நாராயணீயம் த³ஶக 74 - ப⁴க³வத: மது²ராபுரீப்ரவேஶம்

தாஸாமாகலயன்னபாங்க³வலனைர்மோத³ம் ப்ரஹர்ஷாத்³பு⁴த- வ்யாலோலேஷு ஜனேஷு தத்ர ரஜகம் கஞ்சித் படீம் ப்ரார்த²யன் । கஸ்தே தா³ஸ்யதி ராஜகீயவஸனம் யாஹீதி தேனோதி³த: ஸத்³யஸ்தஸ்ய கரேண ஶீர்ஷமஹ்ருதா²: ஸோப்யாப புண்யாம் க³திம் ॥3॥

பூ⁴யோ வாயகமேகமாயதமதிம் தோஷேண வேஷோசிதம் தா³ஶ்வாம்ஸம் ஸ்வபத³ம் நினேத² ஸுக்ருதம் கோ வேத³ ஜீவாத்மனாம் । மாலாபி⁴: ஸ்தப³கை: ஸ்தவைரபி புனர்மாலாக்ருதா மானிதோ ப⁴க்திம் தேன வ்ருதாம் தி³தே³ஶித² பராம் லக்ஷ்மீம் ச லக்ஷ்மீபதே ॥4॥

குப்³ஜாமப்³ஜவிலோசனாம் பதி²புனர்த்³ருஷ்ட்வாங்க³ராகே³ தயா த³த்தே ஸாது⁴ கிலாங்க³ராக³மத³தா³ஸ்தஸ்யா மஹாந்தம் ஹ்ருதி³ । சித்தஸ்தா²ம்ருஜுதாமத² ப்ரத²யிதும் கா³த்ரேபி தஸ்யா: ஸ்பு²டம் க்³ருஹ்ணன் மஞ்ஜு கரேண தாமுத³னயஸ்தாவஜ்ஜக³த்ஸுந்த³ரீம் ॥5॥

தாவன்னிஶ்சிதவைப⁴வாஸ்தவ விபோ⁴ நாத்யந்தபாபா ஜனா யத்கிஞ்சித்³த³த³தே ஸ்ம ஶக்த்யனுகு³ணம் தாம்பூ³லமால்யாதி³கம் । க்³ருஹ்ணான: குஸுமாதி³ கிஞ்சன ததா³ மார்கே³ நிப³த்³தா⁴ஞ்ஜலி- ர்னாதிஷ்ட²ம் ப³த ஹா யதோத்³ய விபுலாமார்திம் வ்ரஜாமி ப்ரபோ⁴ ॥6॥

ஏஷ்யாமீதி விமுக்தயாபி ப⁴க³வன்னாலேபதா³த்ர்யா தயா தூ³ராத் காதரயா நிரீக்ஷிதக³திஸ்த்வம் ப்ராவிஶோ கோ³புரம் । ஆகோ⁴ஷானுமிதத்வதா³க³மமஹாஹர்ஷோல்லலத்³தே³வகீ- வக்ஷோஜப்ரக³லத்பயோரஸமிஷாத்த்வத்கீர்திரந்தர்க³தா ॥7॥

ஆவிஷ்டோ நக³ரீம் மஹோத்ஸவவதீம் கோத³ண்ட³ஶாலாம் வ்ரஜன் மாது⁴ர்யேண நு தேஜஸா நு புருஷைர்தூ³ரேண த³த்தாந்தர: । ஸ்ரக்³பி⁴ர்பூ⁴ஷிதமர்சிதம் வரத⁴னுர்மா மேதி வாதா³த் புர: ப்ராக்³ருஹ்ணா: ஸமரோபய: கில ஸமாக்ராக்ஷீரபா⁴ங்க்ஷீரபி ॥8॥

ஶ்வ: கம்ஸக்ஷபணோத்ஸவஸ்ய புரத: ப்ராரம்ப⁴தூர்யோபம- ஶ்சாபத்⁴வம்ஸமஹாத்⁴வனிஸ்தவ விபோ⁴ தே³வானரோமாஞ்சயத் । கம்ஸஸ்யாபி ச வேபது²ஸ்தது³தி³த: கோத³ண்ட³க²ண்ட³த்³வயீ- சண்டா³ப்⁴யாஹதரக்ஷிபூருஷரவைருத்கூலிதோபூ⁴த் த்வயா ॥9॥

ஶிஷ்டைர்து³ஷ்டஜனைஶ்ச த்³ருஷ்டமஹிமா ப்ரீத்யா ச பீ⁴த்யா தத: ஸம்பஶ்யன் புரஸம்பத³ம் ப்ரவிசரன் ஸாயம் க³தோ வாடிகாம் । ஶ்ரீதா³ம்னா ஸஹ ராதி⁴காவிரஹஜம் கே²த³ம் வத³ன் ப்ரஸ்வப- ந்னானந்த³ன்னவதாரகார்யக⁴டனாத்³வாதேஶ ஸம்ரக்ஷ மாம் ॥1௦॥

Browse Related Categories: