Devi · Traditional devotional text · Source: vignanam.org (Traditional devotional text (public-domain shlokas))
আনংদমংথরপুরংদরমুক্তমাল্য়ং মৌলৌ হঠেন নিহিতং মহিষাসুরস্য় । পাদাংবুজং ভবতু মে বিজয়ায় মংজু- -মংজীরশিংজিতমনোহরমংবিকায়াঃ ॥ 1 ॥
দেবি ত্র্য়ংবকপত্নি পার্বতি সতি ত্রৈলোক্যমাতঃ শিবে শর্বাণি ত্রিপুরে মৃডানি বরদে রুদ্রাণি কাত্য়াযনি । ভীমে ভৈরবি চংডি শর্বরিকলে কালক্ষয়ে শূলিনি ত্বত্পাদপ্রণতাননন্যমনসঃ পর্য়াকুলান্পাহি নঃ ॥ 2 ॥
দেবি ত্বাং সকৃদেব যঃ প্রণমতি ক্ষোণীভৃতস্তং নম- -ংত্য়াজন্মস্ফুরদংঘ্রিপীঠবিলুঠত্কোটীরকোটিচ্ছটাঃ । যস্ত্বামর্চতি সোঽর্চ্যতে সুরগণৈর্য়ঃ স্তৌতি স স্তূযতে যস্ত্বাং ধ্য়াযতি তং স্মরার্তিবিধুরা ধ্য়ায়ংতি বামভ্রুবঃ ॥ 3 ॥
উন্মত্তা ইব সগ্রহা ইব বিষব্য়াসক্তমূর্ছা ইব প্রাপ্তপ্রৌঢমদা ইবার্তিবিরহগ্রস্তা ইবার্তা ইব । যে ধ্য়ায়ংতি হি শৈলরাজতনয়াং ধন্য়াস্ত এবাগ্রতঃ ত্যক্তোপাধিবিবৃদ্ধরাগমনসো ধ্য়ায়ংতি তান্সুভ্রুবঃ ॥ 4 ॥
ধ্য়ায়ংতি যে ক্ষণমপি ত্রিপুরে হৃদি ত্বাং লাবণ্যয়ৌবনধনৈরপি বিপ্রয়ুক্তাঃ । তে বিস্ফুরংতি ললিতাযতলোচনানাং চিত্তৈকভিত্তিলিখিতপ্রতিমাঃ পুমাংসঃ ॥ 5 ॥
এতং কিং নু দৃশা পিবাম্য়ুত বিশাম্যস্য়াংগমংগৈর্নিজৈঃ কিং বাঽমুং নিগরাম্যনেন সহসা কিং বৈকতামাশ্রয়ে । যস্য়েত্থং বিবশো বিকল্পললিতাকূতেন যোষিজ্জনঃ কিং তদ্যন্ন করোতি দেবি হৃদয়ে যস্য় ত্বমাবর্তসে ॥ 6 ॥
বিশ্বব্য়াপিনি যদ্বদীশ্বর ইতি স্থাণাবনন্য়াশ্রয়ঃ শব্দঃ শক্তিরিতি ত্রিলোকজননি ত্বয়্য়েব তথ্যস্থিতিঃ । ইত্থং সত্যপি শক্নুবংতি যদিমাঃ ক্ষুদ্রা রুজো বাধিতুং ত্বদ্ভক্তানপি ন ক্ষিণোষি চ রুষা তদ্দেবি চিত্রং মহত্ ॥ 7 ॥
Offered for worship and study, not as prediction. Non-commercial.
ইংদোর্মধ্যগতাং মৃগাংকসদৃশচ্ছায়াং মনোহারিণীং পাংডূত্ফুল্লসরোরুহাসনগতা স্নিগ্ধপ্রদীপচ্ছবিম্ । বর্ষংতীমমৃতং ভবানি ভবতীং ধ্য়ায়ংতি যে দেহিনঃ তে নির্মুক্তরুজো ভবংতি রিপবঃ প্রোজ্ঝংতি তাংদূরতঃ ॥ 8 ॥
পূর্ণেংদোঃ শকলৈরিবাতিবহলৈঃ পীয়ূষপূরৈরিব ক্ষীরাব্ধের্লহরীভরৈরিব সুধাপংকস্য় পিংডৈরিব । প্রালেয়ৈরিব নির্মিতং তব বপুর্ধ্য়ায়ংতি যে শ্রদ্ধয়া চিত্তাংতর্নিহিতার্তিতাপবিপদস্তে সংপদং বিভ্রতি ॥ 9 ॥
যে সংস্মরংতি তরলাং সহসোল্লসংতীং ত্বাং গ্রংথিপংচকভিদং তরুণার্কশোণাম্ । রাগার্ণবে বহলরাগিণি মজ্জয়ংতীং কৃত্স্নং জগদ্দধতি চেতসি তান্মৃগাক্ষ্য়ঃ ॥ 10 ॥
লাক্ষারসস্নপিতপংকজতংতুতন্বীং অংতঃ স্মরত্যনুদিনং ভবতীং ভবানি । যস্তং স্মরপ্রতিমমপ্রতিমস্বরূপাঃ নেত্রোত্পলৈর্মৃগদৃশো ভৃশমর্চয়ংতি ॥ 11 ॥
স্তুমস্ত্বাং বাচমব্যক্তাং হিমকুংদেংদুরোচিষম্ । কদংবমালাং বিভ্রাণামাপাদতললংবিনীম্ ॥ 12 ॥
মূর্ধ্নীংদোঃ সিতপংকজাসনগতাং প্রালেযপাংডুত্বিষং বর্ষংতীমমৃতং সরোরুহভুবো বক্ত্রেঽপি রংধ্রেঽপি চ । অচ্ছিন্না চ মনোহরা চ ললিতা চাতিপ্রসন্নাপি চ ত্বামেবং স্মরতঃ স্মরারিদয়িতে বাক্সর্বতো বল্গতি ॥ 13 ॥
দদাতীষ্টান্ভোগান্ ক্ষপযতি রিপূন্হংতি বিপদো দহত্য়াধীন্ব্য়াধীন্ শমযতি সুখানি প্রতনুতে । হঠাদংতর্দুঃখং দলযতি পিনষ্টীষ্টবিরহং সকৃদ্ধ্য়াতা দেবী কিমিব নিরবদ্য়ং ন কুরুতে ॥ 14 ॥
যস্ত্বাং ধ্য়াযতি বেত্তি বিংদতি জপত্য়ালোকতে চিংতয়- -ত্যন্বেতি প্রতিপদ্যতে কলযতি স্তৌত্য়াশ্রযত্যর্চতি । যশ্চ ত্র্য়ংবকবল্লভে তব গুণানাকর্ণযত্য়াদরাত্ তস্য় শ্রীর্ন গৃহাদপৈতি বিজযস্তস্য়াগ্রতো ধাবতি ॥ 15 ॥
কিং কিং দুঃখং দনুজদলিনি ক্ষীযতে ন স্মৃতায়াং কা কা কীর্তিঃ কুলকমলিনি খ্য়াপ্যতে ন স্তুতায়াম্ । কা কা সিদ্ধিঃ সুরবরনুতে প্রাপ্যতে নার্চিতায়াং কং কং যোগং ত্বয়ি ন চিনুতে চিত্তমালংবিতায়াম্ ॥ 16 ॥
যে দেবি দুর্ধরকৃতাংতমুখাংতরস্থাঃ যে কালি কালঘনপাশনিতাংতবদ্ধাঃ । যে চংডি চংডগুরুকল্মষসিংধুমগ্নাঃ তান্পাসি মোচযসি তারযসি স্মৃতৈব ॥ 17 ॥
লক্ষ্মীবশীকরণচূর্ণসহোদরাণি ত্বত্পাদপংকজরজাংসি চিরং জয়ংতি । যানি প্রণামমিলিতানি নৃণাং ললাটে লুংপংতি দৈবলিখিতানি দুরক্ষরাণি ॥ 18 ॥
রে মূঢাঃ কিময়ং বৃথৈব তপসা কায়ঃ পরিক্লিশ্যতে যজ্ঞৈর্বা বহুদক্ষিণৈঃ কিমিতরে রিক্তীক্রিয়ংতে গৃহাঃ । ভক্তিশ্চেদবিনাশিনী ভগবতীপাদদ্বয়ী সেব্যতাং উন্নিদ্রাংবুরুহাতপত্রসুভগা লক্ষ্মীঃ পুরো ধাবতি ॥ 19 ॥
যাচে ন কংচন ন কংচন বংচয়ামি সেবে ন কংচন নিরস্তসমস্তদৈন্য়ঃ । শ্লক্ষ্ণং বসে মধুরমদ্মি ভজে বরস্ত্রীঃ দেবী হৃদি স্ফুরতি মে কুলকামধেনুঃ ॥ 20 ॥
নমামি যামিনীনাথলেখালংকৃতকুংতলাম্ । ভবানীং ভবসংতাপনির্বাপণসুধানদীম্ ॥ 21 ॥
ইতি শ্রীকালিদাস বিরচিত পংচস্তব্য়াং তৃতীয়ঃ ঘটস্তবঃ ।
Browse Related Categories: