శ్రీ మధ్వాచార్య కృత ద్వాదశ స్తోత్ర - షష్టమస్తోత్రం

సూకరరూపక దానవశత్రో భూమివిధారక యజ్ఞావరాంగ । దేవ నృసింహ హిరణ్యకశత్రో సర్వ భయాంతక దైవతబంధో ॥ 2॥

వామన వామన మాణవవేష దైత్యవరాంతక కారణరూప । రామ భృగూద్వహ సూర్జితదీప్తే క్షత్రకులాంతక శంభువరేణ్య ॥ 3॥

రాఘవ రాఘవ రాక్షస శత్రో మారుతివల్లభ జానకికాంత । దేవకినందన నందకుమార వృందావనాంచన గోకులచంద్ర ॥ 4॥

కందఫలాశన సుందరరూప నందితగోకులవందితపాద । ఇంద్రసుతావక నందకహస్త చందనచర్చిత సుందరినాథ ॥ 5॥

ఇందీవరోదర దళనయన మందరధారిన్ గోవింద వందే । చంద్రశతానన కుందసుహాస నందితదైవతానందసుపూర్ణ ॥ 6॥

దేవకినందన సుందరరూప రుక్మిణివల్లభ పాండవబంధో । దైత్యవిమోహక నిత్యసుఖాదే దేవవిబోధక బుద్ధస్వరూప ॥ 7॥

దుష్టకులాంతక కల్కిస్వరూప ధర్మవివర్ధన మూలయుగాదే । నారాయణామలకారణమూర్తే పూర్ణగుణార్ణవ నిత్యసుబోధ ॥ 8॥

ఆనందతీర్థకృతా హరిగాథా పాపహరా శుభనిత్యసుఖార్థా ॥ 9॥

ఇతి శ్రీమదానందతీర్థభగవత్పాదాచార్య విరచితం ద్వాదశస్తోత్రేషు షష్ఠస్తోత్రం సంపూర్ణం

Browse Related Categories: