நாராயணீயம் த³ஶக 45 - ஶ்ரீக்ருஷ்ணஸ்ய பா³லலீலா:

அயி ஸப³ல முராரே பாணிஜானுப்ரசாரை: கிமபி ப⁴வனபா⁴கா³ன் பூ⁴ஷயந்தௌ ப⁴வந்தௌ । சலிதசரணகஞ்ஜௌ மஞ்ஜுமஞ்ஜீரஶிஞ்ஜா- ஶ்ரவணகுதுகபா⁴ஜௌ சேரதுஶ்சாருவேகா³த் ॥1॥

ம்ருது³ ம்ருது³ விஹஸந்தாவுன்மிஷத்³த³ந்தவந்தௌ வத³னபதிதகேஶௌ த்³ருஶ்யபாதா³ப்³ஜதே³ஶௌ । பு⁴ஜக³லிதகராந்தவ்யாலக³த்கங்கணாங்கௌ மதிமஹரதமுச்சை: பஶ்யதாம் விஶ்வன்ருணாம் ॥2॥

அனுஸரதி ஜனௌகே⁴ கௌதுகவ்யாகுலாக்ஷே கிமபி க்ருதனினாத³ம் வ்யாஹஸந்தௌ த்³ரவந்தௌ । வலிதவத³னபத்³மம் ப்ருஷ்ட²தோ த³த்தத்³ருஷ்டீ கிமிவ ந வித³தா⁴தே² கௌதுகம் வாஸுதே³வ ॥3॥

த்³ருதக³திஷு பதந்தாவுத்தி²தௌ லிப்தபங்கௌ தி³வி முனிபி⁴ரபங்கை: ஸஸ்மிதம் வந்த்³யமானௌ । த்³ருதமத² ஜனனீப்⁴யாம் ஸானுகம்பம் க்³ருஹீதௌ முஹுரபி பரிரப்³தௌ⁴ த்³ராக்³யுவாம் சும்பி³தௌ ச ॥4॥

ஸ்னுதகுசப⁴ரமங்கே தா⁴ரயந்தீ ப⁴வந்தம் தரலமதி யஶோதா³ ஸ்தன்யதா³ த⁴ன்யத⁴ன்யா । கபடபஶுப மத்⁴யே முக்³த⁴ஹாஸாங்குரம் தே த³ஶனமுகுலஹ்ருத்³யம் வீக்ஷ்ய வக்த்ரம் ஜஹர்ஷ ॥5॥

தத³னுசரணசாரீ தா³ரகைஸ்ஸாகமாரா- ந்னிலயததிஷு கே²லன் பா³லசாபல்யஶாலீ । ப⁴வனஶுகவிடா³லான் வத்ஸகாம்ஶ்சானுதா⁴வன் கத²மபி க்ருதஹாஸைர்கோ³பகைர்வாரிதோபூ⁴: ॥6॥

ஹலத⁴ரஸஹிதஸ்த்வம் யத்ர யத்ரோபயாதோ விவஶபதிதனேத்ராஸ்தத்ர தத்ரைவ கோ³ப்ய: । விக³லிதக்³ருஹக்ருத்யா விஸ்ம்ருதாபத்யப்⁴ருத்யா முரஹர முஹுரத்யந்தாகுலா நித்யமாஸன் ॥7॥

ப்ரதினவனவனீதம் கோ³பிகாத³த்தமிச்ச²ன் கலபத³முபகா³யன் கோமலம் க்வாபி ந்ருத்யன் । ஸத³யயுவதிலோகைரர்பிதம் ஸர்பிரஶ்னன் க்வசன நவவிபக்வம் து³க்³த⁴மப்யாபிப³ஸ்த்வம் ॥8॥