க³ணேஶ பு⁴ஜங்க³ம்

ரணத்க்ஷுத்³ரக⁴ண்டானினாதா³பி⁴ராமம் சலத்தாண்ட³வோத்³த³ண்ட³வத்பத்³மதாலம் । லஸத்துந்தி³லாங்கோ³பரிவ்யாலஹாரம் க³ணாதீ⁴ஶமீஶானஸூனும் தமீடே³ ॥ 1 ॥

த்⁴வனித்⁴வம்ஸவீணாலயோல்லாஸிவக்த்ரம் ஸ்பு²ரச்சு²ண்ட³த³ண்டோ³ல்லஸத்³பீ³ஜபூரம் । க³லத்³த³ர்பஸௌக³ந்த்⁴யலோலாலிமாலம் க³ணாதீ⁴ஶமீஶானஸூனும் தமீடே³ ॥ 2 ॥

ப்ரகாஶஜ்ஜபாரக்தரத்னப்ரஸூன- ப்ரவாலப்ரபா⁴தாருணஜ்யோதிரேகம் । ப்ரலம்போ³த³ரம் வக்ரதுண்டை³கத³ந்தம் க³ணாதீ⁴ஶமீஶானஸூனும் தமீடே³ ॥ 3 ॥

விசித்ரஸ்பு²ரத்³ரத்னமாலாகிரீடம் கிரீடோல்லஸச்சந்த்³ரரேகா²விபூ⁴ஷம் । விபூ⁴ஷைகபூ⁴ஷம் ப⁴வத்⁴வம்ஸஹேதும் க³ணாதீ⁴ஶமீஶானஸூனும் தமீடே³ ॥ 4 ॥

உத³ஞ்சத்³பு⁴ஜாவல்லரீத்³ருஶ்யமூலோ- ச்சலத்³ப்⁴ரூலதாவிப்⁴ரமப்⁴ராஜத³க்ஷம் । மருத்ஸுந்த³ரீசாமரை: ஸேவ்யமானம் க³ணாதீ⁴ஶமீஶானஸூனும் தமீடே³ ॥ 5 ॥

ஸ்பு²ரன்னிஷ்டு²ராலோலபிங்கா³க்ஷிதாரம் க்ருபாகோமலோதா³ரலீலாவதாரம் । கலாபி³ந்து³க³ம் கீ³யதே யோகி³வர்யை- ர்க³ணாதீ⁴ஶமீஶானஸூனும் தமீடே³ ॥ 6 ॥

யமேகாக்ஷரம் நிர்மலம் நிர்விகல்பம் கு³ணாதீதமானந்த³மாகாரஶூன்யம் । பரம் பாரமோங்காரமாம்னாயக³ர்ப⁴ம் வத³ந்தி ப்ரக³ல்ப⁴ம் புராணம் தமீடே³ ॥ 7 ॥

சிதா³னந்த³ஸாந்த்³ராய ஶாந்தாய துப்⁴யம் நமோ விஶ்வகர்த்ரே ச ஹர்த்ரே ச துப்⁴யம் । நமோனந்தலீலாய கைவல்யபா⁴ஸே நமோ விஶ்வபீ³ஜ ப்ரஸீதே³ஶஸூனோ ॥ 8 ॥