Vishnu · Traditional devotional text · Source: vignanam.org (Traditional devotional text (public-domain shlokas))
വ്രജേശ്വരൈഃ ശൌരിവചോ നിശമ്യ സമാവ്രജന്നധ്വനി ഭീതചേതാഃ । നിഷ്പിഷ്ടനിശ്ശേഷതരും നിരീക്ഷ്യ കംചിത്പദാര്ഥം ശരണം ഗതസ്വാമ് ॥1॥
നിശമ്യ ഗോപീവചനാദുദംതം സർവേഽപി ഗോപാ ഭയവിസ്മയാംധാഃ । ത്വത്പാതിതം ഘോരപിശാചദേഹം ദേഹുർവിദൂരേഽഥ കുഠാരകൃത്തമ് ॥2॥
Offered for worship and study, not as prediction. Non-commercial.
More devotional texts
ത്വത്പീതപൂതസ്തനതച്ഛരീരാത് സമുച്ചലന്നുച്ചതരോ ഹി ധൂമഃ । ശംകാമധാദാഗരവഃ കിമേഷ കിം ചാംദനോ ഗൌല്ഗുലവോഽഥവേതി ॥3॥
മദംഗസംഗസ്യ ഫലം ന ദൂരേ ക്ഷണേന താവത് ഭവതാമപി സ്യാത് । ഇത്യുല്ലപന് വല്ലവതല്ലജേഭ്യഃ ത്വം പൂതനാമാതനുഥാഃ സുഗംധിമ് ॥4॥
ചിത്രം പിശാച്യാ ന ഹതഃ കുമാരഃ ചിത്രം പുരൈവാകഥി ശൌരിണേദമ് । ഇതി പ്രശംസന് കില ഗോപലോകോ ഭവന്മുഖാലോകരസേ ന്യമാംക്ഷീത് ॥5॥
ദിനേദിനേഽഥ പ്രതിവൃദ്ധലക്ഷ്മീരക്ഷീണമാംഗല്യശതോ വ്രജോഽയമ് । ഭവന്നിവാസാദയി വാസുദേവ പ്രമോദസാംദ്രഃ പരിതോ വിരേജേ ॥6॥
ഗൃഹേഷു തേ കോമലരൂപഹാസമിഥഃകഥാസംകുലിതാഃ കമന്യഃ । വൃത്തേഷു കൃത്യേഷു ഭവന്നിരീക്ഷാസമാഗതാഃ പ്രത്യഹമത്യനംദന് ॥7॥
അഹോ കുമാരോ മയി ദത്തദൃഷ്ടിഃ സ്മിതം കൃതം മാം പ്രതി വത്സകേന । ഏഹ്യേഹി മാമിത്യുപസാര്യ പാണീ ത്വയീശ കിം കിം ന കൃതം വധൂഭിഃ ॥8॥
ഭവദ്വപുഃസ്പര്ശനകൌതുകേന കരാത്കരം ഗോപവധൂജനേന । നീതസ്ത്വമാതാമ്രസരോജമാലാവ്യാലംബിലോലംബതുലാമലാസീഃ ॥9॥
നിപായയംതീ സ്തനമംകഗം ത്വാം വിലോകയംതീ വദനം ഹസംതീ । ദശാം യശോദാ കതമാം ന ഭേജേ സ താദൃശഃ പാഹി ഹരേ ഗദാന്മാമ് ॥10॥
Browse Related Categories: