Vishnu · Traditional devotional text · Source: vignanam.org (Traditional devotional text (public-domain shlokas))
রুচিরকংপিতকুংডলমংডলঃ সুচিরমীশ ননর্তিথ পন্নগে । অমরতাডিতদুংদুভিসুংদরং বিযতি গাযতি দৈবতয়ৌবতে ॥1॥
নমতি যদ্যদমুষ্য় শিরো হরে পরিবিহায় তদুন্নতমুন্নতম্ । পরিমথন্ পদপংকরুহা চিরং ব্যহরথাঃ করতালমনোহরম্ ॥2॥
Offered for worship and study, not as prediction. Non-commercial.
More devotional texts
ত্বদবভগ্নবিভুগ্নফণাগণে গলিতশোণিতশোণিতপাথসি । ফণিপতাববসীদতি সন্নতাস্তদবলাস্তব মাধব পাদয়োঃ ॥3॥
অয়ি পুরৈব চিরায় পরিশ্রুতত্বদনুভাববিলীনহৃদো হি তাঃ । মুনিভিরপ্যনবাপ্যপথৈঃ স্তবৈর্নুনুবুরীশ ভবংতময়ংত্রিতম্ ॥4॥
ফণিবধূগণভক্তিবিলোকনপ্রবিকসত্করুণাকুলচেতসা । ফণিপতির্ভবতাঽচ্য়ুত জীবিতস্ত্বয়ি সমর্পিতমূর্তিরবানমত্ ॥5॥
রমণকং ব্রজ বারিধিমধ্যগং ফণিরিপুর্ন করোতি বিরোধিতাম্ । ইতি ভবদ্বচনান্যতিমানযন্ ফণিপতির্নিরগাদুরগৈঃ সমম্ ॥6॥
ফণিবধূজনদত্তমণিব্রজজ্বলিতহারদুকূলবিভূষিতঃ । তটগতৈঃ প্রমদাশ্রুবিমিশ্রিতৈঃ সমগথাঃ স্বজনৈর্দিবসাবধৌ ॥7॥
নিশি পুনস্তমসা ব্রজমংদিরং ব্রজিতুমক্ষম এব জনোত্করে । স্বপতি তত্র ভবচ্চরণাশ্রয়ে দবকৃশানুররুংধ সমংততঃ ॥8॥
প্রবুধিতানথ পালয় পালয়েত্য়ুদযদার্তরবান্ পশুপালকান্ । অবিতুমাশু পপাথ মহানলং কিমিহ চিত্রময়ং খলু তে মুখম্ ॥9॥
শিখিনি বর্ণত এব হি পীততা পরিলসত্যধুনা ক্রিযয়াঽপ্যসৌ । ইতি নুতঃ পশুপৈর্মুদিতৈর্বিভো হর হরে দুরিতৈঃসহ মে গদান্ ॥10॥
Browse Related Categories: