Surya Bhagavan · Traditional devotional text · Source: vignanam.org (Traditional devotional text (public-domain shlokas))
గాఢాంధకారహరణాయ జగద్ధితాయ జ్యోతిర్మయాయ పరమేశ్వరలోచనాయ । మందేహదైత్యభుజగర్వవిభంజనాయ సూర్యాయ తీవ్రకిరణాయ నమో నమస్తే ॥ 1 ॥
ఛాయాప్రియాయ మణికుండలమండితాయ సురోత్తమాయ సరసీరుహబాంధవాయ । సౌవర్ణరత్నమకుటాయ వికర్తనాయ సూర్యాయ తీవ్రకిరణాయ నమో నమస్తే ॥ 2 ॥
సంజ్ఞావధూహృదయపంకజషట్పదాయ గౌరీశపంకజభవాచ్యుతవిగ్రహాయ । లోకేక్షణాయ తపనాయ దివాకరాయ సూర్యాయ తీవ్రకిరణాయ నమో నమస్తే ॥ 3 ॥
సప్తాశ్వబద్ధశకటాయ గ్రహాధిపాయ రక్తాంబరాయ శరణాగతవత్సలాయ । జాంబూనదాంబుజకరాయ దినేశ్వరాయ సూర్యాయ తీవ్రకిరణాయ నమో నమస్తే ॥ 4 ॥
ఆమ్నాయభారభరణాయ జలప్రదాయ తోయాపహాయ కరుణామృతసాగరాయ । నారాయణాయ వివిధామరవందితాయ సూర్యాయ తీవ్రకిరణాయ నమో నమస్తే ॥ 5 ॥
ఇతి శ్రీ మార్తాండ స్తోత్రమ్ ॥
Browse Related Categories:
Offered for worship and study, not as prediction. Non-commercial.
More devotional texts