గణేశ భుజంగం

രണത്ക്ഷുദ്രഘംടാനിനാദാഭിരാമം ചലത്താംഡവോദ്ദംഡവത്പദ്മതാലമ് । ലസത്തുംദിലാംഗോപരിവ്യാലഹാരം ഗണാധീശമീശാനസൂനും തമീഡേ ॥ 1 ॥

ധ്വനിധ്വംസവീണാലയോല്ലാസിവക്ത്രം സ്ഫുരച്ഛുംഡദംഡോല്ലസദ്ബീജപൂരമ് । ഗലദ്ദര്പസൌഗംധ്യലോലാലിമാലം ഗണാധീശമീശാനസൂനും തമീഡേ ॥ 2 ॥

പ്രകാശജ്ജപാരക്തരത്നപ്രസൂന- പ്രവാലപ്രഭാതാരുണജ്യോതിരേകമ് । പ്രലംബോദരം വക്രതുംഡൈകദംതം ഗണാധീശമീശാനസൂനും തമീഡേ ॥ 3 ॥

വിചിത്രസ്ഫുരദ്രത്നമാലാകിരീടം കിരീടോല്ലസച്ചംദ്രരേഖാവിഭൂഷമ് । വിഭൂഷൈകഭൂഷം ഭവധ്വംസഹേതും ഗണാധീശമീശാനസൂനും തമീഡേ ॥ 4 ॥

ഉദംചദ്ഭുജാവല്ലരീദൃശ്യമൂലോ- ച്ചലദ്ഭ്രൂലതാവിഭ്രമഭ്രാജദക്ഷമ് । മരുത്സുംദരീചാമരൈഃ സേവ്യമാനം ഗണാധീശമീശാനസൂനും തമീഡേ ॥ 5 ॥

സ്ഫുരന്നിഷ്ഠുരാലോലപിംഗാക്ഷിതാരം കൃപാകോമലോദാരലീലാവതാരമ് । കലാബിംദുഗം ഗീയതേ യോഗിവര്യൈ- ര്ഗണാധീശമീശാനസൂനും തമീഡേ ॥ 6 ॥

യമേകാക്ഷരം നിര്മലം നിർവികല്പം ഗുണാതീതമാനംദമാകാരശൂന്യമ് । പരം പാരമോംകാരമാമ്നായഗര്ഭം വദംതി പ്രഗല്ഭം പുരാണം തമീഡേ ॥ 7 ॥

ചിദാനംദസാംദ്രായ ശാംതായ തുഭ്യം നമോ വിശ്വകര്ത്രേ ച ഹര്ത്രേ ച തുഭ്യമ് । നമോഽനംതലീലായ കൈവല്യഭാസേ നമോ വിശ്വബീജ പ്രസീദേശസൂനോ ॥ 8 ॥