Adi Shankaracharya · Traditional devotional text · Source: vignanam.org (Traditional devotional text (public-domain shlokas))
നിരുപമനിത്യനിരംശകേഽപ്യഖംഡേ – മയി ചിതി സർവവികല്പനാദിശൂന്യേ । ഘടയതി ജഗദീശജീവഭേദം – ത്വഘടിതഘടനാപടീയസീ മായാ ॥ 1 ॥
ശ്രുതിശതനിഗമാംതശോധകാന- പ്യഹഹ ധനാദിനിദര്ശനേന സദ്യഃ । കലുഷയതി ചതുഷ്പദാദ്യഭിന്നാ- നഘടിതഘടനാപടീയസീ മായാ ॥ 2 ॥
സുഖചിദഖംഡവിബോധമദ്വിതീയം – വിയദനലാദിവിനിര്മിതേ നിയോജ്യ । ഭ്രമയതി ഭവസാഗരേ നിതാംതം – ത്വഘടിതഘടനാപടീയസീ മായാ ॥ 3 ॥
അപഗതഗുണവര്ണജാതിഭേദേ – സുഖചിതി വിപ്രവിഡാദ്യഹംകൃതിം ച । സ്ഫുടയതി സുതദാരഗേഹമോഹം – ത്വഘടിതഘടനാപടീയസീ മായാ ॥ 4 ॥
വിധിഹരിഹരവിഭേദമപ്യഖംഡേ – ബത വിരചയ്യ ബുധാനപി പ്രകാമമ് । ഭ്രമയതി ഹരിഹരഭേദഭാവാ- നഘടിതഘടനാപടീയസീ മായാ ॥ 5 ॥
Browse Related Categories:
Offered for worship and study, not as prediction. Non-commercial.