నవగ్రహ కవచం

śirō mē pātu mārtāṇḍō kapālaṃ rōhiṇīpatiḥ । mukhamaṅgārakaḥ pātu kaṇṭhaścha śaśinandanaḥ ॥ 1 ॥

buddhiṃ jīvaḥ sadā pātu hṛdayaṃ bhṛgunandanaḥ । jaṭharaṃ cha śaniḥ pātu jihvāṃ mē ditinandanaḥ ॥ 2 ॥

pādau kētuḥ sadā pātu vārāḥ sarvāṅgamēva cha । tithayō'ṣṭau diśaḥ pāntu nakṣatrāṇi vapuḥ sadā ॥ 3 ॥

aṃsau rāśiḥ sadā pātu yōgāścha sthairyamēva cha । guhyaṃ liṅgaṃ sadā pāntu sarvē grahāḥ śubhapradāḥ ॥ 4 ॥

aṇimādīni sarvāṇi labhatē yaḥ paṭhēd dhṛvam । ētāṃ rakṣāṃ paṭhēd yastu bhaktyā sa prayataḥ sudhīḥ ॥ 5 ॥

sa chirāyuḥ sukhī putrī raṇē cha vijayī bhavēt । aputrō labhatē putraṃ dhanārthī dhanamāpnuyāt ॥ 6 ॥

dārārthī labhatē bhāryāṃ surūpāṃ sumanōharām । rōgī rōgātpramuchyēta baddhō muchyēta bandhanāt ॥ 7 ॥

jalē sthalē chāntarikṣē kārāgārē viśēṣataḥ । yaḥ karē dhārayēnnityaṃ bhayaṃ tasya na vidyatē ॥ 8 ॥