Surya Bhagavan · Traditional devotional text · Source: vignanam.org (Traditional devotional text (public-domain shlokas))
ഗാഢാംധകാരഹരണായ ജഗദ്ധിതായ ജ്യോതിര്മയായ പരമേശ്വരലോചനായ । മംദേഹദൈത്യഭുജഗർവവിഭംജനായ സൂര്യായ തീവ്രകിരണായ നമോ നമസ്തേ ॥ 1 ॥
ഛായാപ്രിയായ മണികുംഡലമംഡിതായ സുരോത്തമായ സരസീരുഹബാംധവായ । സൌവര്ണരത്നമകുടായ വികര്തനായ സൂര്യായ തീവ്രകിരണായ നമോ നമസ്തേ ॥ 2 ॥
സംജ്ഞാവധൂഹൃദയപംകജഷട്പദായ ഗൌരീശപംകജഭവാച്യുതവിഗ്രഹായ । ലോകേക്ഷണായ തപനായ ദിവാകരായ സൂര്യായ തീവ്രകിരണായ നമോ നമസ്തേ ॥ 3 ॥
സപ്താശ്വബദ്ധശകടായ ഗ്രഹാധിപായ രക്താംബരായ ശരണാഗതവത്സലായ । ജാംബൂനദാംബുജകരായ ദിനേശ്വരായ സൂര്യായ തീവ്രകിരണായ നമോ നമസ്തേ ॥ 4 ॥
ആമ്നായഭാരഭരണായ ജലപ്രദായ തോയാപഹായ കരുണാമൃതസാഗരായ । നാരായണായ വിവിധാമരവംദിതായ സൂര്യായ തീവ്രകിരണായ നമോ നമസ്തേ ॥ 5 ॥
ഇതി ശ്രീ മാര്താംഡ സ്തോത്രമ് ॥
Browse Related Categories:
Offered for worship and study, not as prediction. Non-commercial.
More devotional texts