Devi · Traditional devotional text · Source: vignanam.org (Traditional devotional text (public-domain shlokas))
brahmōvācha śṛṇu vatsa pravakṣyāmi ādyāstōtraṃ mahāphalam । yaḥ paṭhēt satataṃ bhaktyā sa ēva viṣṇuvallabhaḥ ॥ 1 ॥
mṛtyurvyādhibhayaṃ tasya nāsti kiñchit kalau yugē । aputrā labhatē putraṃ tripakṣaṃ śravaṇaṃ yadi ॥ 2 ॥
dvau māsau bandhanānmukti vipravaktrāt śrutaṃ yadi । mṛtavatsā jīvavatsā ṣaṇmāsaṃ śravaṇaṃ yadi ॥ 3 ॥
naukāyāṃ saṅkaṭē yuddhē paṭhanājjayamāpnuyāt । likhitvā sthāpayēdgēhē nāgnichaurabhayaṃ kvachit ॥ 4 ॥
rājasthānē jayī nityaṃ prasannāḥ sarvadēvatā । ōṃ hrīm । brahmāṇī brahmalōkē cha vaikuṇṭhē sarvamaṅgaḻā ॥ 5 ॥
indrāṇī amarāvatyāmambikā varuṇālayē । yamālayē kālarūpā kubērabhavanē śubhā ॥ 6 ॥
mahānandāgnikōṇē cha vāyavyāṃ mṛgavāhinī । nairṛtyāṃ raktadantā cha aiśānyāṃ śūladhāriṇī ॥ 7 ॥
pātāḻē vaiṣṇavīrūpā siṃhalē dēvamōhinī । surasā cha maṇidvipē laṅkāyāṃ bhadrakāḻikā ॥ 8 ॥
Offered for worship and study, not as prediction. Non-commercial.
rāmēśvarī sētubandhē vimalā puruṣōttamē । virajā auḍradēśē cha kāmākṣyā nīlaparvatē ॥ 9 ॥
kāḻikā vaṅgadēśē cha ayōdhyāyāṃ mahēśvarī । vārāṇasyāmannapūrṇā gayākṣētrē gayēśvarī ॥ 10 ॥
kurukṣētrē bhadrakāḻī vrajē kātyāyanī parā । dvārakāyāṃ mahāmāyā mathurāyāṃ mahēśvarī ॥ 11 ॥
kṣudhā tvaṃ sarvabhūtānāṃ vēlā tvaṃ sāgarasya cha । navamī śuklapakṣasya kṛṣṇasyaikādaśī parā ॥ 12 ॥
dakṣasā duhitā dēvī dakṣayajñavināśinī । rāmasya jānakī tvaṃ hi rāvaṇadhvaṃsakāriṇī ॥ 13 ॥
chaṇḍamuṇḍavadhē dēvī raktabījavināśinī । niśumbhaśumbhamathinī madhukaiṭabhaghātinī ॥ 14 ॥
viṣṇubhaktipradā durgā sukhadā mōkṣadā sadā । ādyāstavamimaṃ puṇyaṃ yaḥ paṭhēt satataṃ naraḥ ॥ 15 ॥
sarvajvarabhayaṃ na syāt sarvavyādhivināśanam । kōṭitīrthaphalaṃ tasya labhatē nātra saṃśayaḥ ॥ 16 ॥
jayā mē chāgrataḥ pātu vijayā pātu pṛṣṭhataḥ । nārāyaṇī śīrṣadēśē sarvāṅgē siṃhavāhinī ॥ 17 ॥
śivadūtī ugrachaṇḍā pratyaṅgē paramēśvarī । viśālākṣī mahāmāyā kaumārī śaṅkhinī śivā ॥ 18 ॥
chakriṇī jayadātrī cha raṇamattā raṇapriyā । durgā jayantī kāḻī cha bhadrakāḻī mahōdarī ॥ 19 ॥
nārasiṃhī cha vārāhī siddhidātrī sukhapradā । bhayaṅkarī mahāraudrī mahābhayavināśinī ॥ 20 ॥
iti śrībrahmayāmalē brahmanāradasaṃvādē śrī ādyā stōtram ॥
Browse Related Categories: