கீ³தகோ³விந்த³ம் ஏகாத³ஶ: ஸர்க:³ - ஸானந்த³ தா³மோத³ர:

॥ கீ³தம் 2௦ ॥

விரசிதசாடுவசனரசனம் சரணே ரசிதப்ரணிபாதம் । ஸம்ப்ரதி மஞ்ஜுலவஞ்ஜுலஸீமனி கேலிஶயனமனுயாதம் ॥ முக்³தே⁴ மது⁴மத²னமனுக³தமனுஸர ராதி⁴கே ॥ 1 ॥

க⁴னஜக⁴னஸ்தனபா⁴ரப⁴ரே த³ரமந்த²ரசரணவிஹாரம் । முக²ரிதமணீமஞ்ஜீரமுபைஹி விதே⁴ஹி மராலவிகாரம் ॥ 2 ॥

ஶ்ருணு ரமணீயதரம் தருணீஜனமோஹனமது⁴பவிராவம் । குஸுமஶராஸனஶாஸனப³ந்தி³னி பிகனிகரே பஜ⁴ பா⁴வம் ॥ 3 ॥

அனிலதரலகிஸலயனிகரேண கரேண லதானிகுரம்ப³ம் । ப்ரேரணமிவ கரபோ⁴ரு கரோதி க³திம் ப்ரதிமுஞ்ச விலம்ப³ம் ॥ 4 ॥

ஸ்பு²ரிதமனங்க³தரங்க³வஶாதி³வ ஸூசிதஹரிபரிரம்ப⁴ம் । ப்ருச்ச² மனோஹரஹாரவிமலஜலதா⁴ரமமும் குசகும்ப⁴ம் ॥ 5 ॥

அதி⁴க³தமகி²லஸகீ²பி⁴ரித³ம் தவ வபுரபி ரதிரணஸஜ்ஜம் । சண்டி³ ரஸிதரஶனாரவடி³ண்டி³மமபி⁴ஸர ஸரஸமலஜ்ஜம் ॥ 6 ॥

ஸ்மரஶரஸுப⁴க³னகே²ன கரேண ஸகீ²மவலம்ப்³ய ஸலீலம் । சல வலயக்வணீதைரவபோ³த⁴ய ஹரமபி நிஜக³திஶீலம் ॥ 7 ॥

ஶ்ரீஜயதே³வப⁴ணிதமத⁴ரீக்ருதஹாரமுதா³ஸிதவாமம் । ஹரிவினிஹிதமனஸாமதி⁴திஷ்ட²து கண்ட²தடீமவிராமம் ॥ 8 ॥

ஸா மாம் த்³ரக்ஷ்யதி வக்ஷ்யதி ஸ்மரகதா²ம் ப்ரத்யங்க³மாலிங்க³னை: ப்ரீதிம் யாஸ்யதி ரம்யதே ஸகி² ஸமாக³த்யேதி சிந்தாகுல: । ஸ த்வாம் பஶ்யதி வேபதே புலகயத்யானந்த³தி ஸ்வித்³யதி ப்ரத்யுத்³க³ச்ச²தி மூர்ச்ச²தி ஸ்தி²ரதம:புஞ்ஜே நிகுஞ்ஜே ப்ரிய: ॥ 6௦ ॥

அக்ஷ்ணோர்னிக்ஷிபத³ஞ்ஜனம் ஶ்ரவணயோஸ்தாபிச்ச²கு³ச்சா²வலீம் மூர்த்⁴னி ஶ்யாமஸரோஜதா³ம குசயோ: கஸ்தூரிகாபாத்ரகம் । தூ⁴ர்தானாமபி⁴ஸாரஸத்வரஹ்ருதா³ம் விஷ்வங்னிகுஞ்ஜே ஸகி² த்⁴வாந்தம் நீலனிசோலசாரு ஸத்³ருஶாம் ப்ரத்யங்க³மாலிங்க³தி ॥ 61 ॥

காஶ்மீரகௌ³ரவபுஷாமபி⁴ஸாரிகாணாம் ஆப³த்³த⁴ரேக²மபி⁴தோ ருசிமஞ்ஜரீபி⁴: । ஏதத்தமாலத³லனீலதமம் தமிஶ்ரம் தத்ப்ரேமஹேமனிகஷோபலதாம் தனோதி ॥ 62 ॥

ஹாராவலீதரலகாஞ்சனகாஞ்சிதா³ம-கேயூரகங்கணமணித்³யுதிதீ³பிதஸ்ய । த்³வாரே நிகுஞ்ஜனிலயஸ்யஹரிம் நிரீக்ஷ்ய வ்ரீடா³வதீமத² ஸகீ² நிஜகா³ஹ ராதா⁴ம் ॥ 63 ॥

॥ கீ³தம் 21 ॥

மஞ்ஜுதரகுஞ்ஜதலகேலிஸத³னே । விலஸ ரதிரப⁴ஸஹஸிதவத³னே ॥ ப்ரவிஶ ராதே⁴ மாத⁴வஸமீபமிஹ ॥ 1 ॥

நவப⁴வத³ஶோகத³லஶயனஸாரே । விலஸ குசகலஶதரலஹாரே ॥ 2 ॥

குஸுமசயரசிதஶுசிவாஸகே³ஹே । விலஸ குஸுமஸுகுமாரதே³ஹே ॥ 3 ॥

சலமலயவனபவனஸுரபி⁴ஶீதே । விலஸ ரஸவலிதலலிதகீ³தே ॥ 4 ॥

மது⁴முதி³தமது⁴பகுலகலிதராவே । விலஸ மத³னரஸஸரஸபா⁴வே ॥ 5 ॥

மது⁴தரலபிகனிகரனினத³முக²ரே । விலஸ த³ஶனருசிருசிரஶிக²ரே ॥ 6 ॥

விதத ப³ஹுவல்லினவபல்லவக⁴னே । விலஸ சிரமலஸபீனஜக⁴னே ॥ 7 ॥

விஹிதபத்³மாவதீஸுக²ஸமாஜே । ப⁴ணதி ஜயதே³வகவிராஜே ॥ 8 ॥

த்வாம் சித்தேன சிரம் வஹன்னயமதிஶ்ராந்தோ ப்⁴ருஶம் தாபித: கந்த³ர்பேண து பாதுமிச்ச²தி ஸுதா⁴ஸம்பா³த⁴பி³ம்பா³த⁴ரம் । அஸ்யாங்க³ம் தத³லங்குரு க்ஷணமிஹ ப்⁴ரூக்ஷேபலக்ஷ்மீலவ-க்ரீதே தா³ஸ இவோபஸேவிதபதா³ம்போ⁴ஜே குத: ஸம்ப்⁴ரம: ॥ 64 ॥

ஸா ஸஸாத்⁴வஸஸானந்த³ம் கோ³விந்தே³ லோலலோசனா । ஸிஞ்ஜானமஞ்ஜுமஞ்ஜீரம் ப்ரவிவேஶ நிவேஶனம் ॥ 65 ॥

॥ கீ³தம் 22 ॥

ராதா⁴வத³னவிலோகனவிகஸிதவிவித⁴விகாரவிப⁴ங்க³ம் । ஜலனிதி⁴மிவ விது⁴மண்ட³லத³ர்ஶனதரலிததுங்க³தரங்க³ம் ॥ ஹரிமேகரஸம் சிரமபி⁴லஷிதவிலாஸம் ஸா த³தா³ர்ஶ கு³ருஹர்ஷவஶம்வத³வத³னமனங்க³னிவாஸம் ॥ 1 ॥

ஹாரமமலதரதாரமுரஸி த³த⁴தம் பரிரப்⁴ய விதூ³ரம் । ஸ்பு²டதரபே²னகத³ம்ப³கரம்பி³தமிவ யமுனாஜலபூரம் ॥ 2 ॥

ஶ்யாமலம்ருது³லகலேவரமண்ட³லமதி⁴க³தகௌ³ரது³கூலம் । நீலனலினமிவ பீதபராக³பதலப⁴ரவலயிதமூலம் ॥ 3 ॥

தரலத்³ருக³ஞ்சலசலனமனோஹரவத³னஜனிதரதிராக³ம் । ஸ்பு²டகமலோத³ரகே²லிதக²ஞ்ஜனயுக³மிவ ஶரதி³ தடா³க³ம் ॥ 4 ॥

வத³னகமலபரிஶீலனமிலிதமிஹிரஸமகுண்ட³லஶோப⁴ம் । ஸ்மிதருசிருசிரஸமுல்லஸிதாத⁴ரபல்லவக்ருதரதிலோப⁴ம் ॥ 5 ॥

ஶஶிகிரணச்சு²ரிதோத³ரஜலத⁴ரஸுந்த³ரஸகுஸுமகேஶம் । திமிரோதி³தவிது⁴மண்த³லனிர்மலமலயஜதிலகனிவேஶம் ॥ 6 ॥

விபுலபுலகப⁴ரத³ந்துரிதம் ரதிகேலிகலாபி⁴ரதீ⁴ரம் । மணிக³ணகிரணஸமூஹஸமுஜ்ஜ்வலபூ⁴ஷணஸுப⁴க³ஶரீரம் ॥ 7 ॥

ஶ்ரீஜயதே³வப⁴ணிதவிப⁴வத்³விகு³ணீக்ருதபூ⁴ஷணபா⁴ரம் । ப்ரணமத ஹ்ருதி³ ஸுசிரம் வினிதா⁴ய ஹரிம் ஸுக்ருதோத³யஸாரம் ॥ 8 ॥

அதிக்ரம்யாபாங்க³ம் ஶ்ரவணபத²பர்யந்தக³மன-ப்ரயாஸேனேவாக்ஷ்ணோஸ்தரலதரதாரம் பதிதயோ: । இதா³னீம் ராதா⁴யா: ப்ரியதமஸமாலோகஸமயே பபாத ஸ்வேதா³ம்பு³ப்ரஸர இவ ஹர்ஷாஶ்ருனிகர: ॥ 66 ॥

ப⁴வந்த்யாஸ்தல்பாந்தம் க்ருதகபடகண்டூ³திபிஹித-ஸ்மிதம் யாதே கே³ஹாத்³ப³ஹிரவஹிதாலீபரிஜனே । ப்ரியாஸ்யம் பஶ்யந்த்யா: ஸ்மரஶரஸமாகூலஸுப⁴க³ம் ஸலஜ்ஜா லஜ்ஜாபி வ்யக³மதி³வ தூ³ரம் ம்ருக³த்³ருஶ: ॥ 67 ॥

॥ இதி ஶ்ரீகீ³தகோ³விந்தே³ ராதி⁴காமிலனே ஸானந்த³தா³மோத³ரோ நாமைகாத³ஶ: ஸர்க:³ ॥

Browse Related Categories: