పద్మావతీ స్తోత్రం

വിഷ്ണുപത്നി ജഗന്മാതഃ വിഷ്ണുവക്ഷസ്ഥലസ്ഥിതേ । പദ്മാസനേ പദ്മഹസ്തേ പദ്മാവതി നമോഽസ്തു തേ ॥ 1 ॥

വേംകടേശപ്രിയേ പൂജ്യേ ക്ഷീരാബ്ദിതനയേ ശുഭേ । പദ്മേരമേ ലോകമാതഃ പദ്മാവതി നമോഽസ്തു തേ ॥ 2 ॥

കള്യാണീ കമലേ കാംതേ കള്യാണപുരനായികേ । കാരുണ്യകല്പലതികേ പദ്മാവതി നമോഽസ്തു തേ ॥ 3 ॥

സഹസ്രദളപദ്മസ്ഥേ കോടിചംദ്രനിഭാനനേ । പദ്മപത്രവിശാലാക്ഷീ പദ്മാവതി നമോഽസ്തു തേ ॥ 4 ॥

സർവജ്ഞേ സർവവരദേ സർവമംഗളദായിനീ । സർവസമ്മാനിതേ ദേവീ പദ്മാവതി നമോഽസ്തു തേ ॥ 5 ॥

സർവഹൃദ്ദഹരാവാസേ സർവപാപഭയാപഹേ । അഷ്ടൈശ്വര്യപ്രദേ ലക്ഷ്മീ പദ്മാവതി നമോഽസ്തു തേ ॥ 6 ॥

ദേഹി മേ മോക്ഷസാമ്രാജ്യം ദേഹി ത്വത്പാദദര്ശനമ് । അഷ്ടൈശ്വര്യം ച മേ ദേഹി പദ്മാവതി നമോഽസ്തു തേ ॥ 7 ॥

നക്രശ്രവണനക്ഷത്രേ കൃതോദ്വാഹമഹോത്സവേ । കൃപയാ പാഹി നഃ പദ്മേ ത്വദ്ഭക്തിഭരിതാന് രമേ ॥ 8 ॥

ഇംദിരേ ഹേമവര്ണാഭേ ത്വാം വംദേ പരമാത്മികാമ് । ഭവസാഗരമഗ്നം മാം രക്ഷ രക്ഷ മഹേശ്വരീ ॥ 9 ॥