పిల్లల కోసం శ్లోకాలు

śrī rāma stōtraṃ

శ్రీ రామ రామ రామేతి రమే రామే మనోరమే సహస్రనామ తత్తుల్యం రామ నామ వరాననే

రామాయ రామభద్రాయ రామచంద్రాయ వేధసే । రఘునాథాయ నాథాయ సీతాయాః పతయే నమః ॥ 27 ॥

śrī kṛṣṇa stōtraṃ

మందారమూలే మదనాభిరామం బింబాధరాపూరిత వేణునాదమ్ । గోగోప గోపీజన మధ్యసంస్థం గోపం భజే గోకుల పూర్ణచంద్రమ్ ॥

వసుదేవ సుతం దేవం కంస చాణూర మర్దనమ్ । దేవకీ పరమానందం కృష్ణం వందే జగద్గురుమ్ ॥

మూకం కరోతి వాచాలం పంగుం లంఘయతే గిరిమ్ । యత్కృపా తమహం వందే పరమానందమాధవమ్ ॥

hanumān stōtraṃ

మనోజవం మారుత తుల్యవేగం జితేంద్రియం బుద్ధిమతాం-వఀరిష్టమ్ । వాతాత్మజం-వాఀనరయూధ ముఖ్యం శ్రీరామదూతం శిరసా నమామి ॥

బుద్ధిర్బలం-యఀశోధైర్యం నిర్భయత్వమరోగతా । అజాడ్యం-వాఀక్పటుత్వం చ హనుమస్స్మరణాద్-భవేత్ ॥

రామదూతం మహావీరం రుద్రబీజసముద్భవమ్ । అంజనాగర్భసంభూతం వాయుపుత్ర నమోఽస్తు తే ॥

śiva stōtraṃ

త్ర్యం॑బకం-యఀజామహే సుగం॒ధిం పు॑ష్టి॒వర్ధ॑నమ్ । ఉ॒ర్వా॒రు॒కమి॑వ॒ బంధ॑నాన్-మృత్యో॑ర్-ముక్షీయ॒ మాఽమృతా᳚త్ ॥

వందే శంభుముమాపతిం సురగురుం-వంఀదే జగత్కారణం వందే పన్నగభూషణం శశిధరం-వంఀదే పశూనాం పతిం‌ । వందే సూర్యశశాంక వహ్నినయనం-వంఀదే ముకుందప్రియం వందే భక్తజనాశ్రయం చ వరదం-వంఀదే శివం శంకరం‌ ॥

మృత్యుంజయాయ రుద్రాయ నీలకంఠాయ శంభవే । అమృతేశాయ శర్వాయ మహాదేవాయ తే నమః ॥

vēṅkaṭēśvara stōtraṃ

శ్రియః కాంతాయ కళ్యాణనిధయే నిధయేఽర్థినామ్ । శ్రీ వేంకట నివాసాయ శ్రీనివాసాయ మంగళమ్ ॥

కల్యాణాద్భుతగాత్రాయ కామితార్థప్రదాయినే । శ్రీమద్వేంకటనాథాయ శ్రీనివాసాయ మంగలం ॥

lakṣmī stōtraṃ

లక్ష్మీం క్షీరసముద్ర రాజ తనయాం శ్రీరంగ ధామేశ్వరీమ్ । దాసీభూత సమస్త దేవ వనితాం-లోఀకైక దీపాంకురామ్ । శ్రీమన్మంధ కటాక్ష లబ్ధ విభవ బ్రహ్మేంద్ర గంగాధరామ్ । త్వాం త్రైలోక్యకుటుంబినీం సరసిజాం-వంఀదే ముకుందప్రియామ్ ॥

dēvī stōtraṃ

సర్వ స్వరూపే సర్వేశే సర్వ శక్తి సమన్వితే । భయేభ్యస్త్రాహి నో దేవి దుర్గేదేవి నమోస్తుతే ॥

సర్వ మంగల మాంగల్యే శివే సర్వార్థ సాధికే । శరణ్యే త్ర్యంబకే దేవి నారాయణి నమోస్తుతే ॥

prabhāta ślōkaḥ

కరాగ్రే వసతే లక్ష్మీః కరమధ్యే సరస్వతీ । కరమూలే స్థితా గౌరీ ప్రభాతే కరదర్​శనమ్ ॥ [పాఠభేదః - కరమూలే తు గోవిందః ప్రభాతే కరదర్​శనమ్ ॥]

snāna ślōkaḥ

గంగే చ యమునే చైవ గోదావరీ సరస్వతీ నర్మదే సింధు కావేరీ జలేస్మిన్ సన్నిధిం కురు ॥

namaskāra ślōkaḥ

త్వమేవ మాతా చ పితా త్వమేవ, త్వమేవ బంధుశ్చ సఖా త్వమేవ । త్వమేవ విద్యా ద్రవిణం త్వమేవ, త్వమేవ సర్వం మమ దేవదేవ ॥

bhōjana ślōkaḥ

బ్రహ్మార్పణం బ్రహ్మ హవిః బ్రహ్మాగ్నౌ బ్రహ్మణాహుతమ్ । బ్రహ్మైవ తేన గంతవ్యం బ్రహ్మ కర్మ సమాధినః ॥

అన్నపూర్ణే సదా పూర్ణే శంకరప్రాణవల్లభే । జ్ఞానవైరాగ్య సిద్ధ్యర్థం భిక్షాం దేహి చ పార్వతి ॥

śayana ślōkaḥ

రామం స్కందం హనుమంతం-వైఀనతేయం-వృఀకోదరమ్ । శయనే యః స్మరేన్నిత్యం దుస్వప్న-స్తస్యనశ్యతి ॥

śānti mantraṃ

అసతోమా సద్గమయా । తమసోమా జ్యోతిర్గమయా । మృత్యోర్మా అమృతంగమయా । ఓం శాంతిః శాంతిః శాంతిః

సర్వే భవంతు సుఖినః సర్వే సంతు నిరామయాః । సర్వే భద్రాణి పశ్యంతు మా కశ్చిద్దుఃఖ భాగ్భవేత్ ॥ ఓం శాంతిః శాంతిః శాంతిః

ఓం స॒హ నా॑వవతు । స॒హ నౌ॑ భునక్తు । స॒హ వీ॒ర్యం॑ కరవావహై । తే॒జ॒స్వినా॒వధీ॑తమస్తు॒ మా వి॑ద్విషా॒వహై᳚ । ఓం శాంతిః॒ శాంతిః॒ శాంతిః॑ ॥