Samskritam Songs · Traditional devotional text · Source: vignanam.org (Traditional devotional text (public-domain shlokas))
അവനിതലം പുനരവതീര്ണാ സ്യാത് സംസ്കൃതഗംഗാധാരാ । ധീരഭഗീരഥവംശോഽസ്മാകം വയം തു കൃതനിര്ധാരാഃ ॥
നിപതതു പംഡിതഹരശിരസി പ്രവഹതു നിത്യമിദം വചസി പ്രവിശതു വൈയാകരണമുഖം പുനരപി വഹതാജ്ജനമനസി പുത്രസഹസ്രം സമുദ്ധൃതം സ്യാത് യാംതു ച ജന്മവികാരാഃ ॥ 1 ॥
ഗ്രാമം ഗ്രാമം ഗച്ഛാമ സംസ്കൃതശിക്ഷാം യച്ഛാമ സർവേഷാമപി തൃപ്തിഹിതാര്ഥം സ്വക്ലേശം ന ഹി ഗണയേമ കൃതേ പ്രയത്നേ കിം ന ലഭേത ഏവം സംതി വിചാരാഃ ॥ 2 ॥
യാ മാതാ സംസ്കൃതിമൂലാ യസ്യാ വ്യാപ്തിസ്സുവിശാലാ വാങ്മയരൂപാ സാ ഭവതു ലസതു ചിരം സാ വാങ്മാലാ സുരവാണീം ജനവാണീം കര്തും യതാമഹേ കൃതിശൂരാഃ ॥ 3 ॥
രചന: ഡാ. നാരായണഭട്ടഃ
Browse Related Categories:
Offered for worship and study, not as prediction. Non-commercial.
More devotional texts