నారాయణీయం దశక 63 - గోవర్ధనోద్ధారణం

దదృశిరే కిల తత్క్షణమక్షత- స్తనితజృంభితకంపితదిక్తటాః । సుషమయా భవదంగతులాం గతా వ్రజపదోపరి వారిధరాస్త్వయా ॥1॥

విపులకరకమిశ్రైస్తోయధారానిపాతై- ర్దిశిదిశి పశుపానాం మండలే దండ్యమానే । కుపితహరికృతాన్నః పాహి పాహీతి తేషాం వచనమజిత శ్రృణ్వన్ మా బిభీతేత్యభాణీః ॥2॥

కుల ఇహ ఖలు గోత్రో దైవతం గోత్రశత్రో- ర్విహతిమిహ స రుంధ్యాత్ కో ను వః సంశయోఽస్మిన్ । ఇతి సహసితవాదీ దేవ గోవర్ద్ధనాద్రిం త్వరితముదముమూలో మూలతో బాలదోర్భ్యామ్ ॥3॥

తదను గిరివరస్య ప్రోద్ధృతస్యాస్య తావత్ సికతిలమృదుదేశే దూరతో వారితాపే । పరికరపరిమిశ్రాన్ ధేనుగోపానధస్తా- దుపనిదధదధత్థా హస్తపద్మేన శైలమ్ ॥4॥

భవతి విధృతశైలే బాలికాభిర్వయస్యై- రపి విహితవిలాసం కేలిలాపాదిలోలే । సవిధమిలితధేనూరేకహస్తేన కండూ- యతి సతి పశుపాలాస్తోషమైషంత సర్వే ॥5॥

అతిమహాన్ గిరిరేష తు వామకే కరసరోరుహి తం ధరతే చిరమ్ । కిమిదమద్భుతమద్రిబలం న్వితి త్వదవలోకిభిరాకథి గోపకైః ॥6॥

అహహ ధార్ష్ట్యమముష్య వటోర్గిరిం వ్యథితబాహురసావవరోపయేత్ । ఇతి హరిస్త్వయి బద్ధవిగర్హణో దివససప్తకముగ్రమవర్షయత్ ॥7॥

అచలతి త్వయి దేవ పదాత్ పదం గలితసర్వజలే చ ఘనోత్కరే । అపహృతే మరుతా మరుతాం పతి- స్త్వదభిశంకితధీః సముపాద్రవత్ ॥8॥