নারাযণীয়ং দশক 10 - সৃষ্টিবৈবিধ্যম্

വൈകുംഠ വര്ധിതബലോഽഥ ഭവത്പ്രസാദാ- ദംഭോജയോനിരസൃജത് കില ജീവദേഹാന് । സ്ഥാസ്നൂനി ഭൂരുഹമയാനി തഥാ തിരശ്ചാം ജാതിം മനുഷ്യനിവഹാനപി ദേവഭേദാന് ॥1॥

മിഥ്യാഗ്രഹാസ്മിമതിരാഗവികോപഭീതി- രജ്ഞാനവൃത്തിമിതി പംചവിധാം സ സൃഷ്ട്വാ । ഉദ്ദാമതാമസപദാര്ഥവിധാനദൂന - സ്തേനേ ത്വദീയചരണസ്മരണം വിശുദ്ധ്യൈ ॥2॥

താവത് സസര്ജ മനസാ സനകം സനംദം ഭൂയഃ സനാതനമുനിം ച സനത്കുമാരമ് । തേ സൃഷ്ടികര്മണി തു തേന നിയുജ്യമാനാ- സ്ത്വത്പാദഭക്തിരസികാ ജഗൃഹുര്ന വാണീമ് ॥3॥

താവത് പ്രകോപമുദിതം പ്രതിരുംധതോഽസ്യ ഭ്രൂമധ്യതോഽജനി മൃഡോ ഭവദേകദേശഃ । നാമാനി മേ കുരു പദാനി ച ഹാ വിരിംചേ- ത്യാദൌ രുരോദ കില തേന സ രുദ്രനാമാ ॥4॥

ഏകാദശാഹ്വയതയാ ച വിഭിന്നരൂപം രുദ്രം വിധായ ദയിതാ വനിതാശ്ച ദത്വാ । താവംത്യദത്ത ച പദാനി ഭവത്പ്രണുന്നഃ പ്രാഹ പ്രജാവിരചനായ ച സാദരം തമ് ॥5॥

രുദ്രാഭിസൃഷ്ടഭയദാകൃതിരുദ്രസംഘ- സംപൂര്യമാണഭുവനത്രയഭീതചേതാഃ । മാ മാ പ്രജാഃ സൃജ തപശ്ചര മംഗലായേ- ത്യാചഷ്ട തം കമലഭൂര്ഭവദീരിതാത്മാ ॥6॥

തസ്യാഥ സര്ഗരസികസ്യ മരീചിരത്രി- സ്തത്രാങിഗരാഃ ക്രതുമുനിഃ പുലഹഃ പുലസ്ത്യഃ । അംഗാദജായത ഭൃഗുശ്ച വസിഷ്ഠദക്ഷൌ ശ്രീനാരദശ്ച ഭഗവന് ഭവദംഘ്രിദാസഃ ॥7॥

ധര്മാദികാനഭിസൃജന്നഥ കര്ദമം ച വാണീം വിധായ വിധിരംഗജസംകുലോഽഭൂത് । ത്വദ്ബോധിതൈസ്സനകദക്ഷമുഖൈസ്തനൂജൈ- രുദ്ബോധിതശ്ച വിരരാമ തമോ വിമുംചന് ॥8॥