தோடகாஷ்டகம்

விதி³தாகி²ல ஶாஸ்த்ர ஸுதா⁴ ஜலதே⁴ மஹிதோபனிஷத்-கதி²தார்த² நிதே⁴ । ஹ்ருத³யே கலயே விமலம் சரணம் ப⁴வ ஶங்கர தே³ஶிக மே ஶரணம் ॥ 1 ॥

கருணா வருணாலய பாலய மாம் ப⁴வஸாக³ர து³:க² விதூ³ன ஹ்ருத³ம் । ரசயாகி²ல த³ர்ஶன தத்த்வவித³ம் ப⁴வ ஶங்கர தே³ஶிக மே ஶரணம் ॥ 2 ॥

ப⁴வதா ஜனதா ஸுஹிதா ப⁴விதா நிஜபோ³த⁴ விசாரண சாருமதே । கலயேஶ்வர ஜீவ விவேக வித³ம் ப⁴வ ஶங்கர தே³ஶிக மே ஶரணம் ॥ 3 ॥

ப⁴வ எவ ப⁴வானிதி மெ நிதராம் ஸமஜாயத சேதஸி கௌதுகிதா । மம வாரய மோஹ மஹாஜலதி⁴ம் ப⁴வ ஶங்கர தே³ஶிக மே ஶரணம் ॥ 4 ॥

ஸுக்ருதேதி⁴க்ருதே ப³ஹுதா⁴ ப⁴வதோ ப⁴விதா ஸமத³ர்ஶன லாலஸதா । அதி தீ³னமிமம் பரிபாலய மாம் ப⁴வ ஶங்கர தே³ஶிக மே ஶரணம் ॥ 5 ॥

ஜக³தீமவிதும் கலிதாக்ருதயோ விசரந்தி மஹாமாஹ ஸச்ச²லத: । அஹிமாம்ஶுரிவாத்ர விபா⁴ஸி கு³ரோ ப⁴வ ஶங்கர தே³ஶிக மே ஶரணம் ॥ 6 ॥

கு³ருபுங்க³வ புங்க³வகேதன தே ஸமதாமயதாம் ந ஹி கோபி ஸுதீ⁴: । ஶரணாக³த வத்ஸல தத்த்வனிதே⁴ ப⁴வ ஶங்கர தே³ஶிக மே ஶரணம் ॥ 7 ॥

விதி³தா ந மயா விஶதை³க கலா ந ச கிஞ்சன காஞ்சனமஸ்தி கு³ரோ । த்³ருதமேவ விதே⁴ஹி க்ருபாம் ஸஹஜாம் ப⁴வ ஶங்கர தே³ஶிக மே ஶரணம் ॥ 8 ॥