Shiva · Traditional devotional text · Source: vignanam.org (Traditional devotional text (public-domain shlokas))
మనో నివృత్తిః పరమోపశాంతిః సా తీర్థవర్యా మణికర్ణికా చ జ్ఞానప్రవాహా విమలాదిగంగా సా కాశికాహం నిజబోధరూపా ॥ 1 ॥
యస్యామిదం కల్పితమింద్రజాలం చరాచరం భాతి మనోవిలాసం సచ్చిత్సుఖైకా పరమాత్మరూపా సా కాశికాహం నిజబోధరూపా ॥ 2 ॥
కోశేషు పంచస్వధిరాజమానా బుద్ధిర్భవానీ ప్రతిదేహగేహం సాక్షీ శివః సర్వగతోఽంతరాత్మా సా కాశికాహం నిజబోధరూపా ॥ 3 ॥
కాశ్యా హి కాశత కాశీ కాశీ సర్వప్రకాశికా సా కాశీ విదితా యేన తేన ప్రాప్తా హి కాశికా ॥ 4 ॥
కాశీక్షేత్రం శరీరం త్రిభువనజననీ వ్యాపినీ జ్ఞానగంగా భక్తి శ్రద్ధా గయేయం నిజగురుచరణధ్యానయోగః ప్రయాగః విశ్వేశోఽయం తురీయః సకలజనమనః సాక్షిభూతోఽంతరాత్మా దేహే సర్వం మదీయే యది వసతి పునస్తీర్థమన్యత్కిమస్తి ॥ 5 ॥
॥ ఇతి శ్రీమచ్ఛంకరాచార్యవిరచితా కాశీ పంచకం ప్రయాతాష్టకమ్ ॥
Browse Related Categories:
Offered for worship and study, not as prediction. Non-commercial.