శ్రీ మధ్వాచార్య కృత ద్వాదశ స్తోత్ర - సప్తమస్తోత్రం

బ్రహ్మేశశక్రరవిధర్మశశాంకపూర్వ గీర్వాణసంతతిరియం యదపాంగలేశమ్ । ఆశ్రిత్య విశ్వవిజయం విసృజత్యచింత్యా శ్రీః యత్కటాక్షబలవత్యజితం నమామి ॥ 2॥

ధర్మార్థకామసుమతిప్రచయాద్యశేషసన్మంగలం విదధతే యదపాంగలేశమ్ । ఆశ్రిత్య తత్ప్రణతసత్ప్రణతా అపీడ్యా శ్రీః యత్కటాక్షబలవతి అజితం నమామి ॥ 3॥

షడ్వర్గనిగ్రహనిరస్తసమస్తదోషా ధ్యాయంతి విష్ణుమృషయో యదపాంగలేశమ్ । ఆశ్రిత్య యానపి సమేత్య న యాతి దుఃఖం శ్రీః యత్కటాక్షబలవతి అజితం నమామి ॥ 4॥

శేషాహివైరిశివశక్రమనుప్రధాన చిత్రోరుకర్మరచనం యదపాంగలేశమ్ । ఆశ్రిత్య విశ్వమఖిలం విదధాతి ధాతా శ్రీః యత్కటాక్షబలవతి అజితం నమామి ॥ 5॥

శక్రోగ్రదీధితిహిమాకరసూర్యసూను పూర్వం నిహత్య నిఖిలం యదపాంగలేశమ్ । ఆశ్రిత్య నృత్యతి శివః ప్రకటోరుశక్తిః శ్రీః యత్కటాక్ష బలవతి అజితం నమామి ॥ 6॥

తత్పాదపంకజమహాసనతామవాప శర్వాదివంద్యచరణో యదపాంగలేశమ్ । ఆశ్రిత్య నాగపతిః అన్యసురైర్దురాపాం శ్రీః యత్కటాక్షబలవతి అజితం నమామి ॥ 7॥

నాగారిరుగ్రబలపౌరుష ఆప విష్ణువాహత్వముత్తమజవో యదపాంగలేశమ్ । వర్ విష్ణోర్వాహ ఆశ్రిత్య శక్రముఖదేవగణైః అచింత్యం శ్రీః యత్కటాక్ష బలవతి అజితం నమామి ॥ 8॥

ఆనందతీర్థమునిసన్ముఖపంకజోత్థం సాక్షాద్రమాహరిమనః ప్రియం ఉత్తమార్థమ్ । భక్త్యా పఠతి అజితమాత్మని సన్నిధాయ యః స్తోత్రమేతభియాతి తయోరభీష్టమ్ ॥ 9॥

ఇతి శ్రీమదానందతీర్థభగవత్పాదాచార్య విరచితం ద్వాదశస్తోత్రేషు సప్తమస్తోత్రం సంపూర్ణం

Browse Related Categories: