நாராயணீயம் த³ஶக 47 - உலூக²லப³ந்த⁴னம்

ஏகதா³ த³தி⁴விமாத²காரிணீம் மாதரம் ஸமுபஸேதி³வான் ப⁴வான் । ஸ்தன்யலோலுபதயா நிவாரயன்னங்கமேத்ய பபிவான் பயோத⁴ரௌ ॥1॥

அர்த⁴பீதகுசகுட்³மலே த்வயி ஸ்னிக்³த⁴ஹாஸமது⁴ரானனாம்பு³ஜே । து³க்³த⁴மீஶ த³ஹனே பரிஸ்ருதம் த⁴ர்துமாஶு ஜனனீ ஜகா³ம தே ॥2॥

ஸாமிபீதரஸப⁴ங்க³ஸங்க³தக்ரோத⁴பா⁴ரபரிபூ⁴தசேதஸா। மந்த²த³ண்ட³முபக்³ருஹ்ய பாடிதம் ஹந்த தே³வ த³தி⁴பா⁴ஜனம் த்வயா ॥3॥

உச்சலத்³த்⁴வனிதமுச்சகைஸ்ததா³ ஸன்னிஶம்ய ஜனனீ ஸமாத்³ருதா । த்வத்³யஶோவிஸரவத்³த³த³ர்ஶ ஸா ஸத்³ய ஏவ த³தி⁴ விஸ்த்ருதம் க்ஷிதௌ ॥4॥

வேத³மார்க³பரிமார்கி³தம் ருஷா த்வமவீக்ஷ்ய பரிமார்க³யந்த்யஸௌ । ஸந்த³த³ர்ஶ ஸுக்ருதின்யுலூக²லே தீ³யமானனவனீதமோதவே ॥5॥

த்வாம் ப்ரக்³ருஹ்ய ப³த பீ⁴திபா⁴வனாபா⁴ஸுரானனஸரோஜமாஶு ஸா । ரோஷரூஷிதமுகீ² ஸகீ²புரோ ப³ந்த⁴னாய ரஶனாமுபாத³தே³ ॥6॥

ப³ந்து⁴மிச்ச²தி யமேவ ஸஜ்ஜனஸ்தம் ப⁴வந்தமயி ப³ந்து⁴மிச்ச²தீ । ஸா நியுஜ்ய ரஶனாகு³ணான் ப³ஹூன் த்³வ்யங்கு³லோனமகி²லம் கிலைக்ஷத ॥7॥

விஸ்மிதோத்ஸ்மிதஸகீ²ஜனேக்ஷிதாம் ஸ்வின்னஸன்னவபுஷம் நிரீக்ஷ்ய தாம் । நித்யமுக்தவபுரப்யஹோ ஹரே ப³ந்த⁴மேவ க்ருபயான்வமன்யதா²: ॥8॥