ತ್ರಿಪುರ ಸುಂದರೀ ಅಷ್ಟಕಂ (ಸ್ತೋತ್ರಂ)

കദംബവനചാരിണീം മുനികദംബകാദംബിനീം നിതംബജിതഭൂധരാം സുരനിതംബിനീസേവിതാമ് । നവാംബുരുഹലോചനാമഭിനവാംബുദശ്യാമലാം ത്രിലോചനകുടുംബിനീം ത്രിപുരസുംദരീമാശ്രയേ ॥ 1 ॥

കദംബവനവാസിനീം കനകവല്ലകീധാരിണീം മഹാര്ഹമണിഹാരിണീം മുഖസമുല്ലസദ്വാരുണീമ് । ദയാവിഭവകാരിണീം വിശദരോചനാചാരിണീം ത്രിലോചനകുടുംബിനീം ത്രിപുരസുംദരീമാശ്രയേ ॥ 2 ॥

കദംബവനശാലയാ കുചഭരോല്ലസന്മാലയാ കുചോപമിതശൈലയാ ഗുരുകൃപാലസദ്വേലയാ । മദാരുണകപോലയാ മധുരഗീതവാചാലയാ കയാപി ഘനനീലയാ കവചിതാ വയം ലീലയാ ॥ 3 ॥

കദംബവനമധ്യഗാം കനകമംഡലോപസ്ഥിതാം ഷഡംബുരുഹവാസിനീം സതതസിദ്ധസൌദാമിനീമ് । വിഡംബിതജപാരുചിം വികചചംദ്രചൂഡാമണിം ത്രിലോചനകുടുംബിനീം ത്രിപുരസുംദരീമാശ്രയേ ॥ 4 ॥

കുചാംചിതവിപംചികാം കുടിലകുംതലാലംകൃതാം കുശേശയനിവാസിനീം കുടിലചിത്തവിദ്വേഷിണീമ് । മദാരുണവിലോചനാം മനസിജാരിസമ്മോഹിനീം മതംഗമുനികന്യകാം മധുരഭാഷിണീമാശ്രയേ ॥ 5 ॥

സ്മരേത്പ്രഥമപുഷ്പിണീം രുധിരബിംദുനീലാംബരാം ഗൃഹീതമധുപാത്രികാം മദവിഘൂര്ണനേത്രാംചലാമ് । ഘനസ്തനഭരോന്നതാം ഗലിതചൂലികാം ശ്യാമലാം ത്രിലോചനകുടുംബിനീം ത്രിപുരസുംദരീമാശ്രയേ ॥ 6 ॥

സകുംകുമവിലേപനാമലകചുംബികസ്തൂരികാം സമംദഹസിതേക്ഷണാം സശരചാപപാശാംകുശാമ് । അശേഷജനമോഹിനീമരുണമാല്യഭൂഷാംബരാം ജപാകുസുമഭാസുരാം ജപവിധൌ സ്മരാമ്യംബികാമ് ॥ 7 ॥

പുരംദരപുരംധ്രികാചികുരബംധസൈരംധ്രികാം പിതാമഹപതിവ്രതാപടുപടീരചര്ചാരതാമ് । മുകുംദരമണീമണീലസദലംക്രിയാകാരിണീം ഭജാമി ഭുവനാംബികാം സുരവധൂടികാചേടികാമ് ॥ 8 ॥