দকারাদি শ্রী দুর্গা সহস্র নাম স্তোত্রম্

rōgadāridryadaurbhāgyaśōkaduḥkhavināśakam । sarvāsāṃ pūjitaṃ nāma śrīdurgādēvatā matā ॥

nijabījaṃ bhavēdbījaṃ mantraṃ kīlakamuchyatē । sarvāśāpūraṇē dēvī viniyōgaḥ prakīrtitaḥ ॥

ōṃ asya śrīdakārādi durgāsahasranāma stōtrasya śiva ṛṣiḥ anuṣṭupChandaḥ śrīdurgā dēvatā duṃ bījaṃ duṃ kīlakaṃ duḥkhadāridryarōgaśōka nivṛttyarthaṃ pāṭhē viniyōgaḥ ।

dhyānam vidyuddāmasamaprabhāṃ mṛgapati skandhasthitāṃ bhīṣaṇāṃ kanyābhiḥ karavālakhēṭaviladdastābhirāsēvitām । hasaiśchakragadāsikhēṭa viśikhāṃśchāpaṃ guṇaṃ tarjanīṃ bibhrāṇāmanalātmikāṃ śaśidharāṃ durgāṃ trinētrāṃ bhajē ॥

stōtram duṃ durgā durgatiharā durgāchalanivāsinī । durgamārgānusañchārā durgamārganivāsinī ॥ 1 ॥

durgamārgapraviṣṭā cha durgamārgapravēśinī । durgamārgakṛtāvāsā durgamārgajayapriyā ॥ 2 ॥

durgamārgagṛhītārchā durgamārgasthitātmikā । durgamārgastutiparā durgamārgasmṛtiḥ parā ॥ 3 ॥

durgamārgasadāsthātrī durgamārgaratipriyā । durgamārgasthalasthānā durgamārgavilāsinī ॥ 4 ॥

durgamārgatyaktavastrā durgamārgapravartinī । durgāsuranihantrī cha durgāsuraniṣūdinī ॥ 5 ॥

durgāsuraharā dūtī durgāsuravināśinī । durgāsuravadhōnmattā durgāsuravadhōtsukā ॥ 6 ॥

durgāsuravadhōtsāhā durgāsuravadhōdyatā । durgāsuravadhaprēpsuḥ durgāsuramukhāntakṛt ॥ 7 ॥

durgāsuradhvaṃsatōṣā durgadānavadāriṇī । durgavidrāvaṇakarī durgavidrāvaṇī sadā ॥ 8 ॥

durgavikṣōbhaṇakarī durgaśīrṣanikṛntanī । durgavidhvaṃsanakarī durgadaityanikṛntanī ॥ 9 ॥

durgadaityaprāṇaharā durgadaityāntakāriṇī । durgadaityaharatrātā durgadaityāsṛgunmadā ॥ 10 ॥

durgadaityāśanakarī durgacharmāmbarāvṛtā । durgayuddhōtsavakarī durgayuddhaviśāradā ॥ 11 ॥

durgayuddhāsavaratā durgayuddhavimardinī । durgayuddhahāsyaratā durgayuddhāṭṭahāsinī ॥ 12 ॥

durgayuddhamahāmattā durgayuddhānusāriṇī । durgayuddhōtsavōtsāhā durgadēśaniṣēviṇī ॥ 13 ॥

durgadēśavāsaratā durgadēśavilāsinī । durgadēśārchanaratā durgadēśajanapriyā ॥ 14 ॥

durgamasthānasaṃsthānā durgamadhyānusādhanā । durgamā durgamadhyānā durgamātmasvarūpiṇī ॥ 15 ॥

durgamāgamasandhānā durgamāgamasaṃstutā । durgamāgamadurjñēyā durgamaśrutisammatā ॥ 16 ॥

durgamaśrutimānyā cha durgamaśrutipūjitā । durgamaśrutisuprītā durgamaśrutiharṣadā ॥ 17 ॥

durgamaśrutisaṃsthānā durgamaśrutimānitā । durgamāchārasantuṣṭā durgamāchāratōṣitā ॥ 18 ॥

durgamāchāranirvṛttā durgamāchārapūjitā । durgamāchārakalitā durgamasthānadāyinī ॥ 19 ॥

durgamaprēmaniratā durgamadraviṇapradā । durgamāmbujamadhyasthā durgamāmbujavāsinī ॥ 20 ॥

durganāḍīmārgagatirdurganāḍīprachāriṇī । durganāḍīpadmaratā durganāḍyambujasthitā ॥ 21 ॥

durganāḍīgatāyātā durganāḍīkṛtāspadā । durganāḍīrataratā durganāḍīśasaṃstutā ॥ 22 ॥

durganāḍīśvararatā durganāḍīśachumbitā । durganāḍīśakrōḍasthā durganāḍyatthitōtsukā ॥ 23 ॥

durganāḍyārōhaṇā cha durganāḍīniṣēvitā । daristhānā daristhānavāsinī danujāntakṛt ॥ 24 ॥

darīkṛtatapasyā cha darīkṛtaharārchanā । darījāpitadiṣṭā cha darīkṛtaratipriyā ॥ 25 ॥

darīkṛtaharārhā cha darīkrīḍitaputrikā । darīsandarśanaratā darīrōpitavṛśchikā ॥ 26 ॥

darīguptikautukāḍhyā darībhramaṇatatparā । danujāntakarī dīnā danusantānadāriṇī ॥ 27 ॥

danujadhvaṃsinī dūnā danujēndravināśinī । dānavadhvaṃsinī dēvī dānavānāṃ bhayaṅkarī ॥ 28 ॥

dānavī dānavārādhyā dānavēndravarapradā । dānavēndranihantrī cha dānavadvēṣiṇīsatī ॥ 29 ॥

dānavāriprēmaratā dānavāriprapūjitā । dānavārikṛtārchā cha dānavārivibhūtidā ॥ 30 ॥

dānavārimahānandā dānavāriratipriyā । dānavāridānaratā dānavārikṛtāspadā ॥ 31 ॥

dānavāristutiratā dānavārismṛtipriyā । dānavāryāhāraratā dānavāriprabōdhinī ॥ 32 ॥

dānavāridhṛtaprēmā duḥkhaśōkavimōchanī । duḥkhahantrī duḥkhadātrī duḥkhanirmūlakāriṇī ॥ 33 ॥

duḥkhanirmūlanakarī duḥkhadāridryanāśinī । [dāryarināśinī] duḥkhaharā duḥkhanāśā duḥkhagrāmā durāsadā ॥ 34 ॥

duḥkhahīnā duḥkhadūrā draviṇāchāradāyinī । draviṇōtsargasantuṣṭā draviṇatyāgatōṣitā ॥ 35 ॥

draviṇasparśasantuṣṭā draviṇasparśamānadā । draviṇasparśaharṣāḍhyā draviṇasparśatuṣṭidā ॥ 36 ॥

draviṇasparśanakarī draviṇasparśanāturā । draviṇasparśanōtsāhā draviṇasparśasādhitā ॥ 37 ॥

draviṇasparśanamatā draviṇasparśaputrikā । draviṇasparśarakṣiṇī draviṇastōmadāyinī ॥ 38 ॥

draviṇākarṣaṇakarī draviṇaughavisarjanī । draviṇāchaladānāḍhyā draviṇāchalavāsinī ॥ 39 ॥

dīnamātā dīnabandhurdīnavighnavināśinī । dīnasēvyā dīnasiddhā dīnasādhyā digambarī ॥ 40 ॥

dīnagēhakṛtānandā dīnagēhavilāsinī । dīnabhāvaprēmaratā dīnabhāvavinōdinī ॥ 41 ॥

dīnamānavachētaḥsthā dīnamānavaharṣadā । dīnadainyavighātēchChurdīnadraviṇadāyinī ॥ 42 ॥

dīnasādhanasantuṣṭā dīnadarśanadāyinī । dīnaputrādidātrī cha dīnasamyagvidhāyinī ॥ 43 ॥

dattātrēyadhyānaratā dattātrēyaprapūjitā । dattātrēyarṣisaṃsiddhā dattātrēyavibhāvitā ॥ 44 ॥

dattātrēyakṛtārhā cha dattātrēyaprasāditā । dattātrēyaharṣadātrī dattātrēyasukhapradā ॥ 45 ॥

dattātrēyastutā chaiva dattātrēyanutāsadā । dattātrēyaprēmaratā dattātrēyānumānitā ॥ 46 ॥

dattātrēyasamudgītā dattātrēyakuṭumbinī । dattātrēyaprāṇatulyā dattātrēyaśarīriṇī ॥ 47 ॥

dattātrēyakṛtānandā dattātrēyāṃśasambhavā । dattātrēyavibhūtisthā dattātrēyānusāriṇī ॥ 48 ॥

dattātrēyagītiratā dattātrēyadhanapradā । dattātrēyaduḥkhaharā dattātrēyavarapradā ॥ 49 ॥

dattātrēyajñānadātrī dattātrēyabhayāpahā । dēvakanyā dēvamānyā dēvaduḥkhavināśinī ॥ 50 ॥

dēvasiddhā dēvapūjyā dēvējyā dēvavanditā । dēvamānyā dēvadhanyā dēvavighnavināśinī ॥ 51 ॥

dēvaramyā dēvaratā dēvakautukatatparā । dēvakrīḍā dēvavrīḍā dēvavairivināśinī ॥ 52 ॥

dēvakāmā dēvarāmā dēvadviṣavināśinī । dēvadēvapriyā dēvī dēvadānavavanditā ॥ 53 ॥

dēvadēvaratānandā dēvadēvavarōtsukā । dēvadēvaprēmaratā dēvadēvapriyaṃvadā ॥ 54 ॥

dēvadēvaprāṇatulyā dēvadēvanitambinī । dēvadēvahṛtamanā dēvadēvasukhāvahā ॥ 55 ॥

dēvadēvakrōḍaratā dēvadēvasukhapradā । dēvadēvamahānandā dēvadēvaprachumbitā ॥ 56 ॥

dēvadēvōpabhuktā cha dēvadēvānusēvitā । dēvadēvagataprāṇā dēvadēvagatātmikā ॥ 57 ॥

dēvadēvaharṣadātrī dēvadēvasukhapradā । dēvadēvamahānandā dēvadēvavilāsinī ॥ 58 ॥

dēvadēvadharmapatnī dēvadēvamanōgatā । dēvadēvavadhūrdēvī dēvadēvārchanapriyā ॥ 59 ॥

dēvadēvāṅganilayā dēvadēvāṅgaśāyinī । dēvadēvāṅgasukhinī dēvadēvāṅgavāsinī ॥ 60 ॥

dēvadēvāṅgabhūṣā cha dēvadēvāṅgabhūṣaṇā । dēvadēvapriyakarī dēvadēvāpriyāntakṛt ॥ 61 ॥

dēvadēvapriyaprāṇā dēvadēvapriyātmikā । dēvadēvārchakaprāṇā dēvadēvārchakapriyā ॥ 62 ॥

dēvadēvārchakōtsāhā dēvadēvārchakāśrayā । dēvadēvārchakāvighnā dēvadēvaprasūrapi ॥ 63 ॥

dēvadēvasya jananī dēvadēvavidhāyinī । dēvadēvasya ramaṇī dēvadēvahṛdāśrayā ॥ 64 ॥

dēvadēvēṣṭadēvī cha dēvatāpavipātinī । [tāpasapālinī] dēvatābhāvasantuṣṭā dēvatābhāvatōṣitā ॥ 65 ॥

dēvatābhāvavaradā dēvatābhāvasiddhidā । dēvatābhāvasaṃsiddhā dēvatābhāvasambhavā ॥ 66 ॥

dēvatābhāvasukhinī dēvatābhāvavanditā । dēvatābhāvasuprītā dēvatābhāvaharṣadā ॥ 67 ॥

dēvatāvighnahantrī cha dēvatādviṣanāśinī । dēvatāpūjitapadā dēvatāprēmatōṣitā ॥ 68 ॥

dēvatāgāranilayā dēvatāsaukhyadāyinī । dēvatānijabhāvā cha dēvatāhṛtamānasā ॥ 69 ॥

dēvatākṛtapādārchā dēvatāhṛtabhaktikā । dēvatāgarvamadhyasthā dēvatādēvatātanuḥ ॥ 70 ॥

duṃ‍durgāyai namō nāmnī duṃ‍ṣaṇmantrasvarūpiṇī । dūnnamōmantrarūpā cha dūnnamōmūrtikātmikā ॥ 71 ॥

dūradarśipriyā duṣṭā duṣṭabhūtaniṣēvitā । dūradarśiprēmaratā dūradarśipriyaṃvadā ॥ 72 ॥

dūradarśisiddhidātrī dūradarśipratōṣitā । dūradarśikaṇṭhasaṃsthā dūradarśipraharṣitā ॥ 73 ॥

dūradarśigṛhītārchā dūradarśipratarpitā । dūradarśiprāṇatulyā dūradarśisukhapradā ॥ 74 ॥

dūradarśibhrāntiharā dūradarśihṛdāspadā । dūradarśyarividbhāvā dīrghadarśipramōdinī ॥ 75 ॥

dīrghadarśiprāṇatulyā dīrghadarśivarapradā । dīrghadarśiharṣadātrī dīrghadarśipraharṣitā ॥ 76 ॥

dīrghadarśimahānandā dīrghadarśigṛhālayā । dīrghadarśigṛhītārchā dīrghadarśihṛtārhaṇā ॥ 77 ॥

dayā dānavatī dātrī dayālurdīnavatsalā । dayārdrā cha dayāśīlā dayāḍhyā cha dayātmikā ॥ 78 ॥

dayāmbudhirdayāsārā dayāsāgarapāragā । dayāsindhurdayābhārā dayāvatkaruṇākarī ॥ 80 ॥

dayāvadvatsalādēvī dayādānaratāsadā । dayāvadbhaktisukhinī dayāvatparitōṣitā ॥ 81 ॥

dayāvatsnēhaniratā dayāvatpratipādikā । dayāvatprāṇakartrī cha dayāvanmuktidāyinī ॥ 82 ॥

dayāvadbhāvasantuṣṭā dayāvatparitōṣitā । dayāvattāraṇaparā dayāvatsiddhidāyinī ॥ 83 ॥

dayāvatputravadbhāvā dayāvatputrarūpiṇī । dayāvaddēhanilayā dayābandhurdayāśrayā ॥ 84 ॥

dayāḻuvātsalyakarī dayāḻusiddhidāyinī । dayāḻuśaraṇāsaktā dayāḻurdēhamandirā ॥ 85 ॥

dayāḻubhaktibhāvasthā dayāḻuprāṇarūpiṇī । dayāḻusukhadā dambhā dayāḻuprēmavarṣiṇī ॥ 86 ॥

dayāḻuvaśagā dīrghā dīrghāṅgī dīrghalōchanā । dīrghanētrā dīrghachakṣurdīrghabāhulatātmikā ॥ 87 ॥

dīrghakēśī dīrghamukhī dīrghaghōṇā cha dāruṇā । dāruṇāsurahantrī cha dāruṇāsuradāriṇī ॥ 88 ॥

dāruṇāhavakartrī cha dāruṇāhavaharṣitā । dāruṇāhavahōmāḍhyā dāruṇāchalanāśinī ॥ 89 ॥

dāruṇāchāraniratā dāruṇōtsavaharṣitā । dāruṇōdyatarūpā cha dāruṇārinivāriṇī ॥ 90 ॥

dāruṇēkṣaṇasaṃyuktā dōśchatuṣkavirājitā । daśadōṣkā daśabhujā daśabāhuvirājitā ॥ 91 ॥

daśāstradhāriṇī dēvī daśadikkhyātavikramā । daśarathārchitapadā dāśarathipriyā sadā ॥ 92 ॥

dāśarathiprēmatuṣṭā dāśarathiratipriyā । dāśarathipriyakarī dāśarathipriyaṃvadā ॥ 93 ॥

dāśarathīṣṭasandātrī dāśarathīṣṭadēvatā । dāśarathidvēṣināśā dāśarathyānukūlyadā ॥ 94 ॥

dāśarathipriyatamā dāśarathiprapūjitā । daśānanārisampūjyā daśānanāridēvatā ॥ 95 ॥

daśānanāripramadā daśānanārijanmabhūḥ । daśānanāriratidā daśānanārisēvitā ॥ 96 ॥

daśānanārisukhadā daśānanārivairihṛt । daśānanārīṣṭadēvī daśagrīvārivanditā ॥ 97 ॥

daśagrīvārijananī daśagrīvāribhāvinī । daśagrīvārisahitā daśagrīvasabhājitā ॥ 98 ॥

daśagrīvāriramaṇī daśagrīvavadhūrapi । daśagrīvanāśakartrī daśagrīvavarapradā ॥ 99 ॥

daśagrīvapurasthā cha daśagrīvavadhōtsukā । daśagrīvaprītidātrī daśagrīvavināśinī ॥ 100 ॥

daśagrīvāhavakarī daśagrīvānapāyinī । daśagrīvapriyāvandyā daśagrīvāhṛtā tathā ॥ 101 ॥

daśagrīvāhitakarī daśagrīvēśvarapriyā । daśagrīvēśvaraprāṇā daśagrīvavarapradā ॥ 102 ॥

daśagrīvēśvararatā daśavarṣīyakanyakā । daśavarṣīyabālā cha daśavarṣīyavāsinī ॥ 103 ॥

daśapāpaharā damyā daśahastavibhūṣitā । daśaśastralasaddōṣkā daśadikpālavanditā ॥ 104 ॥

daśāvatārarūpā cha daśāvatārarūpiṇī । daśavidyābhinnadēvī daśaprāṇasvarūpiṇī ॥ 105 ॥

daśavidyāsvarūpā cha daśavidyāmayī tathā । dṛksvarūpā dṛkpradātrī dṛgrūpā dṛkprakāśinī ॥ 106 ॥

digantarā digantasthā digambaravilāsinī । digambarasamājasthā digambaraprapūjitā ॥ 107 ॥

digambarasahacharī digambarakṛtāspadā । digambarahṛtāchittā digambarakathāpriyā ॥ 108 ॥

digambaraguṇaratā digambarasvarūpiṇī । digambaraśirōdhāryā digambarahṛtāśrayā ॥ 109 ॥

digambaraprēmaratā digambararatāturā । digambarīsvarūpā cha digambarīgaṇārchitā ॥ 110 ॥

digambarīgaṇaprāṇā digambarīgaṇapriyā । digambarīgaṇārādhyā digambaragaṇēśvarā ॥ 111 ॥

digambaragaṇasparśāmadirāpānavihvalā । digambarīkōṭivṛtā digambarīgaṇāvṛtā ॥ 112 ॥

durantā duṣkṛtiharā durdhyēyā duratikramā । durantadānavadvēṣṭī durantadanujāntakṛt ॥ 113 ॥

durantapāpahantrī cha dasranistārakāriṇī । dasramānasasaṃsthānā dasrajñānavivardhinī ॥ 114 ॥

dasrasambhōgajananī dasrasambhōgadāyinī । dasrasambhōgabhavanā dasravidyāvidhāyinī ॥ 115 ॥

dasrōdvēgaharā dasrajananī dasrasundarī । dasrabhaktividhājñānā dasradviṣavināśinī ॥ 116 ॥

dasrāpakāradamanī dasrasiddhividhāyinī । dasratārārādhitā cha dasramātṛprapūjitā ॥ 117 ॥

dasradainyaharā chaiva dasratātaniṣēvitā । dasrapitṛśatajyōtirdasrakauśaladāyinī ॥ 118 ॥

daśaśīrṣārisahitā daśaśīrṣārikāminī । daśaśīrṣapurī dēvī daśaśīrṣasabhājitā ॥ 119 ॥

daśaśīrṣārisuprītā daśaśīrṣavadhūpriyā । daśaśīrṣaśiraśChētrī daśaśīrṣanitambinī ॥ 120 ॥

daśaśīrṣaharaprāṇā daśaśīrṣaharātmikā । daśaśīrṣaharārādhyā daśaśīrṣārivanditā ॥ 121 ॥

daśaśīrṣārisukhadā daśaśīrṣakapālinī । daśaśīrṣajñānadātrī daśaśīrṣāridēhinī ॥ 122 ॥

daśaśīrṣavadhōpāttaśrīrāmachandrarūpatā । daśaśīrṣarāṣṭradēvī daśaśīrṣārisāriṇī ॥ 123 ॥

daśaśīrṣabhrātṛtuṣṭā daśaśīrṣavadhūpriyā । daśaśīrṣavadhūprāṇā daśaśīrṣavadhūratā ॥ 124 ॥

daityagururatā sādhvī daityaguruprapūjitā । daityagurūpadēṣṭrī cha daityaguruniṣēvitā ॥ 125 ॥

daityagurugataprāṇā daityagurutāpanāśinī । durantaduḥkhaśamanī durantadamanītamī ॥ 126 ॥

durantaśōkaśamanī durantarōganāśinī । durantavairidamanī durantadaityanāśinī ॥ 127 ॥

durantakaluṣaghnī cha duṣkṛtistōmanāśinī । durāśayā durādhārā durjayā duṣṭakāminī ॥ 128 ॥

darśanīyā cha dṛśyā cha dṛṣṭvā cha dṛṣṭigōcharā । dūtīyāgapriyā dūtī dūtīyāgakarapriyā ॥ 129 ॥

dūtīyāgakarānandā dūtīyāgasukhapradā । dūtīyāgakarāyātā dūtīyāgapramōdinī ॥ 130 ॥

durvāsaḥpūjitā chaiva durvāsōmunibhāvitā । durvāsō'rchitapādā cha durvāsōmunibhāvitā ॥ 131 ॥

durvāsōmunivandyā cha durvāsōmunidēvatā । durvāsōmunimātā cha durvāsōmunisiddhidā ॥ 132 ॥

durvāsōmunibhāvasthā durvāsōmunisēvitā । durvāsōmunichittasthā durvāsōmunimaṇḍitā ॥ 133 ॥

durvāsōmunisañchārā durvāsōhṛdayaṅgamā । durvāsōhṛdayārādhyā durvāsōhṛtsarōjagā ॥ 134 ॥

durvāsastāpasārādhyā durvāsastāpasāśrayā । durvāsastāpasaratā durvāsastāpasēśvarī ॥ 135 ॥

durvāsōmunikanyā cha durvāsō'dbhutasiddhidā । dararātrī daraharā darayuktā darāpahā ॥ 136 ॥

daraghnī darahantrī cha darayuktā darāśrayā । darasmērā darāpāṅgī dayādātrī dayāśrayā । dasrapūjyā dasramātā dasradēvī darōnmadā ॥ 137 ॥

dasrasiddhā dasrasaṃsthā dasratāpavimōchanī । dasrakṣōbhaharā nityā dasralōkagatātmikā ॥ 138 ॥

daityagurvaṅganāvandyā daityagurvaṅganāpriyā । daityagurvaṅganāsiddhā daityagurvaṅganōtsukā ॥ 139 ॥

daityagurupriyatamā dēvaguruniṣēvitā । dēvaguruprasūrūpā dēvagurukṛtārhaṇā ॥ 140 ॥

dēvaguruprēmayutā dēvagurvanumānitā । dēvaguruprabhāvajñā dēvagurusukhapradā ॥ 141 ॥

dēvagurujñānadātrī dēvagurupramōdinī । daityastrīgaṇasampūjyā daityastrīgaṇapūjitā ॥ 142 ॥

daityastrīgaṇarūpā cha daityastrīchittahāriṇī । dēvastrīgaṇapūjyā cha dēvastrīgaṇavanditā ॥ 143 ॥

dēvastrīgaṇachittasthā dēvastrīgaṇabhūṣitā । dēvastrīgaṇasaṃsiddhā dēvastrīgaṇatōṣitā ॥ 144 ॥

dēvastrīgaṇahastasthachāruchāmaravījitā । dēvastrīgaṇahastasthachārugandhavilēpitā ॥ 145 ॥

dēvāṅganādhṛtādarśadṛṣṭyarthamukhachandramā । dēvāṅganōtsṛṣṭanāgavallīdaḻakṛtōtsukā ॥ 146 ॥

dēvastrīgaṇahastasthadhūpāghrāṇavinōdinī । dēvastrīgaṇahastasthadīpamālāvilōkanā ॥ 147 ॥

dēvanārīkaragatavāsakāsavapāyinī । dēvanārīkaṅkatikākṛtakēśanimārjanā ॥ 148 ॥

dēvanārīsēvyagātrā dēvanārīkṛtōtsukā । dēvanārīvirachitapuṣpamālāvirājitā ॥ 149 ॥

dēvanārīvichitrāṅgī dēvastrīdattabhōjanā । dēvastrīgaṇagītā cha dēvastrīgītasōtsukā ॥ 150 ॥

dēvastrīnṛtyasukhinī dēvastrīnṛtyadarśinī । dēvastrīyōjitalasadratnapādapadāmbujā ॥ 151 ॥

dēvastrīgaṇavistīrṇachārutalpaniṣēduṣī । dēvanārīchārukarākalitāṅghryādidēhikā ॥ 152 ॥

dēvanārīkaravyagratālavṛntamarutsakā । dēvanārīvēṇuvīṇānādasōtkaṇṭhamānasā ॥ 153 ॥

dēvakōṭistutinutā dēvakōṭikṛtārhaṇā । dēvakōṭigītaguṇā dēvakōṭikṛtastutiḥ ॥ 154 ॥

dantadāṣṭyōdvēgaphalā dēvakōlāhalākulā । dvēṣarāgaparityaktā dvēṣarāgavivarjitā ॥ 155 ॥

dāmapūjyā dāmabhūṣā dāmōdaravilāsinī । dāmōdaraprēmaratā dāmōdarabhaginyapi ॥ 156 ॥

dāmōdaraprasūrdāmōdarapatnīpativratā । dāmōdarā'bhinnadēhā dāmōdararatipriyā ॥ 157 ॥

dāmōdarābhinnatanurdāmōdarakṛtāspadā । dāmōdarakṛtaprāṇā dāmōdaragatātmikā ॥ 158 ॥

dāmōdarakautukāḍhyā dāmōdarakalākalā । dāmōdarāliṅgitāṅgī dāmōdarakutūhalā ॥ 159 ॥

dāmōdarakṛtāhlādā dāmōdarasuchumbitā । dāmōdarasutākṛṣṭā dāmōdarasukhapradā ॥ 160 ॥

dāmōdarasahāḍhyā cha dāmōdarasahāyinī । dāmōdaraguṇajñā cha dāmōdaravarapradā ॥ 161 ॥

dāmōdarānukūlā cha dāmōdaranitambinī । dāmōdarajalakrīḍākuśalā darśanapriyā ॥ 162 ॥

dāmōdarajalakrīḍātyaktasvajanasauhṛdā । dāmōdaralasadrāsakēlikautukinī tathā ॥ 163 ॥

dāmōdarabhrātṛkā cha dāmōdaraparāyaṇā । dāmōdaradharā dāmōdaravairivināśinī ॥ 164 ॥

dāmōdarōpajāyā cha dāmōdaranimantritā । dāmōdaraparābhūtā dāmōdaraparājitā ॥ 165 ॥

dāmōdarasamākrāntā dāmōdarahatāśubhā । dāmōdarōtsavaratā dāmōdarōtsavāvahā ॥ 166 ॥

dāmōdarastanyadātrī dāmōdaragavēṣitā । damayantīsiddhidātrī damayantīprasāditā ॥ 167 ॥

damayantīṣṭadēvī cha damayantīsvarūpiṇī । damayantīkṛtārchā cha damanarṣivibhāvitā ॥ 168 ॥

damanarṣiprāṇatulyā damanarṣisvarūpiṇī । damanarṣisvarūpā cha dambhapūritavigrahā ॥ 169 ॥

dambhahantrī dambhadhātrī dambhalōkavimōhinī । dambhaśīlā dambhaharā dambhavatparimardinī ॥ 170 ॥

dambharūpā dambhakarī dambhasantānadhāriṇī । dattamōkṣā dattadhanā dattārōgyā cha dāmbhikā ॥ 171 ॥

dattaputrā dattadārā dattahārā cha dārikā । dattabhōgā dattaśōkā dattahastyādivāhanā ॥ 172 ॥

dattamatirdattabhāryā dattaśāstrāvabōdhikā । dattapānā dattadānā dattadāridryanāśinī ॥ 173 ॥

dattasaudhāvanīvāsā dattasvargā cha dāsadā । dāsyatuṣṭā dāsyaharā dāsadāsīśatapradā ॥ 174 ॥

dārarūpā dāravāsā dāravāsihṛdāspadā । dāravāsijanārādhyā dāravāsijanapriyā ॥ 175 ॥

dāravāsivinirṇītā dāravāsisamarchitā । dāravāsyāhṛtaprāṇā dāravāsyārināśinī ॥ 176 ॥

dāravāsivighnaharā dāravāsivimuktidā । dārāgnirūpiṇī dārā dārakāryarināśinī ॥ 177 ॥

dampatī dampatīṣṭā cha dampatīprāṇarūpikā । dampatīsnēhaniratā dāmpatyasādhanapriyā ॥ 178 ॥

dāmpatyasukhasēvā cha dāmpatyasukhadāyinī । dāmpatyāchāraniratā dāmpatyāmōdamōditā ॥ 179 ॥

dāmpatyāmōdasukhinī dāmpatyāhlādakāriṇī । dampatīṣṭapādapadmā dāmpatyaprēmarūpiṇī ॥ 180 ॥

dāmpatyabhōgabhavanā dāḍimīphalabhōjinī । dāḍimīphalasantuṣṭā dāḍimīphalamānasā ॥ 181 ॥

dāḍimīvṛkṣasaṃsthānā dāḍimīvṛkṣavāsinī । dāḍimīvṛkṣarūpā cha dāḍimīvanavāsinī ॥ 182 ॥

dāḍimīphalasāmyōrupayōdharahṛdāyutā । [samanvitā] dakṣiṇā dakṣiṇārūpā dakṣiṇārūpadhāriṇī ॥ 183 ॥

dakṣakanyā dakṣaputrī dakṣamātā cha dakṣasūḥ । dakṣagōtrā dakṣasutā dakṣayajñavināśinī ॥ 184 ॥

dakṣayajñanāśakartrī dakṣayajñāntakāriṇī । dakṣaprasūtirdakṣējyā dakṣavaṃśaikapāvanī ॥ 185 ॥

dakṣātmajā dakṣasūnurdakṣajā dakṣajātikā । dakṣajanmā dakṣajanurdakṣadēhasamudbhavā ॥ 186 ॥

dakṣajanirdakṣayāgadhvaṃsinī dakṣakanyakā । dakṣiṇāchāraniratā dakṣiṇāchāratuṣṭidā ॥ 187 ॥

dakṣiṇāchārasaṃsiddhā dakṣiṇāchārabhāvitā । dakṣiṇāchārasukhinī dakṣiṇāchārasādhitā ॥ 188 ॥

dakṣiṇāchāramōkṣāptirdakṣiṇāchāravanditā । dakṣiṇāchāraśaraṇā dakṣiṇāchāraharṣitā ॥ 189 ॥

dvārapālapriyā dvāravāsinī dvārasaṃsthitā । dvārarūpā dvārasaṃsthā dvāradēśanivāsinī ॥ 190 ॥

dvārakarī dvāradhātrī dōṣamātravivarjitā । dōṣakarā dōṣaharā dōṣarāśivināśinī ॥ 191 ॥

dōṣākaravibhūṣāḍhyā dōṣākarakapālinī । dōṣākarasahasrābhā dōṣākarasamānanā ॥ 192 ॥

dōṣākaramukhī divyā dōṣākarakarāgrajā । dōṣākarasamajyōtirdōṣākarasuśītalā ॥ 193 ॥

dōṣākaraśrēṇī dōṣasadṛśāpāṅgavīkṣaṇā । dōṣākarēṣṭadēvī cha dōṣākaraniṣēvitā ॥ 194 ॥

dōṣākaraprāṇarūpā dōṣākaramarīchikā । dōṣākarōllasatphālā dōṣākarasuharṣiṇī ॥ 195 ॥

dōṣākaraśirōbhūṣā dōṣākaravadhūpriyā । dōṣākaravadhūprāṇā dōṣākaravadhūrmatā ॥ 196 ॥

dōṣākaravadhūprītā dōṣākaravadhūrapi । dōṣāpūjyā tathā dōṣāpūjitā dōṣahāriṇī ॥ 197 ॥

dōṣājāpamahānandā dōṣājapaparāyaṇā । dōṣāpuraśchāraratā dōṣāpūjakaputrikā ॥ 198 ॥

dōṣāpūjakavātsalyakāriṇījagadambikā । dōṣāpūjakavairighnī dōṣāpūjakavighnahṛt ॥ 199 ॥

dōṣāpūjakasantuṣṭā dōṣāpūjakamuktidā । damaprasūnasampūjyā damapuṣpapriyā sadā ॥ 200 ॥

duryōdhanaprapūjyā cha duśśāsanasamarchitā । daṇḍapāṇipriyā daṇḍapāṇimātā dayānidhiḥ ॥ 201 ॥

daṇḍapāṇisamārādhyā daṇḍapāṇiprapūjitā । daṇḍapāṇigṛhāsaktā daṇḍapāṇipriyaṃvadā ॥ 202 ॥

daṇḍapāṇipriyatamā daṇḍapāṇimanōharā । daṇḍapāṇihṛtaprāṇā daṇḍapāṇisusiddhidā ॥ 203 ॥

daṇḍapāṇiparāmṛṣṭā daṇḍapāṇipraharṣitā । daṇḍapāṇivighnaharā daṇḍapāṇiśirōdhṛtā ॥ 204 ॥

daṇḍapāṇiprāptacharchā daṇḍapāṇyunmukhī sadā । daṇḍapāṇiprāptapadā daṇḍapāṇiparāṅmukhī ॥ 205 ॥

daṇḍahastā daṇḍapāṇirdaṇḍabāhurdarāntakṛt । daṇḍadōṣkā daṇḍakarā daṇḍachittakṛtāspadā ॥ 206 ॥

daṇḍividyā daṇḍimātā daṇḍikhaṇḍakanāśinī । daṇḍipriyā daṇḍipūjyā daṇḍisantōṣadāyinī ॥ 207 ॥

dasyupūjā dasyuratā dasyudraviṇadāyinī । dasyuvargakṛtārhā cha dasyuvargavināśinī ॥ 208 ॥

dasyunirnāśinī dasyukulanirnāśinī tathā । dasyupriyakarī dasyunṛtyadarśanatatparā ॥ 209 ॥

duṣṭadaṇḍakarī duṣṭavargavidrāviṇī tathā । duṣṭavarganigrahārhā dūṣakaprāṇanāśinī ॥ 210 ॥

dūṣakōttāpajananī dūṣakāriṣṭakāriṇī । dūṣakadvēṣaṇakarī dāhikā dahanātmikā ॥ 211 ॥

dārukārinihantrī cha dārukēśvarapūjitā । dārukēśvaramātā cha dārukēśvaravanditā ॥ 212 ॥

darbhahastā darbhayutā darbhakarmavivarjitā । darbhamayī darbhatanurdarbhasarvasvarūpiṇī ॥ 213 ॥

darbhakarmāchāraratā darbhahastakṛtārhaṇā । darbhānukūlā dārbharyā darvīpātrānudāminī ॥ 214 ॥

damaghōṣaprapūjyā cha damaghōṣavarapradā । damaghōṣasamārādhyā dāvāgnirūpiṇī tathā ॥ 215 ॥

dāvāgnirūpā dāvāgninirnāśitamahābalā । dantadaṃṣṭrāsurakalā dantacharchitahastikā ॥ 216 ॥

dantadaṃṣṭrasyandanā cha dantanirnāśitāsurā । dadhipūjyā dadhiprītā dadhīchivaradāyinī ॥ 217 ॥

dadhīchīṣṭadēvatā cha dadhīchimōkṣadāyinī । dadhīchidainyahantrī cha dadhīchidaradhāriṇī ॥ 218 ॥

dadhīchibhaktisukhinī dadhīchimunisēvitā । dadhīchijñānadātrī cha dadhīchiguṇadāyinī ॥ 219 ॥

dadhīchikulasambhūṣā dadhīchibhuktimuktidā । dadhīchikuladēvī cha dadhīchikuladēvatā ॥ 220 ॥

dadhīchikulagamyā cha dadhīchikulapūjitā । dadhīchisukhadātrī cha dadhīchidainyahāriṇī ॥ 221 ॥

dadhīchiduḥkhahantrī cha dadhīchikulasundarī । dadhīchikulasambhūtā dadhīchikulapālinī ॥ 222 ॥

dadhīchidānagamyā cha dadhīchidānamāninī । dadhīchidānasantuṣṭā dadhīchidānadēvatā ॥ 223 ॥

dadhīchijayasamprītā dadhīchijapamānasā । dadhīchijapapūjāḍhyā dadhīchijapamālikā ॥ 224 ॥

dadhīchijapasantuṣṭā dadhīchijapatōṣiṇī । dadhīchitāpasārādhyā dadhīchiśubhadāyinī ॥ 225 ॥

dūrvā dūrvādalaśyāmā dūrvādalasamadyutiḥ । nāmnāṃ sahasraṃ durgāyā dādīnāmiti kīrtitam ॥ 226 ॥

phalaśṛtiḥ yaḥ paṭhētsādhakādhīśaḥ sarvasiddhirlabhēttu saḥ । prātarmadhyāhnakālē cha sandhyāyāṃ niyataḥ śuchiḥ ॥ 227 ॥

tathā'rdharātrasamayē sa mahēśa ivāparaḥ । śaktiyuktā mahārātrau mahāvīraḥ prapūjayēt ॥ 228 ॥

mahādēvīṃ makārādyaiḥ pañchabhirdravya sattamaiḥ । tatpaṭhēt stutimimāṃ yaḥ sa cha siddhisvarūpadhṛk ॥ 229 ॥

dēvālayē śmaśānē cha gaṅgātīrē nijēgṛhē । vārāṅganāgṛhē chaiva śrīgurōḥ sannidhānapi ॥ 230 ॥

parvatē prāntarē ghōrē stōtramētatsadā paṭhēt । durgānāmasahasrēṇa durgāṃ paśyati chakṣuṣā ॥ 231 ॥

śatāvartanamētasya puraścharaṇamuchyatē । stutisārō nigaditaḥ kiṃ bhūyaḥ śrōtumichChasi ॥ 232 ॥

iti kulārṇavē durgā dakārādi sahasranāmastōtram ।

Browse Related Categories: