Navagraha · Traditional devotional text · Source: vignanam.org (Traditional devotional text (public-domain shlokas))
ബുധോ ബുധാര്ചിതഃ സൌമ്യഃ സൌമ്യചിത്തഃ ശുഭപ്രദഃ । ദൃഢവ്രതോ ദൃഢഫലഃ ശ്രുതിജാലപ്രബോധകഃ ॥ 1 ॥
സത്യവാസഃ സത്യവചാഃ ശ്രേയസാം പതിരവ്യയഃ । സോമജഃ സുഖദഃ ശ്രീമാന് സോമവംശപ്രദീപകഃ ॥ 2 ॥
വേദവിദ്വേദതത്ത്വജ്ഞോ വേദാംതജ്ഞാനഭാസ്വരഃ । വിദ്യാവിചക്ഷണ വിഭുർവിദ്വത്പ്രീതികരോ ഋജഃ ॥ 3 ॥
വിശ്വാനുകൂലസംചാരോ വിശേഷവിനയാന്വിതഃ । വിവിധാഗമസാരജ്ഞോ വീര്യവാന് വിഗതജ്വരഃ ॥ 4 ॥
ത്രിവര്ഗഫലദോഽനംതഃ ത്രിദശാധിപപൂജിതഃ । ബുദ്ധിമാന് ബഹുശാസ്ത്രജ്ഞോ ബലീ ബംധവിമോചകഃ ॥ 5 ॥
വക്രാതിവക്രഗമനോ വാസവോ വസുധാധിപഃ । പ്രസന്നവദനോ വംദ്യോ വരേണ്യോ വാഗ്വിലക്ഷണഃ ॥ 6 ॥
സത്യവാന് സത്യസംകല്പഃ സത്യബംധുഃ സദാദരഃ । സർവരോഗപ്രശമനഃ സർവമൃത്യുനിവാരകഃ ॥ 7 ॥
വാണിജ്യനിപുണോ വശ്യോ വാതാംഗോ വാതരോഗഹൃത് । സ്ഥൂലഃ സ്ഥൈര്യഗുണാധ്യക്ഷഃ സ്ഥൂലസൂക്ഷ്മാദികാരണഃ ॥ 8 ॥
അപ്രകാശഃ പ്രകാശാത്മാ ഘനോ ഗഗനഭൂഷണഃ । വിധിസ്തുത്യോ വിശാലാക്ഷോ വിദ്വജ്ജനമനോഹരഃ ॥ 9 ॥
Offered for worship and study, not as prediction. Non-commercial.
More devotional texts
ചാരുശീലഃ സ്വപ്രകാശഃ ചപലശ്ച ജിതേംദ്രിയഃ । ഉദങ്മുഖോ മഖാസക്തോ മഗധാധിപതിര്ഹരഃ ॥ 10 ॥
സൌമ്യവത്സരസംജാതഃ സോമപ്രിയകരഃ സുഖീ । സിംഹാധിരൂഢഃ സർവജ്ഞഃ ശിഖിവര്ണഃ ശിവംകരഃ ॥ 11 ॥
പീതാംബരോ പീതവപുഃ പീതച്ഛത്രധ്വജാംകിതഃ । ഖഡ്ഗചര്മധരഃ കാര്യകര്താ കലുഷഹാരകഃ ॥ 12 ॥
ആത്രേയഗോത്രജോഽത്യംതവിനയോ വിശ്വപാവനഃ । ചാംപേയപുഷ്പസംകാശഃ ചാരണഃ ചാരുഭൂഷണഃ ॥ 13 ॥
വീതരാഗോ വീതഭയോ വിശുദ്ധകനകപ്രഭഃ । ബംധുപ്രിയോ ബംധമുക്തോ ബാണമംഡലസംശ്രിതഃ ॥ 14 ॥
അര്കേശാനപ്രദേശസ്ഥഃ തര്കശാസ്ത്രവിശാരദഃ । പ്രശാംതഃ പ്രീതിസംയുക്തഃ പ്രിയകൃത് പ്രിയഭാഷണഃ ॥ 15 ॥
മേധാവീ മാധവാസക്തോ മിഥുനാധിപതിഃ സുധീഃ । കന്യാരാശിപ്രിയഃ കാമപ്രദോ ഘനഫലാശ്രയഃ ॥ 16 ॥
ബുധസ്യൈവം പ്രകാരേണ നാമ്നാമഷ്ടോത്തരം ശതമ് । സംപൂജ്യ വിധിവത്കര്താ സർവാന്കാമാനവാപ്നുയാത് ॥ 17 ॥
ഇതി ശ്രീ ബുധ അഷ്ടോത്തരശതനാമ സ്തോത്രമ് ।
Browse Related Categories: