॑ ধীমহি । তন্নো॑ রুদ্রঃ প্রচো॒দয়া᳚ত্ ॥ ওং কা॒ত্য়া॒য়॒নায়॑ বি॒দ্মহে॑ কন্যকু॒মারি॑ ধীমহি । তন্নো॑ দুর্গিঃ প্রচো॒দয়া᳚ত্ ॥
যো॑ঽপাং পুষ্পং॒-বেঁদ॑ । পুষ্প॑বান্ প্র॒জাবা᳚ন্ পশু॒মান্ ভ॑বতি । চং॒দ্রমা॒ বা অ॒পাং পুষ্প᳚ম্ । পুষ্প॑বান্ প্র॒জাবা᳚ন্ পশু॒মান্ ভ॑বতি ।
ওং᳚ তদ্ব্র॒হ্ম । ওং᳚ তদ্বা॒য়ুঃ । ওং᳚ তদা॒ত্মা । ওং᳚ তথ্স॒ত্যম্ । ওং᳚ তথ্সর্ব᳚ম্ । ওং᳚ তত্পুরো॒র্নমঃ ।
অংতশ্চরতি॑ ভূতে॒ষু॒ গুহায়াং-বিঁ॑শ্বমূ॒র্তিষু । ত্বং-য়ঁজ্ঞস্ত্বং-বঁষট্কার স্ত্বমিংদ্রস্ত্বগ্ম্ রুদ্রস্ত্বং-বিঁষ্ণুস্ত্বং ব্রহ্মত্বং॑ প্রজা॒পতিঃ । ত্বং ত॑দাপ॒ আপো॒ জ্য়োতী॒রসো॒ঽমৃতং॒ ব্রহ্ম॒ ভূর্ভুব॒স্সুব॒রোম্ ।
চতুর্বেদ পারাযণং ওং শ্রী ভবানীশংকর স্বামিনে নমঃ ॥ ঋগ্বেদপ্রিয়ঃ ॥ ঋগ্বেদমবধারয় ॥ হ॒রিঃ॒ ওম্ ॥ অ॒গ্নিমী᳚লে পু॒রোহি॑তং-য়ঁ॒জ্ঞস্য়॑ দে॒বমৃ॒ত্বিজ᳚ম্ । হোতা᳚রং রত্ন॒ ধাত॑মম্ । হরিঃ॑ ওম্ ॥
ওং শ্রী ভবানীশংকর স্বামিনে নমঃ ॥ যজুর্বেদপ্রিয়ঃ ॥ যজুর্বেদমবধারয় ॥ হ॒রিঃ॒ ওম্ ॥ ই॒ষে ত্বো॒র্জে ত্বা॑ বা॒যবঃ॑ স্থোপা॒যবঃ॑ স্থ দে॒বো বঃ॑ সবি॒তা প্রার্প॑যতু॒ শ্রেষ্ঠ॑তমায়॒ কর্ম॑ণ॒ আ প্য়া॑যদ্ধ্বমঘ্নিয়া দেবভা॒গ-মূর্জ॑স্বতীঃ॒ পয়॑স্বতীঃ প্র॒জাব॑তী-রনমী॒বা অ॑য়॒ক্ষ্মা মা বঃ॑ স্তে॒ন ঈ॑শত॒ মাঽঘশগ্ম্॑সো রু॒দ্রস্য়॑ হে॒তিঃ পরি॑ বো বৃণক্তু ধ্রু॒বা অ॒স্মিন্ গোপ॑তৌ স্য়াত ব॒হ্বী-র্যজ॑মানস্য় প॒শূন্ পা॑হি ॥ হরিঃ॑ ওম্ ॥
ওং শ্রী ভবানীশংকর স্বামিনে নমঃ ॥ সামবেদপ্রিয়ঃ ॥ সামবেদমবধারয় ॥ হ॒রিঃ॒ ওম্ ॥ অগ্ন॒ আয়া᳚হি বী॒তয়ে᳚ গৃণা॒নো হ॒ব্য় দা᳚তয়ে । নিহোতা᳚ সথ্সি ব॒র্হিষি॑ । হরিঃ॑ ওম্ ॥
ওং শ্রী ভবানীশংকর স্বামিনে নমঃ ॥ অথর্ববেদপ্রিয়ঃ ॥ অথর্ববেদমবধারয় ॥ হ॒রিঃ॒ ওম্ ॥ শন্নো॑ দে॒বীর॒ভিষ্ট॑য়॒ আপো॑ ভবংতু পী॒তয়ে᳚ । শংয়োঁর॒ভিস্র॑বংতু নঃ ॥ হরিঃ॑ ওম্ ॥
ওং শ্রী ভবানীশংকর স্বামিনে নমঃ ॥ উপনিষদ্প্রিয়ঃ ॥ উপনিষদবধারয় ॥ হ॒রিঃ॒ ওম্ ॥ অ॒হমন্ন-ম॒হমন্ন-ম॒হমন্নম্ । অ॒হমন্না॒দো(3)ঽ॒হমন্না॒দো(3)ঽ॒হমন্না॒দঃ । অ॒হগ্গ্ শ্লোক॒কৃদ॒হগ্গ্ শ্লোক॒কৃদ॒হগ্গ্ শ্লোক॒কৃত্ । অ॒হমস্মি প্রথমজা ঋতা(3) স্য়॒ । পূর্বং দেবেভ্য়ো অমৃতস্য় না(3) ভা॒য়ি॒ । যো মা দদাতি স ইদেব মা(3) বাঃ॒ । অ॒হমন্ন॒-মন্ন॑-ম॒দংত॒মা(3) দ্মি॒ । অহং॒-বিঁশ্বং॒ ভুব॑ন॒-মভ্য়॑ভ॒বাম্ । সুব॒র্ন জ্য়োতীঃ᳚ । য এ॒বং-বেঁদ॑ । ইত্য়ু॑প॒নিষ॑ত্ ॥
আবাহিতাভ্য়ঃ সর্বাভ্য়ো দেবতাভ্য়ো নমঃ । পাদারবিংদয়োঃ দিব্য় সুবর্ণ মংত্র পুষ্পাংজলিং সমর্পয়ামি ।
প্রদক্ষিণং ঈশানঃ সর্ব॑বিদ্য়া॒না॒মীশ্বরঃ সর্ব॑ভূতা॒নাং॒ ব্রহ্মাধি॑পতি॒র্ব্রহ্ম॒ণোঽধি॑পতি॒র্ব্রহ্মা॑ শি॒বো মে॑ অস্তু সদাশি॒বোম্ ॥
পদে পদে সর্বতমো নিকৃংতনং পদে পদে সর্ব শুভপ্রদাযকম্ । প্রদক্ষিণং ভক্তিয়ুতেন চেতসা করোমি মৃত্য়ুংজয় রক্ষ রক্ষ মাম্ ॥ ওং শ্রী উমামহেশ্বর স্বামিনে নমঃ আত্মপ্রদক্ষিণ নমস্কারান্ সমর্পয়ামি ।
প্রার্থনা নমো হিরণ্যবাহবে হিরণ্যবর্ণায় হিরণ্যরূপায় হিরণ্যপতয়েঽংবিকাপতয় উমাপতয়ে পশুপতয়ে॑ নমো॒ নমঃ ॥
অথ তর্পণং ভবং দেবং তর্পয়ামি – ভবস্য় দেবস্য় পত্নীং তর্পয়ামি । শর্বং দেবং তর্পয়ামি – শর্বস্য় দেবস্য় পত্নীং তর্পয়ামি । ঈশানং দেবং তর্পয়ামি – ঈশানস্য় দেবস্য় পত্নীং তর্পয়ামি । পশুপতিং দেবং তর্পয়ামি – পশুপতের্দেবস্য় পত্নীং তর্পয়ামি । রুদ্রং দেবং তর্পয়ামি – রুদ্রস্য় দেবস্য় পত্নীং তর্পয়ামি । উগ্রং দেবং তর্পয়ামি – উগ্রস্য় দেবস্য় পত্নীং তর্পয়ামি । ভীমং দেবং তর্পয়ামি – ভীমস্য় দেবস্য় পত্নীং তর্পয়ামি । মহাংতং দেবং তর্পয়ামি – মহতো দেবস্য় পত্নীং তর্পয়ামি ।
ইতি তর্পয়িত্বা অঘোরাদিভিস্ত্রিভির্মংত্রৈঃ ঘোর তনূরুপতিষ্ঠতে ।
ওং অ॒ঘোরে᳚ভ্য়োঽথ॒ ঘোরে᳚ভ্য়ো॒ ঘোর॒ঘোর॑তরেভ্য়ঃ । সর্বে᳚ভ্য়ঃ সর্ব॒শর্বে᳚ভ্য়ো॒ নম॑স্তে অস্তু রু॒দ্ররূ॑পেভ্য়ঃ ॥ ওং তত্পুরু॑ষায় বি॒দ্মহে॑ মহাদে॒বায়॑ ধীমহি । তন্নো॑ রুদ্রঃ প্রচো॒দয়া᳚ত্ ॥ ঈশানস্স॑র্ববিদ্য়া॒না॒মীশ্বরস্সর্ব॑ভূতা॒নাং॒ ব্রহ্মাঽধি॑পতি॒র্ব্রহ্ম॒ণোঽধি॑পতি॒র্ব্রহ্মা॑ শি॒বো মে॑ অস্তু সদাশি॒বোম্ ॥
ইতি ধ্য়াত্বা রুদ্রগাযত্রীং-য়ঁথা শক্তি জপেত্ ।
ওং তত্পুরু॑ষায় বি॒দ্মহে॑ মহাদে॒বায়॑ ধীমহি । তন্নো॑ রুদ্রঃ প্রচো॒দয়া᳚ত্ ॥
ইতি জপিত্বা অথৈনমাশিষমাশাস্তে ।
(তৈ.ব্রা.3-5-10-4) আশা᳚স্তে॒ঽয়ং-য়ঁজ॑মানো॒ঽসৌ । আয়ু॒রাশা᳚স্তে । সু॒প্র॒জা॒স্ত্বমাশা᳚স্তে । স॒জা॒ত॒ব॒ন॒স্য়ামাশা᳚স্তে । উত্ত॑রাং দেবয়॒জ্য়ামাশা᳚স্তে । ভূয়ো॑ হবি॒ষ্কর॑ণ॒মাশা᳚স্তে । দি॒ব্য়ং ধামাশা᳚স্তে । বিশ্বং॑ প্রি॒যমাশা᳚স্তে । যদ॒নেন॑ হ॒বিষাঽঽশা᳚স্তে । তদ॑স্য়া॒ত্ত॒দৃ॑ধ্য়াত্ । তদ॑স্মৈ দে॒বা রা॑সংতাম্ । তদ॒গ্নির্দে॒বো দে॒বেভ্য়ো॒ বন॑তে । ব॒যম॒গ্নের্মানু॑ষাঃ । ই॒ষ্টং চ॑ বী॒তং চ॑ । উ॒ভে চ॑ নো॒ দ্য়াবা॑পৃথি॒বী অগ্ম্হ॑সঃ স্পাতাম্ । ই॒হ গতি॑র্বা॒মস্য়ে॒দং চ॑ । নমো॑ দে॒বেভ্য়ঃ॑ ॥
উপচারপূজাঃ পুনঃ পূজাং করিষ্য়ে । ছত্রমাচ্ছাদয়ামি । চামরৈর্বীজয়ামি । নৃত্য়ং দর্শয়ামি । গীতং শ্রাবয়ামি । আংদোলিকানারোহয়ামি । অশ্বানারোহয়ামি । গজানারোহয়ামি । সমস্ত রাজোপচার দেবোপচার ভক্ত্য়ুপচার শক্ত্য়ুপচার মংত্রোপচার পূজাস্সমর্পয়ামি ॥
লিংগাষ্টকম্ ॥ বিল্বাষ্টকম্ ॥
ক্ষমাপ্রার্থন করচরণকৃতং-বাঁক্কাযজং কর্মজং-বাঁ শ্রবণনযনজং-বাঁ মানসং-বাঁঽপরাধম্ । বিহিতমবিহিতং-বাঁ সর্বমেতত্ক্ষ্মস্ব শিব শিব করুণাব্ধে শ্রীমহাদেব শংভো ॥ 18॥
যস্য় স্মৃত্য়া চ নামোক্ত্য়া তপঃ পূজা ক্রিয়াদিষু । ন্য়ূনং সংপূর্ণতাং-য়াঁতি সদ্য়োবংদে মহেশ্বরম্ ॥ মংত্রহীনং ক্রিয়াহীনং ভক্তিহীনং মহেশ্বর । যত্পূজিতং ময়া দেব পরিপূর্ণং তদস্তু তে ॥
অনয়া সদ্য়োজাত বিধিনা ধ্য়ানাবাহনাদি ষোডশোপচার পূজয়া ভগবান্ সর্বাত্মকঃ শ্রী উমামহেশ্বরস্বামী সুপ্রীতঃ সুপ্রসন্নো বরদো ভবতু । এতত্ফলং শ্রী পরমেশ্বরার্পণমস্তু ॥ উত্তরতশ্চংডীশ্বরায় নমঃ নির্মাল্য়ং-বিঁসৃজ্য় ॥
তীর্থং অকালমৃত্য়ুহরণং সর্বব্য়াধি নিবারণম্ । সমস্তপাপক্ষযকরং শিবপাদোদকং পাবনং শুভম্ ॥ ইতি ত্রিবারং পীত্বা শিব নির্মাল্য় রূপ বিল্বদলং-বাঁ দক্ষিণে কর্ণে ধারয়েত্ ।
ওং শাংতিঃ শাংতিঃ শাংতিঃ ॥
Browse Related Categories: