Bhaarata Maata · Traditional devotional text · Source: vignanam.org (Traditional devotional text (public-domain shlokas))
ప్రకృత్యా సురమ్యం విశాలం ప్రకామం సరిత్తారహారైః లలామం నికామమ్ । హిమాద్రిర్లలాటే పదే చైవ సింధుః ప్రియం భారతం సర్వదా దర్శనీయమ్ ॥ 1 ॥
ధనానాం నిధానం ధరాయాం ప్రధానం ఇదం భారతం దేవలోకేన తుల్యమ్ । యశో యస్య శుభ్రం విదేశేషు గీతం ప్రియం భారతం తత్ సదా పూజనీయమ్ ॥ 2 ॥
అనేకే ప్రదేశాః అనేకే చ వేషాః అనేకాని రుపాణి భాషా అనేకాః । పరం యత్ర సర్వే వయం భారతీయాః ప్రియం భారతం తత్ సదా రక్షణీయమ్ ॥ 3 ॥
వయం భారతీయాః స్వదేశం నమామః పరం ధర్మమేకం సదా మానయామః । తదర్థం ధనం జీవనం చార్పయామ ప్రియం భారతం మే సదా వందనీయమ్ ॥ 4 ॥
రచన: డా. చంద్రభాను త్రిపాఠీ
Browse Related Categories:
Offered for worship and study, not as prediction. Non-commercial.
More devotional texts