নারাযণীয়ং দশক 22 - অজামিলোপাখ্য়ানম্

ಅಜಾಮಿಲೋ ನಾಮ ಮಹೀಸುರಃ ಪುರಾ ಚರನ್ ವಿಭೋ ಧರ್ಮಪಥಾನ್ ಗೃಹಾಶ್ರಮೀ । ಗುರೋರ್ಗಿರಾ ಕಾನನಮೇತ್ಯ ದೃಷ್ಟವಾನ್ ಸುಧೃಷ್ಟಶೀಲಾಂ ಕುಲಟಾಂ ಮದಾಕುಲಾಮ್ ॥1॥

ಸ್ವತಃ ಪ್ರಶಾಂತೋಽಪಿ ತದಾಹೃತಾಶಯಃ ಸ್ವಧರ್ಮಮುತ್ಸೃಜ್ಯ ತಯಾ ಸಮಾರಮನ್ । ಅಧರ್ಮಕಾರೀ ದಶಮೀ ಭವನ್ ಪುನ- ರ್ದಧೌ ಭವನ್ನಾಮಯುತೇ ಸುತೇ ರತಿಮ್ ॥2॥

ಸ ಮೃತ್ಯುಕಾಲೇ ಯಮರಾಜಕಿಂಕರಾನ್ ಭಯಂಕರಾಂಸ್ತ್ರೀನಭಿಲಕ್ಷಯನ್ ಭಿಯಾ । ಪುರಾ ಮನಾಕ್ ತ್ವತ್ಸ್ಮೃತಿವಾಸನಾಬಲಾತ್ ಜುಹಾವ ನಾರಾಯಣನಾಮಕಂ ಸುತಮ್ ॥3॥

ದುರಾಶಯಸ್ಯಾಪಿ ತದಾತ್ವನಿರ್ಗತ- ತ್ವದೀಯನಾಮಾಕ್ಷರಮಾತ್ರವೈಭವಾತ್ । ಪುರೋಽಭಿಪೇತುರ್ಭವದೀಯಪಾರ್ಷದಾಃ ಚತುರ್ಭುಜಾಃ ಪೀತಪಟಾ ಮನೋರಮಾಃ ॥4॥

ಅಮುಂ ಚ ಸಂಪಾಶ್ಯ ವಿಕರ್ಷತೋ ಭಟಾನ್ ವಿಮುಂಚತೇತ್ಯಾರುರುಧುರ್ಬಲಾದಮೀ । ನಿವಾರಿತಾಸ್ತೇ ಚ ಭವಜ್ಜನೈಸ್ತದಾ ತದೀಯಪಾಪಂ ನಿಖಿಲಂ ನ್ಯವೇದಯನ್ ॥5॥

ಭವಂತು ಪಾಪಾನಿ ಕಥಂ ತು ನಿಷ್ಕೃತೇ ಕೃತೇಽಪಿ ಭೋ ದಂಡನಮಸ್ತಿ ಪಂಡಿತಾಃ । ನ ನಿಷ್ಕೃತಿಃ ಕಿಂ ವಿದಿತಾ ಭವಾದೃಶಾ- ಮಿತಿ ಪ್ರಭೋ ತ್ವತ್ಪುರುಷಾ ಬಭಾಷಿರೇ ॥6॥

ಶ್ರುತಿಸ್ಮೃತಿಭ್ಯಾಂ ವಿಹಿತಾ ವ್ರತಾದಯಃ ಪುನಂತಿ ಪಾಪಂ ನ ಲುನಂತಿ ವಾಸನಾಮ್ । ಅನಂತಸೇವಾ ತು ನಿಕೃಂತತಿ ದ್ವಯೀ- ಮಿತಿ ಪ್ರಭೋ ತ್ವತ್ಪುರುಷಾ ಬಭಾಷಿರೇ ॥7॥

ಅನೇನ ಭೋ ಜನ್ಮಸಹಸ್ರಕೋಟಿಭಿಃ ಕೃತೇಷು ಪಾಪೇಷ್ವಪಿ ನಿಷ್ಕೃತಿಃ ಕೃತಾ । ಯದಗ್ರಹೀನ್ನಾಮ ಭಯಾಕುಲೋ ಹರೇ- ರಿತಿ ಪ್ರಭೋ ತ್ವತ್ಪುರುಷಾ ಬಭಾಷಿರೇ ॥8॥