Vedic · Traditional devotional text · Source: vignanam.org (Traditional devotional text (public-domain shlokas))
(തൈ. ബ്രാ. 2.8.8.6)
ശ്ര॒ദ്ധയാ॒ഽഗ്നിഃ സമി॑ധ്യതേ । ശ്ര॒ദ്ധയാ॑ വിംദതേ ഹ॒വിഃ । ശ്ര॒ദ്ധാം ഭഗ॑സ്യ മൂ॒ര്ധനി॑ । വച॒സാഽഽവേ॑ദയാമസി । പ്രി॒യഗ്ഗ് ശ്ര॑ദ്ധേ॒ ദദ॑തഃ । പ്രി॒യഗ്ഗ് ശ്ര॑ദ്ധേ॒ ദിദാ॑സതഃ । പ്രി॒യം ഭോ॒ജേഷു॒ യജ്വ॑സു ॥
ഇ॒ദം മ॑ ഉദി॒തം കൃ॑ധി । യഥാ॑ ദേ॒വാ അസു॑രേഷു । ശ്ര॒ദ്ധാമു॒ഗ്രേഷു॑ ചക്രി॒രേ । ഏ॒വം ഭോ॒ജേഷു॒ യജ്വ॑സു । അ॒സ്മാക॑മുദി॒തം കൃ॑ധി । ശ്ര॒ദ്ധാം ദേ॑വാ॒ യജ॑മാനാഃ । വാ॒യുഗോ॑പാ॒ ഉപാ॑സതേ । ശ്ര॒ദ്ധാഗ്മ് ഹൃ॑ദ॒യ്യ॑യാഽഽകൂ᳚ത്യാ । ശ്ര॒ദ്ധയാ॑ ഹൂയതേ ഹ॒വിഃ । ശ്ര॒ദ്ധാം പ്രാ॒തര്ഹ॑വാമഹേ ॥
ശ്ര॒ദ്ധാം മ॒ധ്യംദി॑നം॒ പരി॑ । ശ്ര॒ദ്ധാഗ്മ് സൂര്യ॑സ്യ നി॒മൃചി॑ । ശ്രദ്ധേ॒ ശ്രദ്ധാ॑പയേ॒ഹ മാ᳚ । ശ്ര॒ദ്ധാ ദേ॒വാനധി॑വസ്തേ । ശ്ര॒ദ്ധാ വിശ്വ॑മി॒ദം ജഗ॑ത് । ശ്ര॒ദ്ധാം കാമ॑സ്യ മാ॒തരമ്᳚ । ഹ॒വിഷാ॑ വര്ധയാമസി ।
Browse Related Categories:
Offered for worship and study, not as prediction. Non-commercial.