శ్రీమద్భగవద్గీతా పారాయణ - గీతా మహాత్మ్యం

শ্রীবিষ্ণুরুবাচ

প্রারব্ধং ভুজ্যমানো হি গীতাভ্য়াসরতঃ সদা । স মুক্তঃ স সুখী লোকে কর্মণা নোপলিপ্যতে ॥ 2

মহাপাপাদিপাপানি গীতাধ্য়ানং করোতি চেত্ । ক্বচিত্স্পর্শং ন কুর্বংতি নলিনীদলমংবুবত্ ॥ 3 ॥

গীতায়াঃ পুস্তকং যত্র যত্র পাঠঃ প্রবর্ততে । তত্র সর্বাণি তীর্থানি প্রয়াগাদীনি তত্র বৈ ॥ 4 ॥

সর্বে দেবাশ্চ ঋষয়ঃ যোগিনঃ পন্নগাশ্চ যে । গোপালা গোপিকা বাঽপি নারদোদ্ধবপার্ষদৈঃ ॥ 5 ॥

সহায়ো জাযতে শীঘ্রং যত্র গীতা প্রবর্ততে । যত্র গীতাবিচারশ্চ পঠনং পাঠনং শ্রুতম্ । তত্রাহং নিশ্চিতং পৃথ্বি নিবসামি সদৈব হি ॥ 6 ॥

গীতাশ্রয়েঽহং তিষ্ঠামি গীতা মে চোত্তমং গৃহম্ । গীতাজ্ঞানমুপাশ্রিত্য় ত্রীँল্লোকান্-পালয়াম্যহম্ ॥ 7 ॥

গীতা মে পরমা বিদ্য়া ব্রহ্মরূপা ন সংশয়ঃ । অর্ধমাত্রাক্ষরা নিত্য়া স্বানির্বাচ্যপদাত্মিকা ॥ 8 ॥

চিদানংদেন কৃষ্ণেন প্রোক্তা স্বমুখতোঽর্জুনম্ । বেদত্রয়ী পরানংদা তত্ত্বার্থজ্ঞানসংয়ুতা ॥ 9 ॥

যোঽষ্টাদশং জপেন্নিত্য়ং নরো নিশ্চলমানসঃ । জ্ঞানসিদ্ধিং স লভতে ততো যাতি পরং পদম্ ॥ 10 ॥

পাঠেঽসমর্থঃ সংপূর্ণে ততোঽর্ধং পাঠমাচরেত্ । তদা গোদানজং পুণ্য়ং লভতে নাত্র সংশয়ঃ ॥ 11 ॥

ত্রিভাগং পঠমানস্তু গংগাস্নানফলং লভেত্ । ষডংশং জপমানস্তু সোময়াগফলং লভেত্ ॥ 12 ॥

একাধ্য়ায়ং তুয়ো নিত্য়ং পঠতে ভক্তিসংয়ুতঃ । রুদ্রলোকমবাপ্নোতি গণো ভূত্বা বসেচ্চিরম্ ॥ 13 ॥

অধ্য়ায়ং শ্লোকপাদং বা নিত্য়ং যঃ পঠতে নরঃ । স যাতি নরতাং যাবত্ মন্বংতরং বসুংধরে ॥ 14 ॥

গীতায়াঃ শ্লোকদশকং সপ্ত পংচ চতুষ্টযম্ । দ্বৌত্রীনেকং তদর্ধং বা শ্লোকানাং যঃ পঠেন্নরঃ ॥ 15 ॥

চংদ্রলোকমবাপ্নোতি বর্ষাণাময়ুতং ধৃবম্ । গীতাপাঠসমায়ুক্তঃ মৃতো মানুষতাং ব্রজেত্ ॥ 16 ॥

গীতাভ্য়াসং পুনঃ কৃত্বা লভতে মুক্তিমুত্তমম্ । গীতেত্য়ুচ্চারসংয়ুক্তঃ ম্রিযমাণো গতিং লভেত্ ॥ 17 ॥

গীতার্থশ্রবণাসক্তঃ মহাপাপয়ুতোঽপি বা । বৈকুংঠং সমবাপ্নোতি বিষ্ণুনা সহমোদতে ॥ 18 ॥

গীতার্থং ধ্য়াযতে নিত্য়ং কৃত্বা কর্মাণি ভূরিশঃ । জীবন্মুক্তঃ স বিজ্ঞেয়ঃ দেহাংতে পরমং পদম্ ॥ 19 ॥

মলনির্মোচনং পুংসাং জলস্নানং দিনে দিনে । সকৃদ্গীতাংভসি স্নানং সংসারমলনাশনম্ ॥ 20 ॥

গীতামাশ্রিত্য় বহবঃ ভূভুজো জনকাদয়ঃ । নির্ধূতকল্মষা লোকে গীতা যাতাঃ পরং পদম্ ॥ 21 ॥

তে শৃণ্বংতি পঠংত্য়েব গীতাশাস্ত্রমহর্নিশম্ । ন তে বৈ মানুষা জ্ঞেয়া দেবা এব ন সংশয়ঃ ॥ 22 ॥

জ্ঞানাজ্ঞানকৃতং নিত্য়ং ইংদ্রিয়ৈর্জনিতং চ যত্ । তত্সর্বং নাশমায়াতি গীতাপাঠেন তক্ষণম্ ॥ 23 ॥

ধিক্ তস্য় জ্ঞানমাচারং ব্রতং চেষ্টাং তপো যশঃ । গীতার্থপঠনং নাঽস্তি নাধমস্তত্পরো জনঃ ॥ 24 ॥

সংসারসাগরং ঘোরং তর্তুমিচ্ছতি যো জনঃ । গীতানাবং সমারুহ্য় পারং যাতি সুখেন সঃ ॥ 25 ॥

গীতায়াঃ পঠনং কৃত্বা মাহাত্ম্য়ং নৈব যঃ পঠেত্ । বৃথা পাঠো ভবেত্তস্য় শ্রম এব হ্য়ুদাহৃতঃ ॥ 26 ॥

এতন্মাহাত্ম্যসংয়ুক্তং গীতাভ্য়াসং করোতি যঃ । স তত্ফলমবাপ্নোতি দুর্লভাং গতিমাপ্নুয়াত্ ॥ 27 ॥

সূত উবাচ

মাহাত্ম্যমেতদ্গীতায়াঃ ময়া প্রোক্তং সনাতনম্ । গীতাংতে চ পঠেদ্যস্তু যদুক্তং তত্ফলং ভবেত্ ॥ 28

ইতি শ্রী বরাহপুরাণে শ্রী গীতামাহাত্ম্য়ং সংপূর্ণম্ ॥

ওং শাংতিঃ শাংতিঃ শাংতিঃ ॥

Browse Related Categories: